دول حاجتين كنت كتبهم فى البلوج التانى
لقيت انى بدل بتكلم على النساء
وهما متوجهين للنساء اساسا
يبقى احطهم تانى
علشان النساء يعرفوا انهم
ساعات بيضيعوا حقهم بارادتهم
بالسكوت على الغلط ساعات
او الخوف من ترك دنيا بتتعبهم
حاسين انها برضوا غلط
ودى الست اللى بتسكت على خيانة زوجها
وبسببها وسبب ستات غيرها
الرجالة بقيت عارفه ان الخيانة
ممكن المراه تسامح فيها وتتحملها
نشوف انا كتبت اية
.jpg)
سكوتك قهر وذل وهوان
يا امراه كيف تحبين
انسان خائن وترضين
ياتى اليكى من احضان عشيقته
تعطيه احضانك وتسكتين
يا امراه ما هذا الهوان
هل تعتبرين حبيبك انسان
فليس من الرجوله
ان يخون انسان انسان
يا امراه اين كرامتك
الخلاص هو حريتك
مهما كنتى تحبينه
لا تضحى بعزتك
ودى بقى الست اللى تعرف راجل
وتحب هذا الرجل
بمواصفاته واخلاقه وطبيعته
بس للاسف بعد الزواج يطلع راجل تانى
اتارى الوجوه بتتغير بعد الزواج
تستحمل وتحاول لكن
حقيقته متتغيرش
تفضل تفكر تسيبه وتتركه
لكن للاسف السنين تمر
وتفكر وتفكر وبرضوا تعيش معاه
ليه نعيش مع انسان مش هو الانسان اللى ارتبطنا بيه
نشوف كتبت اية تانى
بتحبية لسه انزلى وما تسبهوش
اتركيه رغم انكى تحبيه اتركيه
فليس هذا الشخص الذى كنتى تنتظريه
تذكرى فتى احلامك هل هو هذا الشخص
كان هو فتغير كل ما فيه
تذكرى كلماته التى قالها ليكى
تذكرى همساته نظراته تعلقه بيكى
جعلك تحبينه فى صوره غيره
واظهر حقيقته بعد ان ملككى
انتى الان تقدرين على السكوت
ستنتظرين احساسك ان يموت
فلم يموت احساس امراه ابدا
تموت هى واحساسها لا يموت
لا تضيعين عمرك فى الانتظار
الحياه قصيره اتخذى القرار
فاما ان تعيشيها كما تحبين
اوان تحيى فى النار
اول مرة اكون اول كومنت عندك
ردحذفبالنسبة للخيانه حاجه صعبه اوى ان اي واحده تتحملها ممكن تكون هي السبب الي خلى جوزها يخونها وممكن يكون ملهاش سبب وهو الي عنيه زايغه
والست عموما ممكن تغفر وتسامح لكن عمرها متنسى ابدا
انما لو هي عارفه انه بيخونها وساكته تبقى سوري معندهاش كرامه
الموضوع التانى عجبنى اوى
عجبتي اوى الجملتين دول
فلم يموت احساس امراه ابدا
تموت هى واحساسها لا يموت
ايه التحريض عالي المستوي ده
ردحذفبس الخائن يستاهل
كدة وأكتر
تحياتي
اولا بجد والله بحيك ايه الروعه دى اسلوبك وكلامك هايل بجد بحيك انت قلت كل اللى بيعملوه الرجالة مع الستات ورد فعل الستات دلوقتى على فكرة انا سيفتها عندى.....انا كمان كنت كاتبة خاطرة تقريبا مشابهة لكلامك على نفس الموضوع بس على ياهو 360 انا بكتب فيه خواطر....تحياتى لك
ردحذفالخيانة فعلا حاجة صعبة جدا
ردحذفلاتتحملها امرأة لديها كرامة
بس ايه التحيز للنساء ده
ازيك اخبارك ايه التعاطف الكلى ده مع المرأة احييييك جدا .. بس على فكرة مش الخيانة بس ده فى ستات بتشوف الذل وبتتهان بالضرب والشتائم وده اصعب من الخيانة وبرضه بتبقى عايزة تعيش معاه يإما معندهاش دخل وبتقول اربى العيال واستحمل وهو يصرف يا إما بتحبه مووووووت وبتنسى منه اى أسية بمجرد مايضحك عليها بكلمتين وفى الحالتين بعتبر ده مرض ومحتاج لعلاج حالا ... بس على فكرة مش الرجالة بس اللى بتخون فى ستات برضه بتدور على الحب برة اما تحس انها فقدت الحنان والحب مع الراجل اللى عايشة معاه وبصراحة ال2 مشتركين فى الغلط اللى بيحصل سواء من الرجل او الست ... تحياتى
ردحذفاتفاق تام مع ارائك يا حسام
ردحذفالخيانه لا يمكن للمرأةالسكوت عليها
