الاثنين، 15 ديسمبر، 2008

لراحة الروح من وجع القلب هنركز فى احساس لسه حى الى ان ترتاح الروح وتفوق شويه




مخلصش الكلام



ولسه فيه تانى



قريب هرجع هنا
وروحى تروق



وكلامى وصوتى لسه



فى مدونتى






لحد دلوقتى بس



الله عالم بكره هيحصله ايه

السبت، 15 نوفمبر، 2008

كلام جوايا لشوية ستات واللى هتزعل وتنكر تبقى من الشوية الباقين



انا حبت أغير جو المدونة البائس

جو الوجع والاحتياج

وقولت اكتب شويه كلام عن النساء

وكل دى اراء كتبها مش نقلها

وكل رأى فيهم متوجه لأمرأه فى خيالى

أعرفها او معرفهاش

المهم انها موجودة وعايشة بينا

المرأه:

قبل أن تحب

ترى قوة الرجل أجباروتسلط وتحكم واجبارعلى طاعته

بعد أن تحب

ترى قوته حماية لها

قبل أن تحب

ترى ضرورة موافقته على كل أمورها ظلم وأفتراء

بعد أن تحبه

تراه أهتمام وخوف عليها

قبل أن تحب

ترى تدخله فى نوع لبسها وعملها وسهرها قهر لها

بعد أن تحبه

تراه غيرة ونخوه ورجوله وحب لها

قبل أن تحب

ترى جمال حياتها فى عملها وكيانها

بعد أن تحبه

تتمنى نجاجه قبل نجاحها وكيانها لا يكتمل الا باكتمال كيانه

قبل أن تحب

لاتقبل ان تتحمل وتتصورفكرة ان تشاركها أمرأه اخرى حبيبها

بعد ان تحبه

تتحمل ان تشاركها أمرأه وأثنين لاكن يبقا معها من تحبه ولا يفارقها


الحب جزئ من حياة الرجل وكل حياة المرأه

المرأه: ما تقوله وما تفعله

تهاجم الدنيا كلها لأنها تقول أن المرأه تحتاج الرجل فى أزمتها



وعندما تواجها أى أزمة تجرى وتحتمى بأقرب رجل لها

تريد المساواه بالرجل فى كل شئ

ولو تساوت تطلب منه يكون مسئول عنها فى كل مطلبات حياتها

ترى ما تتصوره ظلم للطبيعة وللعادات

وللديانات لها من فرض حمايه لها من الرجل

ولا ترى هذا الظلم للطبيعه والعادات وللديانات على الرجل

من الفرض والواجب على الرجل لكى يفعل ذالك

تهاجم الرجل البسباس الوقح بتاع الستات

لاكنها تحلم بيه وتتمنى الفوز بقلبه دون بقية النساء


ممكن ان تتهاون وتتحمل خيانة الرجل لها مع كثير من النساء

لاكن تتحفز وتتصارع معه اذا فكر ان يتزوج امرأه


كلمة لستات من المريخ


لماذا لا ترى وتحبى طبيعتك ونتعايشى معها


ترى ما وجب عليك أن تتحمليه


وما رحمتك الطبيعه من تحمله

وجعلت الرجل يتحمله

كونى أمراه على طبيعتك

كما يتقبل الرجل طبيعته

لأن من المستحيل ان تصبح المراه كالرجل

وان يصبح الرجل كالمراه

الأربعاء، 1 أكتوبر، 2008

تانى برضوا حاجات .....ليها ولية وللدنيا ...بحبها اووووى



طول ما العشق موجود هيفضل قلبى موعود

احساسى هيفضل يتحرك كانه طفل مولود

الكلام ده بحسه لما بكلم نفسى

وأقولها بلا حب ولا وجع قلب

بس بيكون كلام ومش حقيقى جوايا

لان اللى جواه حب مهما بيقول

لنفسه ولا للناس الكلام

ده بيكون من ورا قلبه

لما يعرف ولا يسمع شئ

عن حبيبه قلب بيفرح ويصرخ

زى الطفل اللى فرحان بظهوره للدنيا


يا دنيا ليه أنا عايش فى مر


أيام تمر


مستنيها تعدى على حلوه


تعدى فرحه


بعدها شر

الكلام ده حسيته لما وسط الحزن


وعدم السعادة تظهرى فرحة

أفرح بيها أوى وأقول دى اللى هتعوضنى


شئ من اللى فات

لاكنها تضيع وتختفى


وتروح وممكن تموت

وارجع للحزن تانى وتظهر فرحة تانى


وتضيع مره تانى


تعدى الثوانى تمر السنين

تفوت الدقايق يزيد الحنين

لما اللى بحبها غابت عنى



ولقيت كل يوم بيفوت حبها زى ما هو


عمره ما قل منه أى شئ


ضمينى وخدينى فى حضنك ضمينى


أناعاشق وبحبك صدقينى


متبعديش ومتحوليش فى لحظة تسبينى


انا مش هعيش وانتى مش هتنسينى

الكلام ده حسيت بيه كل ما بفكر


ان اللى بتحبنى ممكن تفكر انها تسبنى

تفكر تحاول تسبنى

أشوف الحاضر وأقول هتقدر

أنا مش ممكن أتصور حبيب يسيب حبيبه

ومش هقدر افرح من غير وجودها فى حياتى



نفسى أسعدك وأعيش دنيتك


وأشاركك حزنك وفرحتك


يا رب يدملى محبتك

حسيت بكدة ألف مرة


بس المرة دى كان ليها طعم تانى


لما قالتلى أن اللى جواها


نحيتى شئ وضعه ربنا


وعمره ما هيموت مهما يحصل منى


ولا من الدنيا


حبها ليه عمره ما هيموت

السبت، 28 يونيو، 2008

الحب الحقيقى يموت؟?????


