الأحد، 25 مايو، 2008

الصراع بين صداقة المراه وحبها ..أكيد الحب كسبان


صداقة

أيمان وهدى جيران وأصحاب مع بعض على طول



تفكيرهم زى بعض أهتمامتهم زى بعض متفاهمين



فى كل شئ لوسألنا أيمان مين أكتر واحدة بتحبيها بعد بابا وماما



هتوقلك هدى ولو سألتى هدى مين أكتر

واحدة غالية عليكى هتقولك أيمان

كبريت هدى وأيمان

صداقة ووحب وأشياء أخرى

هدىسافرت وأيمان أتجوزت حبيت وأتجوزت

بعد سنتين تلاته رجعت هدى من السفر

هدىلسه محبتش ولا أرتبطت

هدى زارت أيمان هدى شافت عادل وعادل شاف


هدى عادل زوج أيمان طبعا هدى طول الوقت مع أيمان

ومع عادل هدى حبيت عادل وعادل حب هدى

هدى صديقة أيمان بس بتحب عادل

أوووووى وعادل بيحب هدى اوووووى

هدى هتبعدعن عادل وتنسا حبها ولامش هتقدر تقاوم


مطاردة عادل ليها وممكن توافق تتجوزه

أقل شئ فى السر وتبقا فى الظل بلاش عادل وهدى

وأيمان وفليم الحب الضائع

مش فليم دى الدنيا

نقول ممكن صداقة المرأه للمرأه تمنعها من حب

والارتباط بزوج صديقتها طيب تفتكروا ممكن

واحدة بتحب واحد وتعرف ان صديقتها بتحبه ممكن تكتم حبها

علشان صحبتها طب نعكسها الرجل ممكن يكتم

حبه علشان صحبه وصديقه

للرجل طبيعة والست طبيعة

مش عاوز حد يقولى حسب الشخصيه والاخلاق

ومش كل راجل ومش كل ست اناعارف

لكل شئ فى الدنيا استثناء وحالة

بس احنا عاوزين نعرف كفة الصداقه للمرأه


وكفة الحب نسبتها كام لكام

وكفة الصداقه للرجل بالنسبة للحب نسبة كام لكام

انا هقول رأى واللى مقتنع بية


واللى سنوات عمرى شافته وقابلته وحسيته

طبيعة المرأه كده وده مش عيب

أن المرأه تستغنى عن كل شئ بما فيها صديقتها علشان حبها


وأكتر شئ هتعمله هدى لو بتعز أيمان اوى أنها تتجوز عادل


فى السر وده مش عيب فى المرأه بالعكس انا شايف أن المرأه


حبها بيكون لرجل واحد وبتحس انه كل حياتها


ولو ضاع منها مش هتحب تانى

اما الرجل بقه بشوفه يستغنى أوقات كتيرعن



حبه وبيعرف كويس يحب تانى وتالت زى ما عادل كان بيحب


أيمان ودلوقتى بيحب هدى ودايمن بيعرف يلاقى واحدة تعوضه


عن حبه اللى راح وكمان الصداقه ليها

مكانه كبيرة اوى فى حياته ودنيته

وفى واحدة لا وحدات قالتلى انا صدقتى ممكن الاقى غيرها

وأعوضها لاكن حبيبى أزاى ممكن أعوضها

وواحد قالى اوعى تبيع راجل علشان ست

وأكرر تانى دى الصوره العامة اللى شيفها ولو شوفت


غيرها بتكون استثناء بسيط وقليل

ودى المراجع اللى أخدت منها البوست

سنوات عمرى واللى شوفته وبشوفه فى الواقع

فليم

الحب الضائع

فليم دانتلا

فليم هندى

وميت فليم تانى لو عاوزين

ومتنسوش ان نسبه كبيرة من الزيجات التانية للزوج


بتكون من صديقه وصاحبة للزوجة

معايا ولا هنختلف
يا ستات

هناك 34 تعليقًا:

  1. السلام عليكم ورحمه الله وبركاته
    جزاكم الله خيرا على الموضوع
    أهتلف معك فى عدد من النقاط
    اننا اولا نشوف ايه السبب
    مانوعية الحب الذى نشب بينالصديقتين لشخص واحد وما الدوافع له ؟
    لو التزمنا صح
    وعرفنا حدود تعاملنا مع بعض
    معتقدش هيحصل اللى بحصل تمام؟
    وفقكم الله
    والسلام علكيم
    اخوك
    أحمد جمال

    ردحذف
  2. موضوع فعلا جدير اننا نتكلم فيه

    بس انا بختلف معاك طبعا

    على كدا بقى وعلى كلامك دا مش هيكون فيه حاجه اسمها خيانة ولا ايه !!!
    يعني ايه واحد يحب صاحبة مراته ولا يعني ايه واحدة تحب زوج صاحبتها اللي المفروض تعتبره اخوها من اول ما يلبس صاحبتها الدبلة في الايد اليمين او من اول حتى ما يدخل قلبها.

    بص انا معاك ان دا وارد طبعا انه يحصل ...وشوفنا الكلام دا في الافلام
    لكن حل الموضوع دا في ايد ايمان وكل بنت زي ايمان.
    المفروض ان اي بنت و اي ولد يحرص في الكلام مع الاصحاب عن زوجته او حبيبته والكلام يبقى على اضيق الحدود علشان ميحصلش الموقف دا

    ودا طبعا من وجهة نظري

    ردحذف
  3. بحسب وجة رأييء أنو مالازم نعمم لأن مو كل الناس متل بعض
    ومابظن كل البنات بيبيعو الصداقة عشان الحب
    ونفس الشيء الرجل ...مو كل الرجال مخلصين لأصحابهم وبيتخلو عن حبهم لأجل الصداقة

    اذن الموضوع ومافيه بيرجع لتربية الواحد ولقناعتهواخلاقه وضميره وقيمه الداخلية
    هذا رأييء ويمكن مخالف لما ذكرت
    بس هذه هيه الحقيقة من وجه نظري

    واخيراً أحييك من قلبي على طرحك لمواضيع جريئة وواقعة في حيانتا
    وهذا أجمل شيء في مدونتك

    تقبل تحياتي


    أنثى الخيال كانت هنا

    ردحذف
  4. عزيزى
    د/أياد يحيى وأدم

    احمد جمال

    وعليكم السلام ورحمة الله وبركاته

    شوف انا بتكلم عن الموقف لو حصل صديقة حبيت حبيب صديقتها هتنسحب وتسيبه ولا هتتمسك بيه وتكمل معاه

    وكلامى عام ومهما اختلف نوعية الحب فى الاخر الحب بالنسبة للمراه رباط تستغنى بيه عن صديقتها وتبعها علشانه

    وطبعا انا بتكلم عن النسبة الاكبر ولكل قاعدة استثناء وانا بتكلم عن القاعدة

    ومش بقصد الاستثناءات

    والحدود موجوده بس فى حياتنا ساعات بنتعدى الحدود دى

    ودايمن بنتعدها

    واكيد الحدود بتمنع حاجات كتير تحصل

    بس واقعنا اللى بتكلم عنه مش المفروض يحصصل

    شكرا على كلامك ورائيك

    وعليكم السلام

    نورتنى

    سلااام

    ردحذف
  5. عزيزتى
    green eyes)

    شوفى مش سهل على ست تتفق معايا فى الموضوع ده

    بس الواقع والحقايق بتقول ان كلامى صح

    شوفى انت ممكن تشوفيها على انها خيانة

    وممكن نبصلها برضوا على انه احساس ومشاعر يعنى افرضى خطيبك غصب عنه حب صحبتك وهى حبيته مش من حقهم يكللوا حبهم ده بالارتباط