لو خان الرجل المرأه التى تحبه.. لأنها مجرد نزوه او علاقه عابره
يجب الا تغقر المرأه
ولو خان الرجل المرأه لانه توقف عن حبها واحب اخرى
يظل من الافضل ايضا لها الانسحاب من حياته
سواء كانت الخيانه نزوه او حب
ففى الحالتين وجب الفراق
اما فى حالة ان تحب انسان فى صوره معينه ثم يظهر وجهه الحقيقى
يكون الحب فى هذه الحاله وهم
لان الشخصيه التى وقعنا فى حبها لم تكن موجوده من الاساس
مجرد قناع يخفى الوجة الحقيقى
مره من المرات القلائل التى نتفق فيها على شئ بالكامل
تحياتى
:)
انا جيت اهوه
ردحذفمنوراك طبعا ولا ايه
المدونه بجد حلوة والبوست مالوش حل
جامد بجد
ربنا يوفقك
اه ابقه تعالي شوف الرد علي السؤال الا كنت بتقول انه مش من حقك
حقك ياعم احنا خلاص اصحاب لو مفيش مانع
وزة
انا شايفه ان الموضوعين ممتازين عشان بيتكلموا عن معاناه ومشكله حقيقيه بجد كاتب ممتاز ورائع ربنا يوفقك وللافضل دايما
ردحذفmayada
عارف هى بتستحمل ليه الخيانه يا حسام
ردحذفعلشان بيبقى فى اولاد
طيب ذنب الاولاد ايه
ويمكن تكون زله وراحت لحالها
بس انا بقول اللى يقدر يخون ممكن يخون تانى
والسيده اللى تزوجت واحد ولقيته غيير المتوقع خالص تبقى هى اللى ما عرفتش اللى فدمها صح
وتقريبا الرجاله بتتغييير بعد الزواج
وعارف يعنى ايه الواحده تتجوز وتطلف بيبقى احساس صعب قوى
والمجتمع مبيرحمهاش
علشان كده بتحاول تصلح الحياه دى على قد ما بتقدر
يا اما بقه ربنا يعوضها فى عيالها
وفعلا زى ما قلت
فلم يموت احساس امراه ابدا
تموت هى واحساسها لا يموت
ممكن تلاقى احساس تانى حلو ويعوضها اللى فات بعد ما بقت مطلقه وعندها اولاد
ولا تعيش وخلاص علشان خاطر الاولاد وامال هى ام ازاى مش لازم يبقى فى تضحيه شويه علشان خاطرهم
ولاء
عندك حق في كل اللي قلته
ردحذفهى المرأه بس بتعتمد على الزوج ماديا
وممكن تتنازل علشان خاطر الموضوع ده
وفي امرأه تانيه يهمها أكتر الشكل الإجتماعي
وفي كل الأحوال بتعيش حياه غير سعيده
مع إنها هتعيش مرة واحده بس
تحياااااااااتي
بتتكلم صح طبعا
ردحذفو مش مع الستات بس..اى حد بيسشكت على غلط فى الدنيا بيكون سبب فى ان الغلط يتمادى..مش فاهمة ازاى اصلا فى ستات ممكن تسامح كدا فى حقوقها و تقبل الهوان دا
تحياتى
2ahlaaaaaaaaaaaaaan
ردحذفshouft hna we fl moudwana 2l tanyia kaman msh ra7maa
bs 3al 3omoum aktar 7aga 3ayza 23ala2 3aliha 2n f3lan mmkn ktiir 2l mar2a hyia 2ly btseeb 7a2ha bs dh akeed le2asbab la2enou s3b awyy ya3ni bs 2l aktar bykoun bedoun 2erada sada2ny we dh le2dayia ma3roufa ktiir
ta7eyaty
عزيزتى
ردحذفلولا
انتى كفاية وجودك هنا شسرف ليه اول عاشر ميهمش يا افندم
شوفى مفيش حاجه اسمها هى السبب لان مهما كانت الاسباب مفيش تبرير للخيانه
ولو بررنا الخحيانه لرجل ممكن نبررها لست ونقول هو السبب
لاكن السبب ان عيونه زايغه لانه لو مش عوزها كان طلقها وخلاص
اكيد كلنا ممكن نغفر ونسامح الا الحاجات اللى لازم ما نعدهاش ونسامح فيها لازم لكل انسان خطوط حمرا ما يقبلش بيها بقدر المستطاع
كتير صدقينى بيسكتوا على الخيانه وبيقبلوا بيها يمكن ليهم اسباب جواهم بس كتير منها مش مقبولة
الموضوع التانى بقه الشئ المرفوض بس ممكن تقبله امراه وده ميهز كرامتها
اللى تتجوز انسان ويطلع مش نفس اللى كانت بتحلم بيه
بس اللى بايدها تغير حياتها لازم تنفذ على طول
تحياتى
