الأربعاء، 26 مارس، 2008

مش ده اللى قلبى هواه


معاه كان منايا أكون معاه

معاه قلبى يتمنا لحظه معاه

طب ليه قلبى هان عليه

ونسانى ورمانى بايديه

مش هو ده اللى قولت عليه قلبى هواه وأتمنى أكون معاه

دلوقتى الجرح أصبح جراح

بعدا ما راح راح الحب راح

صعبان على قلبى

الحزن نور ليلاليه

يزرع ورد يلاقى

الشوك حوليه وفيه

مش هو ده اللى قولت عليه قلبى هواه وأتمنى أكون معاه

بعدين معاكى يا دنيا

الحب مودينا لفين

مفهاش قلب حزين

مفهاش أى خيانه

مفهاش موت لهنانه

مفهاش حتى الاه

أهين على الغلابة

مش هو ده اللى قولت عليه قلبى هواه وأتمنى أكون معاه

هناك 33 تعليقًا:

  1. أزال أحد مشرفي المدونة هذا التعليق.

    ردحذف
  2. ههههههههههههه
    ضحكنى اوى تعليقك على المدونة
    لا دى مش بنت البطة السودا ولا حاجة

    بس والله اشغال

    ردحذف
  3. حلوة الكلمات

    إنت بس طالما بتزرع خير

    يمكن يتأخر شويه
    بس جاي جاي
    إن شاء الله

    تحياتي

    ردحذف
  4. يعنى عشان اقرأ البوست اتعمى كدا ولا انت صوتك بيعلى يعنى ولا ايه
    هههههه
    كل التحية

    ردحذف
  5. دلوقتى الجرح أصبح جراح

    بعدا ما راح راح الحب راح

    صعبان على قلبى

    الحزن نور ليلاليه

    يزرع ورد يلاقى

    الشوك حوليه وفيه

    *******************************
    حلوة اوي
    اوي
    عارف كنت بقرا في المدونة التانية ولقيتك بتستدر عطفنا ندخل هنا
    قلت وربنا لا انا راحة التانية ومليش دعوة بالاولي
    اصل المشكلة اني بحب اتخصص وفي حاجة وحدة
    عموما خليني هنا
    لانها عجبتني
    تحياتي

    ردحذف
  6. موضوع جميل جدا وكلو مشاعر ومدونة اجمل تحياتي

    ردحذف
  7. حلوة الكلمات

    وفعلا ديما بنتسائل هو حصل ايه بالزبط؟


    كلمات روعة فعلا


    تحياتي

    ردحذف
  8. عارف يا حسام الموضوع ألى أنتى لمسته ده مع كل واحد فينا
    مش عارفه ليه بعد شويه وقت مع بعض كل شئ بيبقى عادى
    يمكن سنه الحياه مش عارفه

    عارف أنا مش عارفه أقولك على ألى جوايه بالظبط يمكن أنت فهمنى ....يمكن

    ردحذف
  9. لماذا هذا الحزن حسام ؟
    ما الذى تغير وجعل من منتحته قلبك يصبح غريب عنه او عليه ؟

    هل اكتشفت انه كان وهما رسمه خيالك ؟
    هل ظهرت قسوتها ؟
    اكانت تتلاعب بمشاعرك ؟
    ما الذى ادى الى ان يصبح
    مش ده اللى قلبى هواه ؟