    ولا يضحوا بحبهم علشانك

    انت اساسا هتتظلمى لو ضحوا بحبهم علشانك

    والمفروض ده فى حاجات كتيرة قوى بس من امتا اللى بيحصل هو المفروض دايمن

    والافلام جبته مش علشان هو خيالى

    ده جبته علشان هو شئ واقعى وبيحصل كتير وكل واحد مننا شاف حاجه قريبه من كده

    والحب الضائع قصة طه حسين يعنى منتهى الواقعية دى كتباته دايمن

    اه ممكن يكون لايمان يد فى اللى بيحصل ده وممكن تكون المراه السبب فى ان حبيبها يحب صحبتها وصحبتها تحب حبيبها

    بس اكيد ساعات تكون ايمان مظلومة وتكون صحبتها مش مخلصة ليها

    وعمر الرجل ما يقدر يقرب من ست الا باردتها وتكون فتحتله الباب لكده

    ووجههة نظرك لها تقدرها واحترامها

    بس انا بتكلم عن حالات ووجهه نظرى فى احساس المراه بالصداقة والحب وايهما اهم عندها

    نورتينى يا قمر

    سلاام

    ردحذف
  6. عزيزتى
    أنثى الخيال

    انا مش بعمم بس بتكلم عن الاغلبية ومقدار الصداقه والحب فى حياة المراه

    وفيه نسبة وتناسب

    واكيد فى رجل يبيع صديقه علشان ست وست تبيع حبيها علشان صديقتها

    بس النسبة كام لكام

    تقريبا نادرا تلاقى ست تبيع حبها علشان صديقتها

    لاكن الرجل صعب يبيع صديقه علشان امراه ده طبيعته ودى طبيعة الست

    والاتنين بنحترم طبيعتهم واحاسيسهم

    والتربية والاخلاق ليها اعتبارها

    بس طبيعة الجنس واحاسيه ليها اعتبارها

    والمراه الحب بالنسبالها اهم شئ فى دنيتها الرجل الحب جزئ من حياته

    وشوفى الواقع هتلاقى كلامى صح

    ويا قمر تحيتك شرف ليه بس مش عارف مش بتزورى المدونه التانيه ليه

    احب برضوا ارائك اشوفها فيها

    وجمال مدونتى بيكتمل بتعليقات اللى زيك

    نورتينى

    وتحياتك بتسعدنى يا افندم

    وانثى الخيال نورت المدونة

    سلاااام

    ردحذف
  7. مساء الخير
    اخبارك ايه يارب تكون بخير
    بص بقى الموضوع بجد يستاهل نتكلم فيه لانه انتشر وبقى موجود في واقعنا بصوره كبيره
    بس الموضوع ده كله فيه غلطه واحده بس وهي من ايمان
    مدام ايمان اتجوزت علاقتها بهدى طبعا تفضل زي ما هي بس ما تدخلش عادل في الصداقه دي
    عادل لما هيتعود يشوف هدى كل يوم قدامه بال بالعكس ده ممكن ينزلوا مع بعض كمان وبموافقه ايمان
    ده اكيد هيولد شئ بداخل عادل مهو راجل ودي طبيعته
    والممنوع دايما مرغوب وهيبداء يقارن والممنوع دايما اللي بيكسب

    اما بقى عن موقف هدى فهي غلطان اكيد لازم من اول ما تعرف انه متجوز مش بس انه جوز صحبتها لازم تعمل حدود لعلاقتها معاه

    الموضوع تحفه بجد يا احساس

    ردحذف
  8. اول زيارة

    غطست فى المدونة غطسة ما يعلم بيها الا ربنا

    نسيت حتى انا جيت هنا ليه و ازاى و كنت بعمل ايه و خبطت ازاى فى المدونة دى

    المهم قولت اعلق قبل ما اجيب أخر المدونة قراية

    عارف
    انت بتحاول تتكلم فى الحاجات اللى دايما الانسان بيستخبى من نفسه اما بيفكر فيها

    و بالتالى الناس بتعترض عشان دى حاجات خاصة اوى يمكن لدرجة ان الواحد مبيتكلمش فيها مع نفسه