سلااااااااااااااام
عزيزى
ردحذفالقلم الاسكندرانى
اه هو تحريض انتا شايف ايه مش يستاهل
بس النساء قلوبهم حنينة وبيقدروا يسمحوا فى موضوع السماح فيه
بيهدر كرامة المراه
تحياتى يا باشا
سلام
عزيزتى
ردحذفgannah
شكرا على التحيه يا رب يخليكى
بس الكلام ده كتير عليه متشكر قوى
اه مش مشكلة عندى اللى بيعمله الرجاله انا زعلان على ردود الفعل اللى بتحصل
ضعيفه بجد صدقنى
انتى سيفى اللى عوزاه برحتك يا افندم
يا ريت تنزلى اللى كاتباه على الياهو عندك فى البلوج احسن
نورتينى واتمنا اللى بكتبه كله يعجبك
بس انتى مدخلتيش البلوج التانى ليه كنت حابب اشوفك فيه تقولى رائيك
تحياتى يا افندم
سلااااااااااااااااااااااام
ماتخافيش نساء هذا الزمن هم (حكومة داخلية لأزواجهن) ومافيش وحده بتسكت زي زمان
ردحذفشوفولي اي وحده بتسكت اتزوجها هاهاهاهاها
عزيزى
ردحذفا بـن عــمــر
شوف الخيانه شئ صعب قوى بس للاسف فى ستات مش بيحسوا انهم لو سامحوا او سكتوا عن الخيانه ده اهانة لكرامتهم
بالعكس بيحسوا ان ده حفاظ على الاسرة والبيت فدى المشكلة ان لازم يكون فى خطوط حمرا متسمحش الست بيها
ده حق مش تحيز لاى حد
تحياتى يا افندم
سلام
ممكن اسال سؤال
ردحذفبما انك راجل
لماذا تكتب عن النساء ومهتم للغاية علي النقيض من الاخرين ؟
متهيالي والله اعلم
عزيزتى
ردحذفbocycat
هو بصراحة مش تعاطف لان كتير من الستات عاوزين كسر رقابيهم عكيت صح
هو حق وعدل ولازم فى الامور دى نكون حقانين ووضحين
ومش معاكى مفيش شئ اصعب من الخيانة
مع ان اللى بتقوليه برضوا صعب ولازم ما تسكتش عليه المراه بدل زاد عن حده
والسبب الرئيسى انها مش بيكون عندها دخل وتقول ظل راجل ولا ظل حيط بس اللى عندها دخل وتقدر تعتمد على نفسها
معندهاش مبرر تقريبا انها تسكت على كده
سواء بتحبه او لا الاهانة تموت اى حب والكرامة فوق اى حب برضوا
ومعاكى حق برضوا الرجل بيضحك على الست بكلمتين وهى بتصدق لما تكون عاوز ومحتاجه انها تصدق
انا عارف ان الرجالة مش هى اللى بتخون بس وان فى ستات بتخون
بس الرجل بيخون وعارف ان لما اتعرف اكيد مش هيخسر اسرته ولا اى شئ وبكلمتين هيضحك عليها
اما المراه اللى بتخون بتعرف انها هتخسر كل شئ لو اتعرف انها خانت مش زوجها بس ممكن حياتها
واظن اللى يخون هو الغلطان ومفيش حد مشترك معاه لان ربنا حلل الطلاق علشان الشئ ده علشان ميكنش فى حجه لرجل او لامراه انه يخون
والرجل طبعا علشان عيونه الزيغه حلله الزواج باكتر من وحده
يعنى معندهوش اى مبرر خالص
نورتينى ومتعتينى برائيك
احيكى عليه
سلام
عزيزتى
ردحذفشرين
شوفى المفروض شئ واللى بيحصل شئ تانى
وتكلمى الوحده قبل الجواز تقولك لو بص لوحده غيرى اهد الدنيا واسيبه
لاكن لما تتجوز يخونها ويكون بجح فى خيانته وتستحمل كده كتير كده صدقينى
الرجل مش بيخون علشان توقف عن حب امراه علشان الرجل بيخون وهو بيحب ويعشق مراته
واما بقه الجزئ التانى
صدقينى معظم قصص الحب الملتهبه وهم والجواز يمكن نهاية سعيدة للوهم ده
بس فى نهايات اوحش من كده وانتى عارفه
بس انا بقول كلامى مش للست بس اللى قبلت وجهه غير الوجهه اللى حبيته
اللى تلاقى تغير للاسوء بطريقه فجه ووحشه تلاقى شخص متغير كلى
واهم تغير تلاقيه ولازم ما تسكتش عليه
انه ميكنش بيحبها فى الاساس ده شئ متهى الخدعه والكدب ولازم تنهى العلاقه فورا بالذات لو فى اولها
واوك انتهى حسه اننا مش بنتفق وانا حاسس اننا دايمن متفقين الا فيما يخص التصدى لمن يهين الدين