ناس كتيره بتحب

بتفتكر وبتقول انه حب حقيقى

بس يبعدوا عن بعض وبعد مدة نشوف

ان جواهم اى شئ للحب اللى

كانوا بيقولوا عليه حب

مش بنلاقى جواهم حتى ذكرى منه

أكيد ده حب مش حقيقى

فى حب حقيقى بيموت؟


فى نموذجيين شوفتهم فى افلامنا

فليم
اغلى من حياتى بتاع احممممممممد...منى


ان الحبايب لما افترقوا


وبعد سنوات قبلوا بعض


مقدروش يبعدوا عن بعض وتزوجوا


وكان على استعداد يسيب مراته من اجل حبيبته


ده لانه مكنش بيحب مراته


وحبه كله كان لحبيبة اللى افترق عنها

النموذج التانى فى فليم عن العشق والهوى


لما بعد ما فات سنوات احمد ومنى قبلوا بعض برضوا


بس دول أحمدالسقا ومنى زكى

كان احمد حب واحدة ومشاعره


ارتبطت بحب تانى وهو مع منى قاعدين فى كافيه


كان فكره وقلبه مع حبيبته ومراته وحبيبته منى خلاص


حبها شبه مات احساسه مات نحيتها

هو لما كان بيحبها كان بيحبها حب حقيقى؟

طيب احنا لو حبيبنا حبيبنا بجد



حبينا بكل كيانا بكل احساسنا


بصدق واللى بنحبهم لظروف ما اختفوا


وتعبنا من اختفائهم ده واتعذبنا

ومرت ايام وايام واحنا بنتعذب


مش قادريين ننسا الحب ده ولا عارفيين نحب

وقبلنا بعد مدة اللى حسينا اننا بنحبه

وأننا نقدر نعيش معاه ونكمل عمرنا ونهواه

وعرفنا اننا بنحب حب حقيقى وبجد

والقدر وكلنا عارفيين بيعمل ايه فينا القدر

فى اللحظة اللى الحب اتولد واتوجد واتمكن من قلبنا



وأبتدا يتغلغل فى كيانا ظهر حبانا الاولانى

ظهر كله حب وحنان

ظهر وهو كله اشتياق

ظهر وهو مجروح وموجوع من بعاده

لانه كان غصب عنه كان اختفاءه مجبرعليه


تفتكرى نعمل ايه؟

ممكن نموت الحب الجديد علشان الحب القديم


ولا الحب القديم اكبر واعمق وسهل

نجهض الحب الجديد ونبعد عنه

طيب الحب القديم كان حب حقيقى وصادق فيه

الحب الجديد برضوا حب حقيقى وصادق فيه

يعنى الاتنين ينفع يكون صادق فيهم

الاتنين ممكن يكونوا حب حقيقى

هو لازم حب يتغلب على حب ويموته

ولا ممكن الحب يفضل موجود نحيت الاتنين

ويرتبط باللى ظروفها ممكن يقدر يرتبط بيها


تفتكروا تعملوا ايه ساعتها

تفتكروا الحب الحقيقى يموت نحيت حد فيهم

طيب الحب الحقيقى ممكن يتكرر اكتر من مرة

طيب لو ارتبط بحب منهم هينسا حبه التانى


طيب لو نساه محتاج اد ايه علشان ينساه

طيب ايه الاسباب والعوامل اللى تخليه يقدر ينساه

طيب ايه الاسباب والعوامل اللى تخليه صعب ينساه

انا مش هجاوب لانى محتاج اجابات

وفى ردى على التعليقات هتلاقوا اجابتى

الأحد، 25 مايو، 2008

الصراع بين صداقة المراه وحبها ..أكيد الحب كسبان


صداقة

أيمان وهدى جيران وأصحاب مع بعض على طول



تفكيرهم زى بعض أهتمامتهم زى بعض متفاهمين



فى كل شئ لوسألنا أيمان مين أكتر واحدة بتحبيها بعد بابا وماما



هتوقلك هدى ولو سألتى هدى مين أكتر

واحدة غالية عليكى هتقولك أيمان

كبريت هدى وأيمان

صداقة ووحب وأشياء أخرى

هدىسافرت وأيمان أتجوزت حبيت وأتجوزت

بعد سنتين تلاته رجعت هدى من السفر

هدىلسه محبتش ولا أرتبطت