    انت بتحاول تخلينا شايفين نفسنا من غير اى حواجز و من غير ما نضحك على نفسنا

    بجد غريب قوى اسلوبك
    برغم من انى مستغرباه و مش مصدقة ان فى حد كده بس غطسانة فىه غطسة .. و مستمتعة بالقراية جدا

    مش عارفة اقول ايه و لا عارفة اوصلك الاحساس اللى حساه دلوقتى

    تحياتى لك

    ردحذف
  9. عزيزتى
    سارة البحر

    تمام يا قمر الحمد الله

    معاكى حق ساعات الست تقرب صديقتها لحبيبها لدرجه كبيرة لحد ما يحبها بجد

    وانتى قولتى الحل صدقتها تبعدها عن حياتها بس هى مش واخده خيانه بقه

    وايه ده اول ست تقولى ده طبيعة الرجل صح معاكى حق الرجل سهل يحب واحده قربت منه اوى

    بس لو متجوز حسب الرجل وطبيعته وزوجته واحساسه بيها برضوا

    والممنوع دايمن بيكسب

    والست ضعيفه ادام الحب لما يخش قلبها وهدى ضعفت ودى طبيعتها بقه كست

    طالما مبعدتش من الاول وسابت الحب يخش قلبها مش هتقدر تبعد

    كويس الموضوع عجبك بقاله شهور فى الدرج وترددت انزله

    انتى عارفه انا بيهمنى كلامك

    سلام

    ردحذف
  10. عزيزتى
    سمية

    انتى عملتى ايه

    مش عارفه انى بفرح بالتعليقات اوى وبالذات لما يكون بالجمال ده

    يا رب يكون كل اللى غطست فيه امان ومفيش شئ غرقك واختلفتى معايا فيه

    وكلامك كلوا مظبوط انا بتكلم عن الاشياء اللى كل انسان بيخبيها عن الناس وفيه بيخبيها عن نفسه كمان

    اصل حبيت اكون اكثر صدق وصفاء فى المدونة كفايه اللى عملته الدنيا فينا

    بجد كويبس انى لقيت حد فهمنى قليلين اللى فهموا كلامى وعجبهم بالذات المواضيع اللى زى دى

    واللى قبل دى

    كنت اتمنا تعلقى عليها بس تتعوض

    اتمنا تفهمينى دايمن واللى يكون مش واضح اوضحولك بحب المناقشة اوى

    وشكرا مرة تانى على كلامك اللى اسعدنى يا سمية وفرحنى

    هخش عندك ودايمن هنكون فى تواصل

    وتشوفى المدونة التانيه برضوا

    نورتينى

    سلام

    ردحذف
  11. بص اني احب حبيب صحبتي يبقي الغلط عندي انا ولو هو حبني يبقي مكنش اصلا بيحب صحبتي
    ولو انا رضيت اني اخون صحبتي وحبيته وهو خان مراته وحبني يبقي ممكن في يوم من الايام يحب غيري ده بالنسبه للحب

    اما الصداقه فا انا دوقت قبل كدا طعم الخيانه ومحبش ان صديقتي تحس الاحساس ده لانه بجد احساس مررررررررر جدا ده راي متقعبل شويه


    صح؟؟؟؟

    ردحذف
  12. رغم الجروح هاجره الارض ساكنه السفوح




    لعل السماء تدوى جرح القلب المجروح






    اميره تشتاق بصمتها ولقلمها وحده تبوح

    اميره بلا عرش ولا اماره






    اميره تركت لوحدتها محتاره






    اختارت البعد لتفوز بنفسها






    الى ان يرحمها ربها ويعجل بأمرها




    اميره لا تعرف الغرور






    ولكنها ادركت معنى الفتور






    وجاءت

    ردحذف
  13. عزيزتى
    مدينة الملائكة

    شوفى هو الحب باردتنا ولا بيجى غصب عنا حتى لو غلط انها حبيبت حبيب صحبتها بس ده شئ غصب عنها