تحياتى
سلام
عزيزتى
ردحذفانين الحزن
اكيد نورتينى ولولا نورك مكنتش اهتميت انى اقولك تعالى
متشكر على كلامك ورائيك والبوست بجد بيعجبنى قوى اقصد الموضوعين يعنى
ودايمن هزورك ان شاء الله
واكيد شرف ليه انى اكون صاحب وصديق ليكى يا وزة
المهم الصراحة والوضوح فى اراءنا دايمن
تحياتى
سلام
عزيزتى
ردحذفميادة
مع انى زعلان
ومتشكر قووووى على كلامك ليه ورائيك
ويارب يخليكى ليه ونكون اقصدقاء بجد
تحياتى يا سكرة
سلاااااااااام
عزيزتى
ردحذفwalaa
شوفى الاولاد لو اطلقت مش هيموتوا
وفى اطفال عيشتهم مع الولدين اوحش من عيشتهم لو اطلقوا
واللى يخون مرة ويعرف ان مراته سكتت كمان هيخون تانى وعاشر
وصح ساعات بيكون اختيارها بس ساعات بيكون هو اللى بيخدع ومش بيكون صريع وبيمثل عليها فى كل شئ ده كتير كده
اه الكل بيتغير بعد الزواج بس بحدود
ولازم تكون فى خطوط ما يتعدهاش فى تغيره
عارف الطلاق صعب بس يمكن تتجوز وتلاقى حد تحبه بجد لو اطلقت بدرى وكمان الاصعب ان العمر يضيع مع واحد مش قادرة تعيش معاه وتستحمله
اكيد لازم تخحاول تستحمل بعض الوقت
بس مش تستحمل كتير وللابد
وعيلها شئ جميل بس للانسان والنفس حق وبدل فى شرع ربنا يبقا حقها ولازم تاخده
وسؤالك الاخير ده جوبت عليه اللى تستحمل تستحمل لحدود ولازم متستحملش للاابد
نورتينى يا جميل
تحياتى
سلاااااااام
عزيزتى
ردحذفSalwa
شوفى ده السبب اللى ممكن اقبله من ست انها تستحمل خيانة زوج انها ميكنش عندها اى دخل تقدر تصرف بيه على نفسها
ساعتها وجودها فى حياته مؤقت لحد ما تقدر تعتمد على نفسها وتصرف عليها
اما الشكل الاجتماعى ده كلام فارغ طبعا الخيانه اهانه لكرامتها والشكل الاجتماعى مش اعهم من كرامتها
وزى ماقولتى هتعيش غيبر سعيدة وبايدها كان تكون سعيدة
حتى لو احتمال لازم تحارب علشان الاحتمال ده
نورينى يا افندم ورائيك عجبنى لانه وضح رائى انها مش هتكون سعيدة لو سكتت
سلااااااااااااااااااام
عزيزتى
ردحذفdina
شوفى اكيد اى حد بيسكت على اى غلط غلط
بس الخيانه سكوت على الغلط و ككمان جرح للكرامة واهانه ليها وده صعب قوى كرامة وعزة الانسان اهم شئ فى الدنيا
اما ازاى فى ستات بتقبل كده فى ميت سبب
واكيد انتى لو زوجه هتلاقى سبب يخليك تستحملى كده اى سبب
ده احتمال كبير بنسبه اكبر
الا حالات نادرة
اللى ايده فى المية مش زى اللى ايده فى النار
بس انا معاكى فى الاخر انها ما تسكتش ونار اهانة الكرامة اكبر نار المفروض
تحياتى ونورتينى
سلاااااااااااام
السلام عليكم
ردحذففي الجزء الاول
أنت كتبت عن كل النساء
لكن مش كل النساء ترضى أن يخونها زوجها و يرجعلها
مش كل وحدة تسكت على الاهانة ، ممكن الضروف خلت بعضهن يرضين بالخيانة
لطن صدقني هناك من لم تسمح للخيانة بالدخول لقاموس حياتها .
بخصوص التغير الحاصل بعد الزواج و الارتباط
قبل الزواج الخطيب و الخطيبة او الأحبة يخصص كل منهماوقتا فقط للآخر ذون أي تدخل من ظروف الحياة .
لكن بعد الزواج تصير الزوجة الحبيبة ترى و تتغلل في زوجها في كل أشكاله و امزجته و طباعة ، الجميل منها و القبيح ، الذي تحبه و الذي تكرهه ، فيجب عليها ان تبحث في داخله عن ذات الانسان ، الذي كانت تحبه قبل الزواج ، و ان تساعده في اوقات الشدة ، لكي تجد ما يرضيها وقت الفرح.
معليش كتبت تعليقي بسرعة
الموضوع جهزت له موضوع كامل في مدونتي للنقاش الجاد ، بعون الله ح ينشر في الشهور الجاية .
