الأحد، 12 يوليو، 2009

جوايا ليكى حاجات كتير


جوايا أحساس ليكى خالد فى الوجود

جوايا أرض من العشق ملهاش حدود

أنتى الهوا بيكى الحياة

أميرة نجمة فى السما

ساعة العطش شلال حياه

وكل جرح قلبك شفاه

خليتى روحى ترجع تانى لقلبى تعود

جوايا أحساس ليكى خالد فى الوجود

جوايا أرض من العشق ملهاش حدود

كان القمر يشاركنا أيام فرحنا

والمطر ينزل نغسل فيه همنا

مش اللى بينا شئ كتبه ربنا

بذرة أتسقت وكبرت فى قلبنا

ده بين أروحنا عهد مش محتاج وعود

جوايا أحساس ليكى خالد فى الوجود

جوايا أرض من العشق ملهاش حدود

عارف أن الزمن ده مش هيجمعنا

وأننا مش لبعض وده غصب عنا

لاكن احلا ما فينا رضانا بقدرنا

بندعى لبعض مع غيرنا نفرح نتهنا

ده اللى خلا الدمع فرح على الخدود

جوايا أحساس ليكى خالد فى الوجود

جوايا أرض من العشق ملهاش حدود

السبت، 25 أبريل، 2009

موال الدموع........ عاوز حد يا ناس دمعته يبيعالى



حاولت ابكى لقيت البكا غالى


أصله غلا دلوقتى وبقه سور عالى


روحت اشتريت دمعة


أبكى بيها على حالى


دمعة تنسينى موالى


اللى بعهالى احتاجها


تانى يوم جالى


خد من عمرى سنة


ودمعتى أدهالى


أحتياجى لدموعى تسوى


كل ثروتى ومالى


عاوز حد يا ناس دمعته يبيعالى


اصل دموعى خلصت


من كتر وجع الليالى

يا......... عالم

;

مدوناتى واللى فيها أتفضلوا (حسام)