    واكيد لو حب صحبت حبيبته يبقا مكنش بيحبها حب بجد وعلشان كده مشاعره اتغيرت

    وطبعا هو ممكن يحب غيرك مش راجل

    اه احساس مر خيانة الصديق بس هتعملى ايه لازم نعيش الدنيا ونحذر من كل الناس فيها لان التجربه اثبتت ان الضربه اللى بتوجع بتيجى من القريب

    رائيك كويس بس مش واخده بالك ان اى انسان من حقه يحب اى انسان تانى ومش معقول يموت مشاعره علشان شخص بدل كمان المشاعر متبادله

    نورتينى

    سلام

    ردحذف
  14. عزيزتى
    غير معروف

    مع ان التعليق ملهوش دعوى بالموضوع

    بس هو جميل اوى ومليان حاجات حلوة

    وانا هرد واقول

    ما الارض مليانه جروح لكل الناس تفتكرى لو الناس سابت الارض مين هيعيش فيها

    ربنا يجعل للاميرة شاطر ولا فارس تبوحله بكل ما بها

    حضن دافى يضمها

    البعد مش هيريحها تدور على الفارس احسن

    ورحمة ربنا دايمن معاها اكيد

    وانسانه بالاحساس ده عمره ما يكون مغرور

    تحياتى لصاحبت هذا القلم الجميل

    نورتينى بجد

    اسمك ايه

    سلااااااااااااام

    ردحذف
  15. احساس على فكره انت ليك تاج اسئله عندي
    اتمنى انك تقبله مني
    تقبل مروري

    ردحذف
  16. سيدنا محمد حسم الامر في حديثه عن الحمو الموت بالنسبة للرجل

    ونفس الشيء ينطبق على الزوجة وصديقتها


    تحياتي

    ردحذف
  17. احساس لسه حى
    ...................
    الموضوع فعلا جرىء ومنطقى
    وانا رايى
    لو انا بحب صديقتى دى بجد
    عمرى ما هفكر احب زوجها ولا ييجى فى خيالى فى يوم من الايام
    ولو ده حصل غصب عنى ودا وارد فعلا
    فانا عندى ارادة وقلبى فى ايدى
    اقدر اتحكم فيه بسهولة جدا
    .....................
    دا لو واحده عادية جدا
    ومفيش بينا اى صلة
    انا هرفض ابنى بيتى على ركام بيتها
    فما بالك لو كانت صحبتى
    فى نظرى الموضوع صعب حدا
    ان لم يكن مستحيل...
    واعتقد لو ست قبلت ده على نفسها
    فهى هتشوف صديقتها فى كل لحظة بتقضيها معاه.......
    يعنى برضوا مش هتكون سعيده
    ولو ما حستش بكدا يبقى ما كانتش بتحب صاحبتها اصلا
    وعادى جدا اللى عملته ده
    وصاحبتها مش لازم تندم

    لا عليه ولا عليها

    لانهم اساسا ما يستهلوش انها تفكر فيهم

    وبالتالى

    الحياة مش هتقف

    وكما تدين تدان


    بس..................

    وتحياتى ليك

    ردحذف
  18. السلام عليكم
    الموضوع جميل جداااااااااا
    وانا طبعا بختلف معاك فيه
    علشن دي انانيه اذاي واحدة تكون بتحب واحدة صاحبتها وتخونها
    واذاي اصلا تسمح لنفسها انه تحب جوزها

    بجد دة حرام وغلط يعني الدنيا كلها انفضت مفيش غير جوز صاحبتها
    واذاي كمان هتقدر تحبه وصاحبتها هتعمل ايه الغلبانه الي وثقت فيها
    والله حرام