سلامي
عزيزتى
ردحذفR.O.U.R.O.U
اهلا وسهلا يا افندم
شوفى المراه بتسيب حقها كتير قوى
بس اللى بيزعل ان فى منهم مش بتحتاج للرجل ماديا ولا اى شئ ليه تتنازل عن كرامتها بدون اى احتياج كده
يمكن بقدر اعذر اللى مش عندها دخل دى بس اللى ممكن اعذر سكوتها
واللى بدون ارادة وتسكت تستاهل اللى بيجرارها واهانتها كده
تحياتى
سلام
عزيزى
ردحذفسقير السلام
ستات هذا الزمن غلابة مقهورين ضغوط الحياه بتخليهم يستحملوا كتير
ولو واحده عاملة حكومة لزوجها هو بيكون عاملها مجلس الامن والامم المتحدة
وكتير بيسكتوا كتير جداا
عاوز واحدة تسكت وتستحمل
تكون بس معندهاش دخل وتخليها تعتمد عليك ماديا للاسف غصب عنها هتسكت
للاسف
سلام
عزيزتى
ردحذفنفرتيتى
منورانى
اسألى برحتك طبعا
بكتب عن النساء لان النساء احلا واجمل كائن فى الدنيا ممكن يسعد الرجل والرجل كذلك للمراه
والاخريين انا مش نقيض عنهم لان اى رجل المراه بالنسبالة شئ هام جداا فى دنيته واى راجل يقول غير كده كداب
وكمان دفاعى عن حق امراه مش هيضرنى فى شئ لانى احب ان اعامل بالعدل والاخرين ايضا
وكمان المراه بالنسبالى مهما كانت كائن ضعيف جدااا مهما كانت
ومتهيألك ايه قولى ميهمكيش الصراحة متزعلش الا الضعيف
نورتينى بجد واتمنا تخشى البلوج التانى
سلام
عزيزتى
ردحذففراشة
شوفى انا لما بكتب عارف ان فى استثناء بس الاغلبية بتسكت ودول اللى بيهمونى اكتر الاغلبية الغلابة بجد
وبعضهن دول اغلبهن صدفينى
واكيد فى اللى ظروفها بتخليها ترفض ده بس حتى اللى ظروفهم مسعداهم برضوا بيستحملوا ومش عارف ليه
شوفى انا مش بقصد التغير العادى والبسيط ده لازم نكون عاملين حسابنا
لاكن مينفعش مثلا يقولك حب ايه مفيش حاجه اسمها حب وايام الخطوبه ده كلام بس حوار وخلااص
وياريت كده وبس تلاقى اكاذيب كتير متكنيش عارفها عنه
انا بقول نستحمل بقدر المستطاع بس مش لازم نستحمل كل شئ
فى خطوط حمرا لازم ميعدهاش
تحياتى
سلام
مفيش حاجة جديدة بقى ولا ايه ؟
ردحذفالانثى..لغز بحد ذاتها
ردحذفلايمكنك أن تنبهها لأخطائها
لأنها تسعى دوما وراء عواطفها
لأنها كتلة من المشاعر
فلا تحاسبوها على ذلك
بل علموها ان تنهض وتسير حياتها
بأن تحب حياتها ..
وأن يكون مصب نهر مشاعرها ومجراه في حياتها
أحيي قلما قد كتب وابدع
لك أفضل الأمنيات
عاشقة الحياة
اكيييد موافقاك جدا
ردحذفاوعى تسكتى
مهما حصل ومهما كانت الظروف اوعى تسكتى
عجبنى البوست جدا
سلامى
:))
احساسي لسه حي
ردحذفاعتقد ان في طرحك للموضوع اغفلت نظرة الناس والشعب المصري للمطلقه
والضغوط .. والاطفال هتكون نشأتهم سوية .؟؟
حاجات كتير مش عارفه ليه ما ذكرتهاش
ليه ما قلتش انها هتحاول بقدر الامكان انها تعينه على انه يصلح من احواله ولو فشلت يبقى تحتسب صبرها عند ربنا
صدقني قرار الطلاق او الخلع قرار صعب في ظل ما نعيشه في زماننا الحالي من تدني الضمائر ومن الالسنه الناريه التي لاترحم المطلقات
اثارتك للموضوع بالفعل جميل جدا
اتمنى ان ربنا يوفق الجميع ويعينهم
تمنياتي لك بدوام التألق والتوفيق اخي الفاضل
لك كل التقدير
عزيزتى
ردحذفbocycat
الجديد ورتهولك بس تبقى تخدى بالك بقه
متشكر على اهتمامك يا افندم
منورانى دايمن
سلام
عزيزتى
ردحذفعاشقه الحياة
الانثى لغر بجد
وسعيها وراء عواطفها حقيقه وطبيعة
وهى كتلة من المشاعر دائما مع اللى بتحبه وهى بتحب بجد
لاكن الحساب مش على مشاعرها
الحساب علشان كرامتها
والعواطف الجميلة والمشاعر المتدفقه لا تمنع وتقلل من عزة اى انسان
فعزة الانسان وكرامته
والخيانه اكبر اهدار لكرامت اى انسان
شكرا على كلامك واثناءك
دومتى بخير دائما
سلاام
عزيزتى
ردحذفshayma
طبعا لازم اى ست توافق
ليه متوافقش انها تحافظ على كرامتها وعزتها
بس الموافقه شئ
والفعل فى الحقيقه حاجه تانيه
ساعات المراه تكون اضعف من انها تقدر تاخد الخطوة دى وده ليه اسباب كتيرة