هدى زارت أيمان هدى شافت عادل وعادل شاف


هدى عادل زوج أيمان طبعا هدى طول الوقت مع أيمان

ومع عادل هدى حبيت عادل وعادل حب هدى

هدى صديقة أيمان بس بتحب عادل

أوووووى وعادل بيحب هدى اوووووى

هدى هتبعدعن عادل وتنسا حبها ولامش هتقدر تقاوم


مطاردة عادل ليها وممكن توافق تتجوزه

أقل شئ فى السر وتبقا فى الظل بلاش عادل وهدى

وأيمان وفليم الحب الضائع

مش فليم دى الدنيا

نقول ممكن صداقة المرأه للمرأه تمنعها من حب

والارتباط بزوج صديقتها طيب تفتكروا ممكن

واحدة بتحب واحد وتعرف ان صديقتها بتحبه ممكن تكتم حبها

علشان صحبتها طب نعكسها الرجل ممكن يكتم

حبه علشان صحبه وصديقه

للرجل طبيعة والست طبيعة

مش عاوز حد يقولى حسب الشخصيه والاخلاق

ومش كل راجل ومش كل ست اناعارف

لكل شئ فى الدنيا استثناء وحالة

بس احنا عاوزين نعرف كفة الصداقه للمرأه


وكفة الحب نسبتها كام لكام

وكفة الصداقه للرجل بالنسبة للحب نسبة كام لكام

انا هقول رأى واللى مقتنع بية


واللى سنوات عمرى شافته وقابلته وحسيته

طبيعة المرأه كده وده مش عيب

أن المرأه تستغنى عن كل شئ بما فيها صديقتها علشان حبها


وأكتر شئ هتعمله هدى لو بتعز أيمان اوى أنها تتجوز عادل


فى السر وده مش عيب فى المرأه بالعكس انا شايف أن المرأه


حبها بيكون لرجل واحد وبتحس انه كل حياتها


ولو ضاع منها مش هتحب تانى

اما الرجل بقه بشوفه يستغنى أوقات كتيرعن



حبه وبيعرف كويس يحب تانى وتالت زى ما عادل كان بيحب


أيمان ودلوقتى بيحب هدى ودايمن بيعرف يلاقى واحدة تعوضه


عن حبه اللى راح وكمان الصداقه ليها

مكانه كبيرة اوى فى حياته ودنيته

وفى واحدة لا وحدات قالتلى انا صدقتى ممكن الاقى غيرها

وأعوضها لاكن حبيبى أزاى ممكن أعوضها

وواحد قالى اوعى تبيع راجل علشان ست

وأكرر تانى دى الصوره العامة اللى شيفها ولو شوفت


غيرها بتكون استثناء بسيط وقليل

ودى المراجع اللى أخدت منها البوست

سنوات عمرى واللى شوفته وبشوفه فى الواقع

فليم

الحب الضائع

فليم دانتلا

فليم هندى

وميت فليم تانى لو عاوزين

ومتنسوش ان نسبه كبيرة من الزيجات التانية للزوج


بتكون من صديقه وصاحبة للزوجة

معايا ولا هنختلف
يا ستات

الجمعة، 11 أبريل، 2008

هى....... وانا.....وانا..... وانا ...........وانا..........جسد..... وغريزة .......وملاك .....وشيطان



اول لقاء(الرجالة كلها زى بعض)



هى/ جمالها عادى ملابسها الضيقة تزيد من أنوثتها




عينها الجريئة تناديك ابتسامتها مزيج بين البرائة والدلع



انا/ تفاصيل جسدها شدنى اليها جرئة عينيها جذبتنى



هى أمراة مثيرة اثارتنى بعض الشئ



انا/ طفلة لا تعلم ما تفعله بنظراتها



وضحكاتها وايمائتها فى الرجال


وما يتصوره الرجل ويتمنوه من هذه النظرات


انا/تمنيت ان اكلمها وان....وان.......وكلمتها


هى/ كلمتنى كانها تعرفنى من سنين


لم تحاول ان تتجمل لم تكذب سألتها


فجاوبت فسألتها وتوالت الاسئلة وتوالت اجابتها



وذهبت وتواعدنا على لقاء اخر




خطة...حلم(كفاية انها ست)