    تحياتي للبوست الرائع والمثير للجدل

    ردحذف
  19. ربما قد لا أكون في موقع الهجوم ولا الدفاع ولكن في موقع الضحية فقد خطبت فتاتا لأخلاقها، لأسباب رفضت وتزوجت من آخر وهو حقها ومبارك لها من كل قلبي، تمر الأيام وأحببت أختها حبا أفقدني الحرية التامة، لكن خطبتي لأختها جعلها ترفضني مع أن علاقتي بها مستمرة كحبيبة بالنسبة لي، وصديق بالنسبة لها،كيف السبيل إلى وصالها دلوني من فضلكم

    ردحذف
  20. هو انا لو مكان هدي هبعد عنه لانه جوز اكتر حد قريب منى عشان زى ماقولت الراجل ممكن يحب مرة واتنين وتلاتة وده يخليني افكر مليون مرة انه ممكن يحب عليا اللى خلاه يحبنى وهو عارف انى صديقة مراتة مش هيحب حد غيري بعد كده وكمان سو سورى الراجل مالوش امان

    ردحذف
  21. موقف ممكن يحصل وبيحصل بس ايه السبب ؟ هو ده السؤال هل طفاسه من الرجل ام تقصير من الزوجه في حقوق زوجها ما دعاه لكي يفكر باخري , الحل في الدين مش ممكن يحصل مثل هذا الحب لوكانت الزوجه تلقي صديقتها في غير حضور زوجها ودي من نتائج الأختلاط بين الرجال والنساء في الجلسات وفي العمل , ولوكانت الزوجه لا تكثر الحديث عن صديقتها امام زوجها , لا بد من مراعاة هذه الأمور حتي لا يحدث مثل هذا الموقف , ودي اول زياره لي بس ان شاء الله مش الخيره وأسعدني بزيارتك لمدونتي , تقبل تحياتي

    ردحذف
  22. عزيزتى
    الدمعة

    وعليكم السلام

    شوفى الحب فيه طرفين الصديقة والزوج

    ومفيش فى الحب ازاى لان الحب بيجى من غير سبب هو طبعا لو هى بقه اللى حولت وخططت علشان يحبها يبقا وضح تانى لاكن لو الحب دخل قلوبهم لوحده من غير محاولة من اى طرف منهم

    تفتكرى ايه الحل

    وموضوع صحبتها وحرام اظن الافضل لصحبتها انها تسيب الرجل ده لان لو محبش صحبتها كان ممكن حب اى امراه غيرها

    لانه عاوز غيرها وعلشان كده حب غيرها

    واللى يحب على زوجته اكيد يبقا عنده استعداد انه يحب عليها ومش السبب صحبتها

    تحياتى يا قمر

    سلااااام

    ردحذف
  23. عزيزى
    غير معروض

    متزعلش من هجومى عليك

    انت ليه خطبت اختها

    اكيد للتقرب منها واظن ده مش عدل تظلم واحد علشان عاوز تقرب من واحده تانية

    وكل اللى همك وصالها واللى خطبتها بقه مش همك اى شئ عنها ولا همك جرحها ولا وجعها

    ازاى بتقولها بحبك وانت بتحب اختها

    هى رفضتك لانك خلااص مينفعش تكون حبيب ليها حتى لو من نحيتك بس

    وانت خليك راجل واترك خطبتك وحاول تبعد وتنسا حبيبتك لانها فى عصمة راجل تانى ملهوش ذنب وهى لو كانت بتحبك كانت اتمسكت بيك رغم اى ظروف

    تحياتى

    سلام

    ردحذف
  24. عزيزتى
    القط روان ــة

    شوفى صعب المراة تبعد عن حبيب بتحبة بجد بسهولة كده بالذات لو هو بيحبها

    واى ست عارفة ان الرجل بيحب مرة واتنين بس بتظن انها الحب الاخير فى قلبه واقوى حب والرجل برضوا بيحس بكدة

    بس الاحساس بيتغير دايمن وقليلون من لا يتغير احساسهم وقوة حبهم للمراه

    واه الرجالة ملهومش امان

    بس الستات ممكن تقدر تخلى الراجل ما يبصش لاى واحد بالذات لو الجواز عن حب بس بشوية حنان وحب زيادة