واولها المادة
نورتينى
سلااااااااااام
عزيزتى
ردحذفقبلة الحياة
اول حاجه انا ما اخفلتش شئ بس لان نظرة الناس مش هتخلى واحدة تعيش حياتها مقهورة مظلومة
اظن الحق والعدل ميقولوش كده
والناس دلوقتى بقيت مطحونه واللى ناوين يتكلموا عليها هيتكلوما هى اللى بتعرف تدى الانطباع اللى نظرتهم بتتحدد ازاى يبصولها
وموضوع الاطفال ملهوش دعوى بالطلاق لان ساعات الطلاق يكون افضل للاولاد ميت مرة من وجودهم مع اهلهم فى خناق ومشاكل
انا بتكلم عن كرامة انسان واظن الست لما بتخون ويفترقوا بيكون افضل
ما اللى انتى بتقوليه انها تصبر بيخلى الرجال يتمادوا
وسكوتك انتى بيشجع راجل تانى على خيانه زوجته
الرجل لو يعرف اى راجل ان نتيجة خيانته الطلااق كان فكر الف مرة قبل ما يخون
لاكن بيكون عارف6 ان مراته عارفه وساكته ولو عملت مشكلة كلمتين ممكن يهدى الموضوع وده غلط
وانتى عارفة بيقولوا فرصة المطلقهع للجواز دلوقتى افضل من فرصة البنت
لانها للشاب طلبتها اقل
واوعى تتصورى ان انسان يضيع حياته وعمره علشان خايف من لسان الناس
لازم تكون المراه اقوى من كده
والناس عرفت دلوقتى ان فى مطلقات مظلومه كتير
اثارة للموضوع علشان استفزيت من كم السكوت من النساء على الخيانه وكمان خداع الرجل ليهم
ربنا يهدى الجميع يارب
شكرا على رئيك
نورتينى
سلااااااااام
اول مره ازورك فالمدونه الجديده..كلامك صح وانا معاك قلبا وقالبا فالكلام ده..انا مع الحب والتضحيه ولكن لست مع الهوان والاستعباد..اوقات بنجرح نفسنا بسكينه احنا الى ماسكينها..ونرجع نقول اتغدر بينا بنشوف ان النهايات اخر المطاف مع ان كل ظلام حالك بعده فجر لكن اوقات بنرفض اننا ننتظر او نبحث عن فجر جديد
ردحذفمنتظره زيارتك http://black-roses-candles.blogspot.com/
ايه الحلاوة دي ياحسام
ردحذفوالله بجد الكلام جامد وحلو بس انته كده بتقوم الستات على الرجاله ياحسام
مهو لو هنتكلم بجد الست ممكن تحافظ على جوزها وممكن تخليه يبص لمليون واحده تانية الا هيه وله انته رأيك مش من رأيي
ملحوظه صغيره
لا تضيعين عمرك فى الانتظار
الحياه قصيره اتخذى القرار
فاما ان تعيشيها كما تحبين
اوان تحيى فى النار
اخر جمله مش متظبطه ممكن تضيف ليها اي كلمه او اي حاجة تعدلها علشان هيه الخاتمه والخاتمه لازم تكون على سنجة عشره
دي بس ملحوظه صغيره اما الباقي زي الفل
تحياتي ليك ياحسام
كلام جميل جدا
ردحذفأحييك
اليانه بجد حاجه صعبه والسكوت عنها يعتبر موافقه منها وارتكاب جريمه خيانه فى حق كرامتها وفعلا احساس المراه لا يموت
ردحذفيا حسام كلم الراجل شوية هو ايه م علهوش مسؤلية خالص كده ؟
ردحذفو بعدين مين قالك ان الست بتسكت ؟ و المصحف يا شيخ لما بتكلم بتاخد على دماغها من جوزها و من اهلها و ساعات كتير لما بتطلب الطلاق بتطلب فى البيت الطاعة و تتبهدل فى المحاكم و لما طلع قانون اخلع بقت مش صاينة العشرة و مفترية
قولى بالظبط فيه ايه تانى يتعمل
من فضلك اكلم على الراجل شوية الجزء الى عليه فين
ما تسميش البلوج بتاعتك احساسى بالنساء لان ما فيش راجل بيحس بالنساء اصلا
و بعدين كنت عايزة اعرف شعورك لو كنت طلعت لقيت نفسك فى اسرة مفككة و اخوات مشردين ما هو المدمنين و اطفال الشوارع و المصايب كلها بيجى من الست الى ما بتستحملش برده بتترمى المسؤلية عيها
مسؤلية الراجل فى الى بيحصل فين مش فاهمة بتغطى عليها ليه ؟ حتستفيد ايه لما تحجب الجزء الخاص بيه يعنى المجتمع مش حينصلخ\ح لما توجه فيه طرف واحد لازم الطرفين واحد لوده مش حيقدر يعمل حاجة
تحياتى
صديقي ..
ردحذفالمرأة .. مخلوق لا يدري به الا أغاني الأطفال ..
لا تظن يا صديقي أنها مظلومة ,أو أنها رغيف خبز مقضوم .. على العكس ..
كما قال نابليون : فتش عن المرأة ..
و أنا أقول لك ايضا .. انظر بعينيها ..