    تحياتى

    ردحذف
  10. عزيزتى
    البنت الشلبية

    يعنى عللشان تيجى هنا ما تعلقيش هناك ولا ايه

    وكمان بجد زعلان دايمن تعليقاتها اقل من اختها مع انهم من اب واحد وام واحده

    وزى ما جيتى مشيتى

    مفيش تعليق على البوست

    بس يلا نص العما بقه

    نورتينى

    سلام

    ردحذف
  11. عزيزتى
    Salwa

    مش دايمن اللى بيزرع خير فى الدنيا

    يلاقى خير فى الدنيا

    هو ساعات بيتاخر بس مش شوية

    بيتاخر للاخره

    وانا بحمد ربنا ومش بندم على اى خير بعمله ولا عملته

    مهما كان المقابل اللى شوفته

    ربنا عالم اللى فى قلبى

    وبالذات لما بعمل شئ بحب

    كلامنا بعيد عن البوست


    بس ده ردى على تعليقك

    تحياتى

    سلام

    ردحذف
  12. عزيزتى
    la3lahakhier

    تتعمى ليه بس ياستى

    هو صغير ولا كبير

    انا احترت بصراحة وصعب اخلى الكتابة حجمها يرضى كل الناس

    وصوتى دايمن بيكون عالى فى كل شئ

    بيصرخ بس محدش بيسمعه وبيفهمه الا انا

    فهمتى حاجه

    سلام

    ردحذف
  13. عزيزتى
    monaliza

    كل شئ نصيب

    واحنا اللى بنتكب نصيبنا وقدرنا

    اللى هو مكتوب

    تحياتى
    سلاام

    ردحذف
  14. عزيزتى
    maha zein

    اه الجملة دى حلوة قوى وانا حاسس بيها قووووى

    بس اللى موجود فى المدونة التانيه بيمسنى اكتر بصراحة

    ولازم تعلقى عليه اقريه تانى

    هتحسى بيه اكتر

    وموضوع انى بحاول ازق الناس تخش هنا

    بيصعب على ناس متشفش شئ حاسه جميل وليه معنى

    وبالذات ناس بتعلق على البلوج التانى بحب ازود الجرعة بتعتى ليهم

    والموضوع مش تخصص لان الاتنين فيهم احساسى

    بحاجات كتير
    وبصراحة التانيه ليه عندى قدر اكبر

    على العموم هستنا اشوف رائيك فى التانية

    ويجعله عامر

    نورتينى

    سلام

    ردحذف
  15. عزيزتى
    مشمش

    مش مشمشة احسن نخليها مشمشة

    عزيزتى
    مشمشة

    ايه اختصارات الكلام ده

    الستات مبيقتش لتاته ليه زى زمان

    شكرا على كلامك

    واتمنا دايمن تحبى مدونتى


    ونورتينى يا قمر

    سلااااااااااااام

    ردحذف
  16. عزيزتى
    linda

    احنا ليه بنتسائل

    اكيد بيكون الامور واضحة بس احنا

    اللى بنكون مش عاوزين ناخد بالنا

    بمزجنا

    شكرا على كلامك

    تحياتى

    سلام

    ردحذف
  17. عزيزتى
    فى القلب

    اول شئ البوست اللى عندك جميل قوى

    وجواه معانى كبيرة وحلوة

    واكيد بيحصل بس بدرجات متفاوته

    وفى اوقات بيحصل فيها ده لدرجه مينفعش فيها التغيرات دى

    بالذات لو القلب ده قلب رقيق وصافى وبرئ

    وسنة الحياه اننا نتغير بدرجة ولا اتنين

    مش 360درجة

    واللى جواكى مهما بحاول افهمه مش هفهمه كله

    بس اكيد البوست بتاعك الاخير

    جواه حاجات خلتنى افهم اكتر اللى جواكى

    حاجات جميلة اكيد

    نورتينى

    تحياتى

    ردحذف
  18. عزيزتى
    شرين

    شوفى كتير قصص حب بنلاقيها مش حب زى ما بنحلم بيه

    ومش معناه ان طرف وحش

    معناه ان الدنيا كده مش واضحه رمادى

    وساعات بنرضى (من كتر الزهق والتعب) بحب صعب الوجود صعب الاكتمال

    وينتهى

    بس ياريت ينتهى بوضوح وصراحه

    انا بكره النهايات المبهمه والغير مفهومه

    ومكنيش عارفه

    ده وهم رسمه خيالى

    ولا اللى حصل ده قسوة منها

    ويمكن لعب كان بمشاعرى

    اسئله من غير اجابات

    وانا دايمن بدور على الاجابه

    ومش برتاح الا لما الاقيها

    لماذا الحزن

    مين فى الدنيا سعيد سعادة كاملة

    ومين فينا الحزن مش عايش جواه

    بس الحمد الله

    انا راضى عن شئ فى نفسى

    وده اللى مخلينى ارتاح

    وطظ فى اى شئ واى حد

    افهمى اللى تفهميه من كلامى

    واللى مش فهماه اعتبريه

    هلوسة جوايا انا بس اللى فاهمها

    نورتينى يا شوش

    متقلقيش على انا زى الفل

    عندى برد بس

    سلاااااااااااااااام

    ردحذف
  19. ههههههههه

    لا ابداً .. البلوج ده بطة جميلة وعسولة كمان

    ...
    معاه كان منايا أكون معاه
    معاه قلبى يتمنا لحظه معاه
    طب ليه قلبى هان عليه
    ونسانى ورمانى بايدي
    ....