انا/ جرئة حوارها معى جعلنى اذهب بافكارى



لحد انى تمنيتها


انا/جرئة وبساطة وتلقائية حورها معى




واتفقانا على بداية صداقه




جعلنى اتمنا ان لا اتمناها


انا/ احسست انها شافت من الدنيا كثيرا
ما يوجع وما يألم


ومع ذلك تعيش كأنها لم تتألم أبدا


انا/ لانها كاملة الانوثة انت عاوز جسدها مش صداقتها


انا/ غريزتى تتحفز وتتمنا وجرئتها زادت من تمنيها وتحفزها



القاء الثانى(يا ترى حكيتها أيه بالضبط)



هى/ اقبلت بأبتسامتها المثيرة البريئة




هى/ اقبلت بجسدها الممشوق البكر






هى/ اقبلت وسلمت وضربات قلبى تعالت


انا/ كلماتى محاولة لكسر الحواجز التى تفصلنا


هى/ كلماتها مسح ومحو لاى خطوط حمراء وسوداء ايضا


انا/ كلماتى محاولة لمد خطوط الصداقة بيننا


انا/ كلماتى محاولة للوصول لاكثر من الصداقه


هى/ تحكى ما تفعله وما فعلته بدون حساسية وما فعلته


علاقات.....وعلاقات....والى الان كثير من العلاقات


هى/ انا مش بنت


هى/ قالتها بكل بساطة


هى/ قالتها كأنها تقولها لصديقة تعرفها من سنوات


انا/ سعيد بهذا الحوار المثير الذى يرضى شئ
من غريزة اى رجل ويسعده


انا/ قلق من التطور السريع فى الحوار
وتحطم الحواجز بهذه السرعة


انا/ ما الذى فعلته بى ليس بهذه السهولة اعرف ذلك


انا/ تحركت غريزة الرجل داخلى صيد سهل مش بنت


انا / ايه المزبلة اللى جوايا هى غلطت علشان واضحة


ومحورتش وما كدبتش لازم تخبى يعنى


خليك راجل بقه يمكن مرتحالى


انا/ يمكن بتفتحلك الباب علشان اطلبها ماهى ست



والرجل دائما يطلب المراه ذلك يسعدها واريح لاحساسها


انا/ ابتديت اعزها بلاش تكون زى اى حد وتطمع فى جسدها


خليها تقابل انسان يحبها كانسانه مش كجسد


انا/ صعب اكون هذا الانسان


انا/ دائما بكون هذا الانسان


هى/ مشت والافكار تتصارع(دائما تتصارع)




تعددت اللقاءات( اللكمات والضربات)



هى/ علاقتها تحكيها بكل وضوع بدون مونتاج




هى/ تقول لى تفاصيل عنها اكثر ليس من السهل ان تحكيها



بنت لاى رجل مهما كان



انا/ احببت صراحتها وانها لم تخدعنى ولن تحاول



انا/ احببتها كانسانه



انا/ احببتها كامراه اقصد كجسد امراه



هى/ تحاول تبسيط ما تفعله



انا/ احتاج ان اضمها الى حضنى ونتلامس كاجساد



انا/ احتاج ان تضمنى الى حضنها وابدا على صدرها البكاء



انا/ تخيلتها عارية اتذوق من جمالها



انا / تخيلتها باكية يدى تتحرك على شعرها



وصدرى يمسح دموعها



انا/ اريدها



انا/ اخاف عليها



انا/اتمناها واحاول ان المسها



انا/ اتمناها واحاول ان احميها منى ومن غيرى



هى/ تعطى لغير الكثير



انا/ ما الذى ستخسره ان اخذ كغيرى من هذا الكثير



انا/ ما الذى ستكسبه اذا كنت كغيرك حيوان



تاخد وتتمنا ما ياخذونه



انا/ ستكسب كثير من اللذه والمتعة



انا/ ليس انا كغيرى انا اريدها كجسد وكانسانة



انا/ اذا طلبت جسدها لا تتكلم عنها كانسانة



انا/ هى لم تكون صديقتك والصداقة طريقك لجسدها



انا/ هى صديقة وبعزها وغريزتى تحاول تدمير اللى بينا وتلويثه



انا/ هى ملوثة وماذا سافعله انا فانا نقطة دم فى ثوب ملئ بالدماء



هى/ مشت والافكار تتقاتل (بسببها قتال لا ينتهى)










الصدمة...والفرحة (الخير...والشر)



هى/ انا عرفت شاب جديد




انا/ ارحمى نفسك بقه بخوف....بحسد...ب.......