صديقتك المحزونة .. رولى
انا معاك وبنادي اي امراءه تعاني من ده
ردحذفانها تتكلم وتنطق كفايه سكوت
مفيش اي حد يستحمل انه يعيش مع انسان خاين مفيش اوحش وابشع من الخيانه
يعني الموضوع الاول بتاعك اصعب بكتير من التاني
يعني التاني ممكن الواحده او جت على نفسها شويتين ممكن تستحمله
لكن الخيانه لا
ممكن الواحد يسامح مره بس انا مقتنعه اوي بان اللي يعمل الحاجه مره يعملها الف مره
مرسي يا احساس لسه حي
عجبوني بجد جدا الموضوعين
واتمنى انه مافيش اي امراءه تعيش مواقف زي دي
انا شخصيه الخيانه ممكن تدمرني منجوه جدا
مرسي اوي
عزيزتى
ردحذفmarool
نورتينى بس مش جديده قوى يعنى
وكلامك صح الحب مش لازم فيه هوان
التضحيه مش استعباد
واحنا اللى بنقبل نجرح نفسنا دايمن
بايدنا وسكوتنا على حاجات تجرح
ونرجع نزعل ونقول انجرحنا او اتهنا ما احنا اللى قبلنا من الاول نتهان
واكيد الامل فى بكره جميل
انا زورتك بجد مدونتك جميله
وشكرا على زيارتك
سلام
عزيزى
ردحذفWhItE HeArT
البكلام مش تقويم الستات على الرجاله
ده مطالبه للستات يلحقوا الرجاله بسكوتهم بيتمادوا وده غلط على الرجل برضوا
والست مش بايدها تخلى الرجل ما يبصش لان الرجل طبعه عينيه زايغه
وفى ستات زى الفل بيتخانوا
ورائى ان اللى يخون ينباع سوا راجل او ست
واللى يقبل يتخان يستاهل اى وجع والم بقه
اه اخر جمله تعبانى شويه
بس مش لاقى غيرها احس بيها وتدينى المعنه
نحاول نظبطها ان شاء الله
شكرا على كلامك
وملحوظتك الصحيحه
نورتنى
سلااااااااام
عزيزتى
ردحذفmonaliza
شكرا على وجودك
بس رائيك مهم جدا برضوا
جمال الكلام ناقص يتكمل برئيك متفقه معايا ولا عندك اى اعتراض على اى شئ
ممكن اعرف
تحياتى
سلام
عزيزتى
ردحذفrona
اه الخيانه صعبه قوى
واللى تسكت عليها تستحمل اى شئ ايه هيوجعها اكتر من كده ممكن
واللى تسكت معندهاش اسباب ولا عذر
الا من معندهاش مورد ودخل هتعمل ايه بقه
تحياتى يا افندم
سلام
عزيزتى
ردحذفعاليا حليم
الراجل عنده مسئوليه يا عاليا بس انا فى واحد فتوه وبيظلم ناس اروح للى بيسكت على ظلم الفتوه ليهم ولا اروح للفتوه
طبعا اروح للى بيسكت اقوله ما تسكتش جبنك وخوفك خلوا الفتوه يتمادا
واكيد الرجل صاحب الفعل عنده غلط كبير
واكيد اللى مش بتسكت احيها وتبقا عملت اللى عليها بس انا بتكلم عن الاغلبيه اللى ولا بتطلب الطلاق ولا بتحاول تسيبه تتخانق شويه وبكلمه يصالحها
تفتكرى الخيانه تتمحا بكلمنه برضوا
واكيد مفيش راجل بيحس بالنساء ولا ست تحس براجل احساس كامل
بس على الاقل بحس بظلمها من الغير وظلمها بنفسها ساعات
وشعورى لو فى اسره مفككه وزى ما بتقولى كده طبعا الله العالم بس هتكيف مع وضع اسرتى وحياتى بقدر المستطاع
وكلامى هنا للستات اللى بيقدورا يغيروا حياتهم او عندهم الدخل والبيئه اللى ممكن يرفضوا اى تجاوز من الزوج
وبرضوا راضيين بذلهم وخيانه ازواجهم او معاملته الوحشه ليهم
والرجل ليه اكبر مسئوليه دنيا واخره
وانا مش بحجب شئ
انتى ليه مش حاسه انى بدافع عن المراه هنا والكلام كله هجوم على الرجل
هو انا لما اقول للست كنى عزيزه وكرامتك كبيره اكون بدافع عن الرجل
على العموم هحاول اهاجم الرجل بس الشئ اللى بكتبه مش بايدى احدد ازاى اكتبه
بس هحاول
علشان خاطرك يا جميل
نورتينى وبلاش شد الودن ده بقه
سلام
عزيزتى
ردحذفroula dashwaly
انا معاكى ان المراه مخلوق صعب
جوه اى امراه مليون شئ ولو شبهنا الرجل بالبحر المراه اشبها بالمحيط لانها اعمق منه بكتير
الرجل يعرف يعبر عن كل شئ جواه المراه لا وده شئ متعب جدا ليها
انا عارف انها مش مظلومه دايما بس صدقينى لو قرنا ما تعانيه المراه بما يعانيه الرجل هنلاقى انها مظلومه جداا
وده مش لانها امراه
ده لان الطبيعه فرضت عليها ضعفها واحتياجها للرجل فى مسائل كتيره قوى
رولى وراء كل امراه منحله
رجل ساعدها على انحلالها
نوريتينى
بس احزنتينى
كنت اتمنا الاقى ليكى بلوج فيه موضوعات
لانك تتكلمى بمنتهى الحياد
وواضحه مع نفسك كثيرا
لاكن للاسف
تظلمين المراه بعض الشئ
نورتينى بجد
واتمنا اشوفك هنا
وفى البلوجين التانين
سلام
عزيزتى
ردحذفسارة البحر
اه بنادى انها تقول
كفايه سكوت للى عندها المقدره على كده ماديا لان الماده بتعجز اى انسان عن اتخاذ قرارات كتيره
فى ناس بتستحمل الخاين والستات كده
مع بشاعته بيستحملوا
التانى اكيد اقل من الاول لان الانسان ممكن علشان حاجات حلوه فى الجواز يتغاضى عن اشياء كان يتمناها
لاكن الخيانه مفيش شئ يوازيه ويفوقه علشان نستحمله صح
شكرا ليكى وعلى كلامك
والموضوعين بجد حالات شوفتها وكتبتها علشانهم علشان يتغيروا
واكيد اللى بتتمنيه مش هيحصل
لان الخيانه موجوده كتير وستات كتيره بتعانى منها
والخيانه بدل ما تدمرك خليها تقويكى وتخليكى تعيشى بكرامه
بايه
انك ترفضيها مهما كان الشخص وقدره فى قلبك
ارفضيها بكل قوة
منورانى يا قمر
ويا رب دايمن يعجبك اللى بكتبه
سلااااااام
صديقي " مش موافق " ..