    مش دايما بتكون أمنيتنا هى نفس امنية اللى حبناه
    فبيمشى حتى من غير ما يبص وراه
    يبقى نعمل ايه؟
    احنا كمان ننساه .. ونضغط زر هايد على ذكراه

    تحياتى وتمنياتى بقلب سعيد مرتاح

    كاميليا

    ردحذف
  20. عزيزتى
    كامليا

    البلوج ده بطة جميلة بس سبتى التانى

    وخلتيه هو البطة السوداء

    هو لازم يكون بطة سوداء يعنى يا ده يا التانى يا كيموا

    اكيد القلوب بتختلف وكل انسان جواه امنيته بس الحداع وحش قوى

    ولازم قبل ما يمشى يسيب معنى واضح ليه مشى وليه كان فى لحظه معايا وفى لحظه مبقاش اللى كنت بهواه

    اه نحاول ننساه مع ان النسيان مش سهل ولا بزر... عمره ما كان بزر

    بس لازم ننساه

    يارب تتحقق امنيتك وتكون للجميع يا رب

    نورتينى يا كيموا

    سلاام

    ردحذف
  21. bgd to7afa we mo3abera awyyy
    kalam yt7as bgd

    ردحذف
  22. ya 3am wala bata soda wala 7aga :D ana awel awel post b3d el 3awda yekon hena :D wala yhmak :D
    bas kalam gamil gedan ;)

    ردحذف
  23. راائعه


    تسلم ايدك ياحسام

    حلوة بجد

    تحياتي

    ردحذف
  24. عزيزتى

    R.O.U.R.O.U.

    شكراا يا قمر

    المهم انك حسيتى بيها

    ودايمن يا رب تحسى باللى بكتبه

    نورتينى

    سلام

    ردحذف
  25. عزيزتى
    ~ Bato0ot ~

    اه ما انتى خليتى البلوج التانى بطة سودة بالنسبالك مش معلقتيش

    لازم حد يكون بطة سودة يعنى فيهم

    وشرف ليه انه يكون اول بوست هنا بعد العودة

    العودة منين.....ميهمش

    متشكر على كلامك ووجودك

    نورتينى يا قمر

    سلااام

    ردحذف
  26. عزيزى

    WhItE HeArT

    متشكر يا باشا

    ويارب الجاى يعجبك

    نورتنى

    سلااااااام

    ردحذف
  27. أزال أحد مشرفي المدونة هذا التعليق.

    ردحذف
  28. أزال أحد مشرفي المدونة هذا التعليق.

    ردحذف
  29. ازيك ياباشا
    كلامك وجعنى قوى
    بس ممكن اسألك سؤال
    لية الى بيحب بيتظلم رغم ان نيتة بتبقى خير للى بيحبة ولا هو ظلم وخلاص
    وكلامك حلو كمان علشان منك
    سلااااااااام

    ردحذف
  30. عزيزتى
    elsa7era

    معلش وجعك ووجعنى برضوا ما الدنيا اوجعها كتيرة قوى

    وفى الحب بيحصل دايمن حاجات توجع

    اللى بيحب دايمن يتظلم علشان دايمن اختارتنا مش مظبوطه

    ونيته اه كويسة وخير بس النفس البشرية جواها شر وخير ومش لازم نتعامل مع الناس بحسن نية

    بالذات المراه لما تتعامل مع رجل

    لان رغبة الرجل ممكن تصوره ان بيحب المراه وهو كل اللى عاوزه جسدها

    والموضوع طويل قوى

    شكرا على كلامك

    وكلمتك حلوة

    علشان منك

    مع انى جوايا وحش كتير برضوا

    مستنى اشوف تعليقك فى اخر بوست هنا والبلوج التانى

    ده يسعدنى

    سلام

    ردحذف
  31. بعدين معاكى يا دنيا

    الحب مودينا لفين

    مفهاش قلب حزين

    مفهاش أى خيانه

    مفهاش موت لهنانه

    مفهاش حتى الاه

    أهين على الغلابة

    مش هو ده اللى قولت عليه قلبى هواه وأتمنى أكون معاه

    الحــــب مودينــــا علــى فيــن يــا حســـــام

    ردحذف
  32. eToro صفقات التداول المفتوحة في 227,585,248

    انضم إلى مسيرة النجاح اتصل بأكثر من 4 ملايين متداول ومستثمر من 170 دولة

    ردحذف

جربت اطير بجناحى مطيرنيش


قولت اقصه قلبى مطوعنيش



فضلت عايش يا خسارة بجناح ميت



والقلب حى نفسه مره يطير ويعيش

يا......... عالم

;

مدوناتى واللى فيها أتفضلوا (حسام)