انا/ خلى جسدك غالى قوى هيغلا قوى



هى/ اخر مرة لمست واحده امتا



انا / من شهور طويلة وكانت بنت



هى/ انا من يومين كنت مع صحبى الجديد



انا/ فين



هى/ فى شقته



انا/ بسهولة كده



هى/ اه عادى بسهولة



انا/ خلاص بدل الموضوع سهل كده ما ممكن



كمان اوصلك ولا فكرانى ملاك


هى/ انتا شئ كبير بالنسبالى غير اى حد


هى/ انتا شئ كبير بالنسبالى غير اى حد


هى/ انتا شئ كبير بالنسبالى غير اى حد


انا/ يااااااااه شئ كبير ممكن اكون كده بجد


انا/ايه اللى يمنع الكبير ده يلمسها


انا/ هو مينفعش تتعرى امراه بصراحتها امام رجل


دول ان ينظر الى جسدها


انا/ خليك كبير بجد ودوس على غريزتك


انا / خليك كبير وحاول توصل لجسدها


مفيش تعارض بين حبك ليها كانسانة
وحبك وتمنيك لجسدها


انا/ تعبت من صراحتها


انا/ تعبت من الخوف عليها


انا/ تعبت من النظر لجسدها


انا/ تعبت من برائتها فى تعاملها معى


انا/ تعبت من غريزتى ومحاولتها تحفيزى عليها


انا/ تعبت من رجولتى ومحاولتها اخماد ثورة غريزتى


انا/ لماذا هى هناك غيرها


انا/ لو الف غيرها احساسى نحوها لن يتغير


انا/ لن تهزمنى غريزتى نحوها


انا/ ربما الان لم تهزمك لاكنها
ستتحايل عليك وعليها الى ان تنتصر


انا/ انتصارها هزيمة لارادتك ولنفسك


انا/ اى انتصار سيكون برضاها وبارادتها هى اكيد


انا/ هى بيدها كل شئ


انا/ امام غريزتك ورغبتك هى بيدها كل شئ بيد المراه


انا/ وانت


انا/ارادتك هى كل شئ


انا/ احاول


انا/ تحاول ماذا


انا/ لا اعرف


انا/..........


انا/..........


انا/............


ومزيد من.....