ردحذفأنا أظلم المرأة يا صديقي ؟!!!
أنا فأرة تجارب مارست عليها المرأو كل اختبارات ظلمها على روحي الضعيفة ..
و لكن عندما يكون النور سبيلك الى الرؤية لا تستطيع هجره ان أحرق بعض لهيبه عينيك ..
المرأة نور حياتي , الأنثى كياني و غايتي .. و لا أظلم الطير المغرد في حياتي الا حين اقرر الانتحار ..
لن أقول أحزنتني لأنني مليئة مسبقا بالأحزان ..
دمت صديقي ..
صديقتك المحزونة .. رولى
عزيزتى
ردحذفroula dashwaly
رأيت فى تعليقك ظلم للنساء وحتى لو كنتى ضحيه أمراه مارست عليكى انواه كثيرة من الظلم
فهذا قدرك
وغيرك شافوا من واحده تانيه كل انواع الظلم
يعنى ما تحكميش على اى حد حسب حالتك سواء راجل او امراه
وساعات بنحس بخوف حد علينا انه ظلم لينا
بس الله اعلم لو هو ظلم استنى لحد ما تتاح اى فرصه ليكى للخروج والهروب من هذا الظلم
انا شايف ان سنك صغير
ومهما فات عليكى وقت اتعذبتى فيه دورى على اللى جاى واحلمى بيه وحولى تحققيه
كلنا اتعذبنا بطريقه ما بس بنحاول نعيش
واذا احرق النور عينيك ذلك اهون من العيش فى ظلام للابد
ولا تظلمين الطيور المغرده فى حياتك حتى لو كان بعضها توقف عن التغريد
وتعايشى مع الاحزان وتعودى عليها
فليس هناك سعاده دائمه لاى احد
اتمنا كلامى يكون بفائده ومعنى ليكى
وبيه قليل من السعاده
دمتى بخير يا رب
تحياتى صديقتى
سلااام
الخيانة ملهاش مبررات
ردحذفالخاين دايما غلطان حتى لو الطرف الثاني فيه عيوب او مش مرتاح معاه في كذا طريقة لتصحيح الخطا او الانفصال ليكون حر ويفعل ما يريد وبشوف نساء كثيرات ترتضين المذله وتقبل بالخيانة لانها تخاف من عواقب الطلاق ولكنها حين تفصح عن السبب تقول : لانني أحبه !
ولكن عن اقتناع تام هذا لا يمكن ان يكون حباً لان الحب يموت لحظة اكتشاف الخيانة
تحياتي
عزيزتى
ردحذفThe Queen
اعلم ان الخيانه ملهاش مبرر
لاكن السكوت عليها يمكن ان تجدى لها اكثر من مبرر
وانا بشوف زيك ستات كتير بترضى بذلها وتسكت على خيانة زوجها ليها
اكيد فى نساء مضطره تستحمل الخيانه لاسباب ومعظمها احتياج مادى ويمكن ده المبرر الوحيد اللى مقبول
لاكن اى مبرر اخر اظن انه لايكون مقبول باى حال من الاحوال
واكيد اللى يحب يكون عزيز فى حبه
ولا يقبل اى خيانه لان الخيبامه معناها ان اللى بينهم مش حب
نورتينى يا افندم
سلام
على فكرة كلامك كله صح بس لو أى إمرأة طلبت الطلاق عشان هو خانها وعندها أطفال يبقى ايه النتيجة للأطفال دول هى ممكن تسامح مع بعض الضمانات الى ممكن زوجها يديهالها
ردحذفكل النساء هايقولوا عندك حق انما لوعاشوا فيها هايعملوا عكس الكلام
ربنا يوفقك
بسمه
بص كلامك صح بس لما بتكون في حاله الحب الي بيكون مالكك هو قلبك واحساسك بتخاف تبعد عن حبيبك بتخاف تتجرح بتخاف تظلمه بتخاف من كل حاجة تبعدك عنه وخوفك هو الي بيخليك تنسي كل الجروح وتستحمل تحياتي ليك مدوناتك رائع واسلوبك ممتاز
ردحذفياريت تزورني في مدوناتي
http://heartofghost.blogspot.com/
http://angelsoncity.blogspot.com/
| بنت مصر
ردحذف| دردشة بنت مصر
| شات بنت مصر
| دردشة مصرية
| شات مصرى
| شات بنات مصر
| دردشة بنات مصر
| شات مصر
| بنات مصر
| دردشة
| شات
| مصرية
| شات بنات
| مصر
| مصري
| شات مصريه
| منتدى بنت مصر
| منتديات بنت مصر
1xbet korean bookmaker review - Kreditbets
ردحذف2xbet korean bookmaker review ✓ Find out if it's legal, sports betting and bonuses, bonuses, & 1xbet сайт promotions.