سامحونى على البوست الطويل ده
والاغانى الحلوة النكد دى
اهم شئ اللى عاوز يعمل اى حاجه
يعملها من أكل وشرب وصرف
بقالى 4ايام عاوز انزله مكتش عاوز
عصلج معايا فى نزوله .... ما علينا
نبتدى باللى كتبتها خصيصا للبوست
فى الدنيا قولت رأى لناس كتير
فيهم قطط فيهم كلاب فيهم حمير
فيهم ملايكه تفوقنى من جهل صابنى
فيهم ملايكه بجهلهم شيطانى غلبنى
فيهم نفاق وكدب وشوك لابس حرير
حلوه صح هى عجبانى
كنت ناوى أعمل بوست تانى بس
شئ حصل خلانى أعمل البوست ده
أول شئ
أحب ابدى بأعجابى وأحترامى وتقديرى
بيها معجبنيش تماديت فى رأى
ونسيت انه احساسها وممكن الانسان
يناقش مع حد اى شئ الا احساسه
وده اللى قالته سؤال كان ليها فى تاج
فى رأيك ليه الذوق والنخوه اتعدموا؟
الذوق مات عشان عبد الحليم مات
و النخوة أنعدمت عشان رجالتنا بيتربوا غلط ،
و يا ريت ماحدش يزعل منى
أستحملت تدخلى مرة وأتنين وتلاتة
بقلب كبير وتفهم أكبر
حتى لما زعلت وغضبت محولتيش تجرح
أىحد ولا تملى رائيها
او تهاجمه او تمسح تعليقه
بالعكس كان كلامها كله أدب
وذوق فوق الوصف .......شكرا
نخش بقه فى البوست فضتوا نفسكم
شويه علشان الموضوع طويل ومحتاج
كباية شاى او قهوة اللى عاوز اى شئ يطلب
البداية
بوست للأنسانة
أيمى بتتكلم فيه عن نظرة
المجتمع للزنا من ناحية الرجل والمرأه وأختلافه
عن الدين مع ان الدين ساوى بين الاتنين
فى العقاب وكانت زعلانه لانها حاسة أن الزنا
حرام على الرجل والمرأه ليه المجتمع مش بيدين
الرجل بنفس ادانته للمرأه وحسه ان ظلم على المرأه
واكدت بكلامها انها ضد الزنا طبعا بس ضد
المكيال بمكيالين والدين مفهوش الكيل بمكيالين
فى الحدود والموضوع اسمه
كلامها جميل بس مقلش سبب واحد ليه الكيل بمكيالين
وانا ظنت انها بتتسأل ليه المجتمع بينظر كده
وحبيت اوضحلها ليه المكيال بمكلايين
على الاشخاص وجريمتهم واحدة دينيا
وده تعليقى
عزيزتى انا معاكى ان الجريمه
واحده والعقاب واحد دينيا
واخلاقيا وشئ من العدل اللى
هو اسم من اسامى ربنا
بس اقولك ليه الناس بتشوف زنا الرجل
اقل وطئه من زنا المراه
(حبيت ارد على سؤلها اللى سألته فى البوست)
من قديم الازل والطبيعه اللى عملت كده كان الرجل
يتزوج اكتر من واحده ويرتبط باكثر
من واحد وكانت المراه ترتبط
بفرد واحد كان هو الحمايه ليها البيت والحصن
ده رقم واحد
كمان الجنس للرجل غير للمراه يعنى ممكن
رجل ينام مع اى واحده مومس مش بيهمه
لانه بيحب الجسد ومن شهواته ومتعه
لاكن المراه عمر ما شهوتها تحركها
ولو رجل وامراه مع بعض فى شقه لوحدهم
لو الرجل حب ياخد من المراه جسدها
وهى مش عاوزه لازم يستعمل العنف علشان
ياخده لاكن المراه بجمالها سهل تخليه يزنى
معاها علشان كده رفض الرجل للمراه اقل
من رفض المراه للرجل كجنس ودى
طبيعة الرجل وطبيعة المراه
ده رقم اتنين
اخر شئ احب اوضحه واقول ليه المفروض
والطبيعى سواء رجل او امراه
يتحامل على المراه اكتر من الرجل