الصراع


والتحدى




والنور




والنار


للقصة بقية


الأربعاء، 26 مارس، 2008

مش ده اللى قلبى هواه


معاه كان منايا أكون معاه

معاه قلبى يتمنا لحظه معاه

طب ليه قلبى هان عليه

ونسانى ورمانى بايديه

مش هو ده اللى قولت عليه قلبى هواه وأتمنى أكون معاه

دلوقتى الجرح أصبح جراح

بعدا ما راح راح الحب راح

صعبان على قلبى

الحزن نور ليلاليه

يزرع ورد يلاقى

الشوك حوليه وفيه

مش هو ده اللى قولت عليه قلبى هواه وأتمنى أكون معاه

بعدين معاكى يا دنيا

الحب مودينا لفين

مفهاش قلب حزين

مفهاش أى خيانه

مفهاش موت لهنانه

مفهاش حتى الاه

أهين على الغلابة

مش هو ده اللى قولت عليه قلبى هواه وأتمنى أكون معاه

الثلاثاء، 12 فبراير، 2008

حاجات عاوز اقولها تانى للنساء... أوعى تسكتى


دول حاجتين كنت كتبهم فى البلوج التانى





لقيت انى بدل بتكلم على النساء




وهما متوجهين للنساء اساسا




يبقى احطهم تانى



علشان النساء يعرفوا انهم




ساعات بيضيعوا حقهم بارادتهم



بالسكوت على الغلط ساعات



او الخوف من ترك دنيا بتتعبهم



حاسين انها برضوا غلط




ودى الست اللى بتسكت على خيانة زوجها



وبسببها وسبب ستات غيرها



الرجالة بقيت عارفه ان الخيانة



ممكن المراه تسامح فيها وتتحملها

نشوف انا كتبت اية



سكوتك قهر وذل وهوان



يا امراه كيف تحبين


انسان خائن وترضين



ياتى اليكى من احضان عشيقته



تعطيه احضانك وتسكتين



يا امراه ما هذا الهوان


هل تعتبرين حبيبك انسان


فليس من الرجوله


ان يخون انسان انسان


يا امراه اين كرامتك


الخلاص هو حريتك


مهما كنتى تحبينه


لا تضحى بعزتك





ودى بقى الست اللى تعرف راجل


وتحب هذا الرجل


بمواصفاته واخلاقه وطبيعته


بس للاسف بعد الزواج يطلع راجل تانى


اتارى الوجوه بتتغير بعد الزواج


تستحمل وتحاول لكن


حقيقته متتغيرش


تفضل تفكر تسيبه وتتركه


لكن للاسف السنين تمر


وتفكر وتفكر وبرضوا تعيش معاه


ليه نعيش مع انسان مش هو الانسان اللى ارتبطنا بيه

نشوف كتبت اية تانى

بتحبية لسه انزلى وما تسبهوش



اتركيه رغم انكى تحبيه اتركيه



فليس هذا الشخص الذى كنتى تنتظريه



تذكرى فتى احلامك هل هو هذا الشخص



كان هو فتغير كل ما فيه



تذكرى كلماته التى قالها ليكى



تذكرى همساته نظراته تعلقه بيكى



جعلك تحبينه فى صوره غيره



واظهر حقيقته بعد ان ملككى



انتى الان تقدرين على السكوت



ستنتظرين احساسك ان يموت



فلم يموت احساس امراه ابدا



تموت هى واحساسها لا يموت



لا تضيعين عمرك فى الانتظار



الحياه قصيره اتخذى القرار



فاما ان تعيشيها كما تحبين



اوان تحيى فى النار

الأحد، 6 يناير، 2008

أيها النساء أرحموا النساء..زواج...طلاق ...ميراث....حقوق ضايعة


طبعا البوست اللى فات اتكلمت بقدر المستطاع


عن احوال النساء فى الحضارات كلها ومتكلمتش


عنها فى الاسلام وازاى الرجالة استغلوا حاجات كتيرة


فى الاسلام لخدمة مصالحهم وغريزتهم


وهحاول اختصر بقدر المستطاع ونبتدى


بتعدد الزوجات للرجل



الرجل بطبعه يحب النساء والنساء متعة أكبر متعة


حتى لو بيحب ده مش بيمنعه ان يتمنا نساء كتير


وفيه اللى بيعرف يغلب شيطانة وفى اللى مش بيعرف


وشيطانه يغلبه والرجل اللى بيغلب الشيطان


ربنا اداله أسلحة ومنها تعدد الزوجات بس كانت


بشروط واللى يقدرعلى الشروط دى يتجوز


العدل ومش هتكلم كتير هجيب ايات من القران


- تعالى-: ((فإن خفتم ألا تعدلوا فواحدة أو ما ملكت


أيمانكم ذلك أدنى ألا تعولوا))[ النساء / 3 ] الآية الكريمة


بتقول أن العدل شرط لإباحة التعدد,


فإذا خاف الرجل عدم العدل بين نسائه؛ كان محظوراً


عليه الزواج بأكثر من واحدة, ولزمه االاكتفاء على واحدة,


وهذا يتعلق بالعدل الواجب المستطاع كالنفقة والسُكنى والمبيت


أما ما لا يملكه الإنسان كالميل القلبي تجاه زوجة من زوجاته


فلا يدخل في ذلك، وهو الذي عناه الله بقوله:


ولن تستطيعوا أن تعدلوا بين النساء ولو حرصتم)) النساء / 129


لاكن للاسف معظم الرجالة لو اتجوزت تنسا القديمة


والجديدة تاخد كل شئ وقته وحبه وفلوسه وده لو مطلقهاش


كده اكرمها واللى يغيظ


ان راجل يكون كبير ومراته وقفت معاه فى فقره


وجبتله الاولاد تيجى واحده صغيرة بسهوله كده تنسيه


اللى عاشت معاه كل حزنه وفرحته


المة ووجعه كبرت اولاده وكمان ما يعدلش


القدرة على الإنفاق وبرضوا الاية وضحت


قال - تعالى-: ((ذلك أدنى ألا تعولوا)[ النساء / 3] قال ابن القيم


في كتابه 'عدة الصابرين': [أي لا تجوروا وتظلموا],


ويقول - صلى الله عليه وسلم -: (يا معشر الشباب من استطاع


منكم الباءة فليتزوج, فإنه أغض للبصر, وأحفظ للفرج,


فمن لم يستطع فعليه بالصوم فإنه له وجاء) فإذا لم يستطع مؤونة


الزواج لم يجز له, مع أنه زواجه الأول فمن باب


أن لا يجوز له الزواج بالثانية وعنده زوجة يعنى الرجل مش


قادر يأكل عيالة ويروح يتجوز ويرمى عياله ويسبهم يضيعوا


ولا الرجل تكون صحته بايظه ومش قادريشتغل ويتجوز طيب


خد بالك من نفسك وعيالك ومراتك الاولانيه واتجوز بعدها ما علينا


الطلاق


إن هناك نوعين من الطلاق: الأول يقع بإرادة الطرفين والثاني


يتم بإرادة منفردة أما بإرادة الزوج والزوجة غير راغبة


،أو بإرادة الزوجة والزوج غير راغب اه صدقونى الخلع ده


فى الاسلام من زمان بس شوفتوا الرجاله كانوا مخبيونه أزاى


ومكتمين عليه يعنى زى ما الرجل بيطلق برضوا الستات


بتتطلق بس فيين الكلام ده ومين يسمح بكده وطبعا الطبيعى


اى طلاق يحصل برضا الطرفين لاكن للاسف اى طلاق لازم


يكون فيه مشاكل وختاقات ومشاكل


والرجل يحاول يضيع المؤخروالنفقه ويحاول يرواغ فيها


وعلى اد ما يقدر ومش عارف ان ده حق الزوجه بأمر من ربه


وباختصار اقول فالشريعة تعطي للمرأة تعويضاً نفسياً ومالياً


وهو نفقة للعدة ونفقة للمتعة ويكون لها المهر ولا يستثنى


من ذلك إلا حالة النشوز ولو وقع الطلاق بطلب المرأة فالقاضي


يوقع الطلاق وتأخذ حقوقها المالية إذا كان الزوج ناشزاً


وأما إن كان طلبها للطلاق مزاجياً فتعطي الرجل تعويضاً


مالياً وهذا ما يسمى ( بالخلع) شوفتوا الزوج


ممكن يكون ناشز برضوا يعنى الطلاق بايد الاتنين تقريبا


بس فيين الستات اللى تعرف حقها


الميراث


أعطى الإسلام المرأة الحق في إرث والديها وأقاربها


وجعله نصيباً مفروضاً لها لقوله تعالى :( لِّلرِّجَالِ نَصيِبٌ مِّمَّا تَرَكَ


الْوَالِدَانِ وَالأَقْرَبُونَ وَلِلنِّسَاء نَصِيبٌ مِّمَّا تَرَكَ الْوَالِدَانِ وَالأَقْرَبُونَ


مِمَّا قَلَّ مِنْهُ أَوْ كَثُرَ نَصِيبًا مَّفْرُوضًا (7)النساء)


وعلشان ربنا عارف العقول حاول يدى فى حالات نصيب


للولد أكتر من البنت وأنتم عارفين ليه علشان الرجل


هو اللى بيدفع مهر ونفقه وحقها يصرف عليها لاكن


فى حالات يتساوى فيها الذكر مع الأنثى في نصيبهما


من الورث فقد تساوى نصيب الأب وهو مذكر ,


مع نصيب الأم وهي أنثى في ميراث أبنهما0


وكذلك يتعادل نصيب الأخ والأخت في الميراث


إذا كان رجل يورث كلالة (أي ليس له والد ولا ولد)0


فلكل واحد منهما السدس


تلاقى بقه البنت فى حالات كتير مستخسرين يدوها


اللى الشرع فرضه وعاوزين الرجل والولد ياخد كل حاجة


كأن البنت مش حقها تاخد اى شئ ويقولوا احنا هندى مالنا


ولا ارضنا للاغراب جوزها يعنى الموضوع ده قل شويه دلوقتى


بس ليه الحق والشرع بيحولوا يلعبوا بيه ويتلعبوا فيه


وصحيح الهبه ليها وضع تانى لان


هذه القاعدة لا تطبق في المال الموهوب,


إذ للبنت أن تتساوى مع أخيها في الهبة أي في العطاء الأبوي


الممنوح وهو على قيد الحياة بل يحظر تفضيل الابن على البنت


لقوله(عليه الصلاه والسلام ) : " سووٌا بين أولادكم في العطية


فلو كنت مفضلاً أحداً لفضلت النساء ) وخدين بالكم


وده طبعا عقول الناس مش فهماه ولا واخده بالها منه


حتى فى الوصية0 وهي تمليك مضاف إلى ما بعد الموت


بطريق الشرع0 فإنه يجوز للموصي أن يطبق قاعدة المساواة


في الوصية بين الذكور والإناث, أو أن يراعي قاعدة التنصيف


إن أراد ذلك0ونشوف التقرير ده بيقول ايه


" فبينما تمثل المرأة 50% من سكان العالم الراشدين


وثلث قوة العمل الرسمية , فإنها تعمل تقريباً ثلثي ساعات


العمل ولا تتلقى إلا عشر الدخل العالمي, وتمتلك أقل


من واحد بالمائة من الممتلكات في العالم


بينما مقدار أو نسبة ما تملكه المرأة المسلمة عن طريق


الإرث يمثل 33.33 بالمائة رغم قاعدة التنصيف


طبعا لو الناس طبقوا الشريعه صح وبحق شوفتوا بقه الظلم


جاى منين وساعة الستات هى اللى بتطالب بكده وتفضل


اولادها على البنات فى الميراث واعرف حالات كتيرة كده


والنساء هما اللى بيطلبوا كده


هى فيه حاجات كتيرة ممكن اتكلم عنها موجوده


فى الاسلام بس الناس مش بطبقها وحق المرأه ضايع


فيها بس كده هكتب كتاب مش بوست


ودى السنة تبين حق المراه ايه بالضبط


قال صلى الله عليه وسلم : ( اسْتَوْصُوا بِالنِّسَاءِ خَيْرًا ) رواه البخاري


( خَيْرُكُمْ خَيْرُكُمْ لأَهْلِهِ وَأَنَا خَيْرُكُمْ لأَهْلِي ) رواه الترمذي


وروى ابن ماجه عن عُقْبَةَ بْنَ عَامِرٍ رضي الله عنه قال : سَمِعْتُ


رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ : ( مَنْ كَانَ لَهُ ثَلاثُ بَنَاتٍ ،