    و
    دايمن الرجل بيحب يكون كل شئ فى حياة المراه والاهمال بيخلية يدور على الاحساس ده عند واحدة تانى

    تحياتى يا قطة

    نورتينى

    سلااام

    ردحذف
  25. عزيزى
    ahmed_k_73

    اه موقف بيحصل كتير وساعات مش بيكون صديقة الزوجة يعنى

    والتقصير من الاتنين دايمن

    يا زوج يرى امراه تشغله وتكون الزوجة لا تقصر فى شئ

    يا زوجة تقصر فى بعض واجبتها نحيت الزوج ووجود امراه اخرى ينمى الشعور ده

    وشوف اكيد لازم يكون فى حد للاختلااط بس اكيد حتى لو مفيش اختلاط هيحصل شئ زى ده ممكن بنسبة اقل بس هيحصل

    على العموم انا فى زمانا وبنتكلم عنه وزمانا فيه اختلاط فى البيت والعمل ولشارع وكل حته

    شكرا على مرورك

    وهزورك اكيد

    سلام

    ردحذف
  26. هتكلم بصراحة ممكن ؟
    انا حاسة ان تفكيرك ممكن يكون فية شوية شك زيادة عن اللزوم انا عارفة ان الموضوع دة موجود وشائع
    بس انا حاسة ان حضرتك شخص غير عادى ومعرفش لية ؟
    دة مجرد احساس
    بجد معجبة بمدونتك جدااااااااااااااااااااااااااااااااااااااااااااااااااااااااا
    ربنا معاك ولازم اتابعها

    ردحذف
  27. عزيزتى
    نونو

    يا حبيبتى شك ايه بس انا بعرض حاجات بتحصل بمنتهى الصراحة والوضوح

    ومش لازم مريت بيها فى حياتى ممكن من حياة الاخرين

    وانتى اهو بتقولى

    موجود وشائع

    غير عادى ازاى بقه

    ممكن غير عادى ورايح على وحش اوى

    وممكن غير عادى ورايح على حلو شوية

    ايهما يا نونو

    على العموم انا برضوا حاسس بكدة غير عادى بس مش مميز

    نقول احساسك صح

    يا رب دايمن تعجبى باللى بكتبه وبطرحه

    ربنا يخليكى ودايمن فى تواصل

    سلام

    ردحذف
  28. عزيزتى
    سارة البحر

    يا قمر انا المفروض اديكى الف تاج على ذوقك ورقة احساسك

    لاكن للاسف مليش فى التيجان

    مرورك بيشرفنى

    تحياتى

    سلام

    ردحذف
  29. عزيزتى
    عارفة....مش عارف ليه

    بصراحة مفهتمش قصدك بحديث رسول الله وتداخله مع الزوجة وصديقتها

    ممكن توضحيلى قصدك بالضبط وتشرحى

    معلش مش فاهم بجد

    اتمنا تكررى الزيارة

    تحياتى

    سلام

    ردحذف
  30. عزيزتى
    fire bird

    شوفى معاكى حق ان ممكن تحبيه غصب عنك بس مفتكرش هتقدرى تتحكمى فى قلبك ومشاعرك بالذات لو الزوج صادق فى حبه

    مش هتعرفى تقومى حبه

    شوفى مش فرسية منك تبعدى عنه لو بينكم الحب صادق

    هو اكيد مش هيسعدها وقلبه مشغول بيكى

    وربنا جعل الطلااق علشان حالات كتير واظن منهم ان الانسان ما يعش مع انسان وقلبه مع انسان تانى

    ويمكن انتى بتقولى كده لانك مجربتيش الاحساس ده

    ونظرة ليه من ناحية عملية وضميرك بيتكلم دلوقتى

    بس ساعة ما القلب بيدقوالحب يتغلغل فى كيانه احساسك ده هيتغير وهتعرفى تبررى قبولك بحب الانسان ده والارتباط بية