فى موضوع الزنا الرجل لما بيزنى
بيكون عارف انه لو اتعرف كده مش
هيهين ابوه وامه واهله بشئ ومش
هيخليهم مش قادرين يقبلوا الناس
ويوجهوهم ولو حس انه هيجرهم جرح
زى اللى بتسببه المراه عند الزنا كانت نسبة
كبيرة من الرجال فكروا الف مره قبل الزنا
يعنى الحمل عليهم فى الزنا حمل دينى
اكثر شئ لاكن البنت لما تزنى بتكون
لاكن البنت لما تزنى بتكون
عارفه ان عليها غير الحمل الدينى
الف حمل تانى ممكن يحصل
من ورا زناها تفتكرى ميين
اللى لازم نحسبه اكتر ونلومه
(ده شئ بيعلى أكيد من شأن المراه
وقدرها كأنسانه وكجسد وكأحساس)
ده رقم تلاته
انتى نفسك لو اخوكى زنا هتلوميه
تعتبيه ممكن بس مش هتحسى
بنفس الاهانه اللى هتحسى
بيها لو اختك زنت والكلام ينطبق على الابناء
(ده كان سؤال ليها)
ده رقم اربعة
ليه بنحاول نغير من طبيعتنا اللى موجوده فى
جينتنا ايه الغلط اننا نحس باختلاف
المشاعر بين كل قاتل وقاتل تانى
مع انهم الاتنين قاتلين بس فرق بين
اللى يقتل رجال اشداء وبين اللى يقتل
اطفال ونساء احسسنا بيتغير مع ان الجريمه واحده
الزنا جريمه واحده بس الجانين مش واحد
ونظرتنا دايمن بتكون لتاثر الجريمه لكل
المتهمين على المجتمع والاسرة
ده خامسا
(شايفين عمال ادورلها على اجابات
لاسئلتها وممكن اكون مش مقتنع بيها
كلها بس بوضحلها المجتمع نظرته بيشوفها ازاى)
اخر شئ احب اقولها البنت
نفسها كبنت ممكن تحتمل انها
تعرف ان ابوها بيزنى مع نساء عاهرات
لاكنها تنهار اخلاقيا لو انها عرفت ان امها
بتعمل نفس الشئ
دى سادسا
يعنى انتم تعترضوا ليه على احساس
موجود جواكم وهو احساس بالمسئوليه لاغير
مسئوليه للبنت اكبر من الولد فى الزنا
مسئوليه لاهلها واسرتها
اسف للتطويل معلش سلااااااااااااااااام
شوفتوا انا حددت اسباب ازاى وكنت فاكر
انها هتردعلى النقط اللى وضحتها يا توافق
فى بعضها وتختلف فى بعضها يا تختلف
فيها كلها طبعا صعب تتفق فيها كلها ...مستحيل
لاكن للأسف ده كان ردها الاستاذه ايمى
انا مختلفه معاك تماما انهيار اخلاقي ايه
و بتاع ايه الي هاحسه لما
الام تزني يا استاذ الزنا واحد
و الاخلاق واحدولا لما الست تغلط
الاخلاق تنهار بس الاخلاق
هاتريح شويه
لما الراجل يغلط ده اسمه جهل
و ازدواجيه ماهاش مبررلما
ابني يزني ابقي معرفتش اربي
و لما بنتي تزني نفس الكلام لما
اعلم ابني انه ماعلهوش مسؤليه
ادام المجتمع يبقي بطلعه جبان و ندلو
بعدين البنت ممكن ماتقولش لاهلها
و لما تحب تتجوز تعمل عملية ترقيع
الدين واضح و صريح بلاش
احنا نلعب في كل حاجة
لمصلحتنا مش هانوصل لتبرير الحرام كمان
انا بقول للاسف ليه علشان اللى بيطرح موضوع
كنت اظن انه بيطرحه علشان يحصل مناقشه
للنقط اللى فيه وتوضحها مكنتش فاكر انه
بيطرحه بس علشان اللى يخش يقول موافقه
احنا مش فى مجلس الشعب
مع انى تعليفى مفهوش انصاف ولا تبرير للزانى
ولا الزانيه بس كنت بحاول اوضح ليها النظره