فَصَبَرَ عَلَيْهِنَّ ، وَأَطْعَمَهُنَّ وَسَقَاهُنَّ وَكَسَاهُنَّ مِنْ جِدَتِهِ كُنَّ لَهُ حِجَابًا


مِنْ النَّارِ يَوْمَ الْقِيَامَةِ ) وصححه الألباني في صحيح ابن ماجه


:(...اتَّقوا الله في النساء ، فإنَّكم أخذتموهنَّ بأمانة الله ،


واستحللتم فروجهنَّ بكلمة الله ، وإنَّ لكم عليهنَّ أن لا يوطئن فرشكم


أحداً تكرهونه ، فإن فعلن فاضربوهنَّ ضرباً غير مبرح)


وقال أبن عباس


عن ابنِ عُمَر: "أَنّ رَجُلاً أَتى النبيّ صلى الله عليه وسلم


فقال: يا رسولَ الله إنّي أَصَبْتُ ذَنْبَاً عَظِيماً فَهَلْ لِي تَوْبَةٌ؟


قَالَ هَلْ لَكَ مِن أُمّ؟ قالَ: لا، قال: هَلْ لَكَ مِنْ خَالَةٍ؟


قَالَ: نعم قال: فَبِرّها)شوفتوا خاله مش خال


(مروا النساء في أنفسهن، فإن الثيب تعرب عن نفسها.


وإذن البكر صمتها


و يقول : ( احملوا النساء على أهوائهن )


[أي زوجوهن من يرتضينه، إن كان كفؤا


و يقول صلى الله عليه و سلم :لاَ تُنْكَحُ الأَيّمُ حَتّى تُسْتَأْمَرَ


وَلاَ تُنْكَحُ الْبِكْرُ حَتّى تُسْتَأْذَنَ»


قَالُوا: يَا رَسُولَ اللّهِ كَيْفَ إذْنُهَا؟ قَالَ: أَنْ تَسْكُتَ


فعن خنساء بنت خذام أن أباها زوجها وهي ثيب فكرهت


ذلك فأتت رسول الله صلى الله عليه وسلم فرد نكاحه


الاسلام اعطى لام الفتاة الحق فى ابداء رايها فى قبول


او رفض زوج ابنتها المستقبلى


(آمروا النساء في بناتهن)


و يقول صلى الله عليه و سلم : )أى رجل لطم امرأته لطمة


أمر الله عز وجل خازن النيران


فيلطمه على حر وجهه سبعين لطمة من نار جهنم)


( لا يفرك مؤمن مؤمنه إن كره منها خلقا رضى منها آخـر)


( إنما النـســــــــــــــاء شقـــــــــــائق الرجــــــــــــــــال)


( خيركم خيركم لأهـــــــــــــــله وأنا خيركم لأهــــــــــلي)


( ولهن عليـــــــــكم رزقهن وكسوتهـــــن بالمعـــــــــروف)


( أعظمها أجرا الدينـار الذي تنفقــــــه على أهـــــــــــلك)


( من سعــــــــــادة بن آدم المــــــــــرأة الصـــــالحــــــــة)


ملاحظةعلشان انا راجل


الرجل بيعدد الزوجات ومن حقه يجمعهم وعلشان يرضى ضميره


ممكن يحتفظ بست مش عاوزها علشان ليه حق يعدد


المراه بتعدد الرجاله بس بتحتفظ باللى بحبه بس وضميرها


بيرتاح لان مش من حقها تتجوز اكتر من راجل يا بختها


الرجل لما يحب يتجوز يدفع ولما يحب يطلق يدفع


المراة لما تتجوز يندفع فيها ولما تطلق برضوا يدفعلها


يا بختها برضوا


هواللى بيدفع اغلى ولا اللى بيندفع فيه الاغلى احب اعرف


أنا اتكلمت بأختصار شديد اللى عاوز معلومات اكتر يطلب


منى ابعتله شوية معلومات مفسره واللى مش عاوز النت


ادامه يدور كمان أى معلومة غلط فى البوست


هتكون مش مقصودة يعنى مفهاش تزوير تاريخى ولا دينى


واتمنا تصحيحها من أى حد


والبوست الجاى هقول انا بكتب ليه كل اللى بكتبه وهدفى ايه


يا......... عالم

;

مدوناتى واللى فيها أتفضلوا (حسام)