بتختلف ليه وحددت كلامى فى ست نقاط
ومردتش عليهم علقت تانى وحبيت احدد كلامى
واطلب منها الرد اصلى محبش افتح
مناقشة فى حاجه وموصلش انتيجه محدده
(يا خوفى منك يا بدران)
عزيزتىليه تعليق صغير
على البوست اللى فات اللى
انا علقت عليه وردك على تعليقى بصراحه
اغفل نقط كتير بس المشكلة انى راجل
وانتى ست وانتى مش فهمه ايه احساس
اى رجل نحيت الست بس على الاقل
فهمه احساس الست نحيه الرجل
ويمكن تفهمينى المره دى لان مشاعر
الرجل والمراه الجنسيه بتختلف قوليلى ليه
يعنى انا كرجل بزنى مش بيهمنى الا جمال
المراه سواء كانت مومس او اى امراه المهم
يشدنى جمالها ولو رجل قاوم اغراء امراه
من عشرة اكيد واحده فيهم هتقدر عليه
وتغريه وتخليه يزنى معاها وحطى رجل
وسط عشرة كده فى شقه واحده
وقوليلى هيقدر يقاومهم ولما يزنى
هيكون بمزاجه اكيد وقتها اى رجل كده
حتى لو بيحب لان رغبته مرتبطه اكتر
بجمال المراه وصعب رجل يرفض
امراه جميله
(زباله الرجل فى الموضوع ده
رغباته تغلب احساسه ومشاعره كتير
)
المراه بقه
لو ادامها ميت راجل فى مكان واحد
وبتحب صعب تزنى معاهم بمزجها واردتها
ولو كمان مش بتحب لازم يغتصبوها
علشان يلمسوها
(حساسه المرأه كلها مشاعر رغباتها مرتبطه
بروحها وأحساسها ومشاعرها)
عندك اعتراض على النقطتين
دول اظن ده بيبين
ان الرجل اكتر شهوانيه من المراه
وانها اكتر احساس والجنس عندها احساس
ليه بقه لوزنت واحده اتحامل عليها اكتر
من لو زنا واحد علشان الضعف
اللى فى الرجل ده فى شهوته للمراه
مش موجود بنفس درجته فى المرأه.
.أه ربنا خلا الحساب واحد لانه حد من حدوده
فى الدنيا بس اكيد يوم الحساب هيختلف
الحساب بين كل انسان زنا والتانى
وقتل والتانى وسرق والتانى كله حسب
ظروفه وطبيعته وكتبتلك
(بفكرها بكلامى)
مثل لاحساسك
فى جريمه واحده واحساسك
بيختلف بيها بس انتى للاسف بتقرى
حاجات وتطنشى حاجات وما تنقشهاش
وتقولى صح ولا غلط واكررهولك
(التكرار بيعلم )
هناك فرق بين اللى يقتل رجال اشداء
وبين اللى يقتل اطفال ونساء
مع ان الجريمه واحده
الزنا جريمه واحده بس الجانين مش واحد
ونظرتنا دايمن
على المجتمع والاسر بتكون لتاثر الجريمه
لكل المتهمين (معلش بكرر كلامى) اخر
شئ احب اقوله انتى
لما بتشوفى اى شئ بيعمله انسان بتشوفى
طبيعتة وصعب تقولى ان الرجل
لما يزنى ويضعف احساسك بيه
زى المراه لما تزنى وتضعف ولو الموضوع كده
كانوا فتحه اماكن للرجال تجلهم
النساء يزنوا فيه معاهم
وتختار المراه وتحس زى الراجل مش
عارفين ان ده ميزه وصفه روحيه ربنا ادهلكم مش
موجوده فى الرجل
انتى هتخلينى اعمل موضوع عن
كده باين واوضح ان نظرة المجتمع بيكون
مش علشان ده راجل ودى امراه بس
نظرته بتكون علشان دى طبيعة الرجل
ودى طبيعة المراه اتمنا ردك عليه مش
على نقطه ونقطه زى اللى فات يا تعلقى على كل
كلمه يا بلاش احسن.... اظن ده من حقى
يا افندم سلاااااااااااااااام
تعبتوا شكلكم اللى عاوز ياخد لفه
وبرجع اوك معنديش مشكلة
بلاش سجاير التدخين ضار جدااا
هلابيكم نورتونى فى ناس زاغت
معلش البركة فيكم
معلش بعرض التعليق كله علشان الامانه
وانا لما قولت يا تعلقى على
كل كلمة يا بلاش علشان
بس اعرف وافهم هى عرضت
موضوعها بس علشان
عاوزه تفهم وتناقش وترد
ولا علشان تنزل بوست
علشان بس التعليقات اللذيذه اللى تمدحها
وكان تعلقها على كلامى الاتى الاستاذه ايمى
يعني ايه يا اعلق علي كل كلمه يا بلاش
في طريقه احسن من كده في الكلام
يا تتكلم بأدب يا تسكت احسنو انا مش هارد عليك
هو انا فى تعليقى قليت ادبى ممكن
اكول بقول راى بس ولا شتمت ولا سبيت
ولا قليت ادبى ورديت على كلامها بالتعليق ده
فى بوست شوية نظام بقه بتاع كوكا صحبتها
عزيزتى
الاخت ايمى كلامى ليها مفهوش اى اسأءة ادب
كل اللى طلبته اتمنا ردك عليه مش على
نقطه ونقطه لا يا تعلقى على كل كلمه يا بلاش
زى اللى فات احسن اظن ده
من حقى يا افندم لو فيها
اساءة ادب يا كوكا قوليلى
(كوكا دى صحبتها بشهدها)
هى لما حطيت الموضوع ده وتسألت
عن ليه المجتمع بيشوف
زنا المرأه غير نظرته لزنا الرجل
وده طبعا بعيد عن الدين كانت بتتسأل ليه
مش علشان لما حد يعلق ويقول اسباب ترد على
الاسباب دى ولا اللى يخش المفرض
يقولها اميين انا علقت فى الموضوع
وقولت كام نقطه وهى مردتش عليهم
رجعت تانى اعلق بعد ما علقت على
موضوعك وقولت الكلام ده وقولت
لانه من حقى زى ما هى تسألت ليه
المفروض لو مقتنعه بكلامها كل ما اقول
سبب توضحه ترد مش تختار كلام
وتطنش كلام بمعنى اصح اللى تقدر تلاقيله رد
ترد واللى معندهاش رد عليه تعديه ومتردش
اسف للاطاله وحبيت اوضح انى مقلتش فى ادبى
واحكمى انتى بينا بقه
(اقصد كوكا صحبتها)
سلاااااااااام
وطبعا هى علقت على وبرضوا مش على راى
وده تعلقها اللى حسستنى انى كنت بشتمها فى تعليقى
معلش يا كوكا هارد تاني علي احساس لسه حي
و لو اني مش شايفه ان عنده اي احساس
يا سيدي ياريت ماشوفكش هنا تاني علشان انت مستفذ
و اسلوبك في الكلام زفت ايه الي لاقيالو رد
و الي مش قادره ارد عليه ده من الاخر متشكره
لأريك و زيارتك بس احتفظ برأيك لنفسك و متتعبش
نفسك بالتعليق عندي او عند كوكا تانى
عارف انكم ابتديتوا تتخنقوا وانا كمان وفى اللى مش هيكمل
واللى هيكمل وهو بيقول كفايه حرام
بس اصل لازم بجد تشوفوا
المصيبه بقه اللى تعبتنى
ده بوست كتبته ايمى يبان فيه
الناس ازى بتخدع نفسها
وبتخدع الناس وبتقول كلام وبتعمل
غيره مبادئ على الورق وكلام بس
كتير مننا كده فى مسائل كتير
وده اسمه معانا ولا معاهم
الناس بقت فريقين
يا موافق يا معارض
الموافق تمام وزى الفل
و المعارض ياخد بالجزمه
المعارضه ده مش الحكومه
و بس الي ضد بعض بقينا
كلنا مش طايقين حد يعارضنا
او يقول رأي مخالف لينا
ما ينفعش اختلف معاك
بس نكون صحاب ليه
و بنحترم بعض
السنه بتكفر الشيعه
.... و الشيعه كارهين السنه..
. المسلم ضد المسيحي.
... و المسيحي شايف ان المسلم دايمآ مضطهده
والمثلى شايف ان المغايير
معقد والمغاير عايز رقبة المثلى
انا عايزه اعرف ليه منقبلش
ايه الي يمنع اني احترم المثلي
و اتعامل معه المسيحي بأدب
و اناقش فكر الشيعي
من غير تجني عليه لازم
نحترم الرأى المختلف
و التفكير الأخر مش علشان
مش زينا يبقي كافر
و جاهل و اقوم اموته
(شايفين جمال الكلام و
ايمانها بتعدد الاراء وردها على
راى وتعليقى شوفتوا الن.
....سموه انتم ايه ده) لعن
د و شتم و توعد بالنار
حتي في التعليقات
علي المدونات تلاقي واحد دخل سب
و لمجرد ان رأي صاحب البلوج
مش علي مزاجه زي مايكون هو ممشي الكون
بقي في عدوانيه في التعامل
بينا لو انت مش معايا
لو مش موافق علي كل كلامي
تبقي ضدي عدوي
مافيش وسطيه و احترام
للأختلاف في طرق التفكير
بقي في عند و تشدد و كل واحد متمسك برأيه
(يا لهوى على التقسيم)
لدرجة انه بيتكبر يعترف
بغلطه او يحترم رأي
مخالف ليه كان في مقوله بتقول
( اختلاف الرأي لا يفسد للود قضيه)
بس دلوقتي
بقي يفسد و يقطع و يبهدل الاختلاف
بقي تضييع في رقاب(شوفتوا القمر) الحقيقه
(الحقيقه وخدين بالكم)
انا كنت كده بس مش اوي
يعني كنت عصبيه و عنيده
و مش بستحمل حد يعارضني
يعني اول ما(كنتى ولا زلتى ) أحس
ان الي قدامى
هايعارض ابتدي استعد
و اطلع الموس
من بقي و المطوا من الشراب
بس ربنا تاب عليا
و اتهديت ليه ضاعت مننا
لغة الحوار المحترم
و بقينا ماسكين سكاكين لبعض
طبعا موضوع جامد وراى
لوطلع من حد تانى
كنت قولت عليه كلام كتير بس هى مينفعش
وفى الوقت ده بتكتب كده اظن لو سكت
ابقا حرام على انى اسبها عايشه الوهم
وكتبت تعليق على الموضوع وشليته
الانسانه ايمى الديمراطية
منتهى ديمقراطية والحوار مع الاخر
قولت اعلق تانى بس سيفته
عندى وبرضوا شليته
عزيزتى
ايمى
شوفى انتى بدل شيلتى التعليق بتاعى وبتقولى كلام
ومش بتنفذيه زى اللى كتباه فى موضوعك
بقينا مش طايقين حد يعارضنا
او يقول راى مخالف سبحان الله
وبكده المفروض اى حد يعارضك ميخش يعلق لانك لما
بتحطى بوست بيصعب عليكى حد يعارضه او ينتقده
يبقا انا ناوى اعمل بوست تقدير لللى
عملتيه واشهد عليكى اى حد يخش
واعرف يمكن انا الغلطان
ويمكن انتى الغطانة
انا كنت حاسس انك هتمسحى تعليقى
بس قولت يمكن تكون اشجع من كده
طلعت اوت واحساسى مخيبش
اتمنالك افعال زى شعارتك
سلام
نسيت ممكن تمسحيه زى اللى قبله ميهمكيش
ده الموضوع من طقطق الى سلام عليكم
انا ممكن اكون غلطان بس غلطان ليه احب
اعرف طيب لو هى غلطانه
حد يفهمها هى غلطانه ليه برضوا
اتمنا اللى يعلق يعلق بالعدل والحق
بغض النظر عن
اى احساس نحيتى او نحيت ايمى
طوليت بس عو موضوع كبيييير
ولا انا غلطان وميستهلش
بلاش الاجابات الميته
يعنى اجابه محدده وواضحه
ومفيش شئ اسمه احنا الاتنين
غلطانين يا ابيض يا اسود
وارجع لاول الكلام واقول
فى الدنيا قولت رأى لناس كتير
فيهم قطط فيهم كلاب فيهم حمير
فيهم ملايكه تفوقنى من جهل صابنى
فيهم ملايكه بجهلهم شيطانى غلبنى
فيهم نفاق وكدب وشوك لابس حرير