    اه معاكى لو ضميرها زيك صاحى هتتعذب دايمن الى ان تعرف ان صديقتها عايشه سعيدة

    وموضوع ان احب صديقتى شئ وانى احب انسان واعشقه

    الفارق كبير اوى

    والاحساس بيه والتضحية علشان اكبر

    وانتى قولتى الخلاصة

    مش لازم تندم عليه ولا عليها

    لانها لازم تالاقى اللى يحبها بجد ويعيشها لحظات حب صادقه فى كل ثانية

    والحياة مش هتقف على راجل ولا امراه صديقه

    بدل هما اللى اختاروا وقررا

    واكيد الوضوح فى المشاعر مهمه لكل علاقة

    بجد نورتينى برائيك

    واتمنا دايمن تزورينى

    تحياتى ومودتى

    سلااام

    ردحذف
  31. لو جنبنا البعد الأخلاقى فى الموضوع لإنه مفروغ منه إن اللى بيبقى جواه ولو لمحة وفاء ناحية الناس القريبيبن منه مستحيل يخونهم ولو عن طريق المشاعر و التفكير و برضه لو جنبنا البعد الدينى للموضوع لإنه برضه مفروغ منه
    لو حصل الإحتمال الواحد فى المليون و كنت فى الموقف ده صدقنى هختار صاحبتى ساعتها مفيش أى إحتمال تانى حتى لو كان الشخص ده هو فارس أحلامى و تجسد فى الواقع ( بس أكيد ده فى حالة إنها صاحبتى فعلا )

    ردحذف
  32. اولا اسفة انى هرد على الموضوع بعديها بسنة
    بس انا دخلت مدونتك بالصدفة وقريت الموضوع دة وعجبنى وقلت يلا لازم اشارك براى اشمعنا انا مش اقول راى



    والله معاك حق فى اللى قولتة



    انا حصلت قصاد عينى حكاية زى حكاية فليم الحب الضائع وفليم دانيلا

    بس لو بصيت كدة شوية فى الموضوع هتلاقى ان سبب المشكلة الراجل
    ايون هوة الراجل هوة اللى عيونة زايغة هوة اية اللى يخلية يبص لصحبة مراتة
    هية لو الست كانت بتشاغلة ولقتة صدها كانت ماتبقاش فى مشكلة
    بس حضرتة ماصدق ابو عيون زايغة الحقير دة انو ينسى مراتة حبيبتة ويبص لوحدة تانية خالص

    احيانا بحس انو الرجالة عندهم كذا قلب بيحبوا وبينسوا بسرعة
    صحيح ممكن يبجرحوا بس بينسوا بسرعة اوى
    مش زى الستات لما بتحب راجل بتعتبرة كل حياتها زى ماانتة قلت

    يلا هنعمل اية هية دى الدنيا

    على فكرة مدونتك حلوة اوى عجبتنى
    وان شاء الله مش هتكون اخر زيارة ليها

    مع تحياتى ويلا
    www.wella1.jeeran.com

    ردحذف
  33. بصراحة ومن غير اي رتوش في ردي
    انا مع اللي قولته كله.. ده حقيقي
    الست تببيع الدنيا لو لاقت اللي بيحبها وبتحبه بجد
    مش بس تبيع صديقة.. لان في الغالب صداقة الستات
    بتتأثر بحاجات كتير.. مش عارفة انا صح ولا غلطت
    بس يمكن لاني ماوصلتش في علاقتي بصاحبة لدرجة الصداقة
    واننا ننصهر في حياة بعض
    ويمكن برضو لاني ما اتحطتش في الموقف ده بفرد بدم بارد انا هابيع صدقتي
    مش عارفة بقى

    ردحذف
  34. بوص يااامــــعــــلــــم
    انا اسمي هدوووو وصااحبيتي اسمها لوووله وهي دلؤتي موقبله على القواااز ربينا يوفئها وانا واللهي يامعلم بئولهانفس كلامك بالزبط الي هو
    ماتتكلمشي عند ركونه كتير عن الستاات سواء انا او حد تاني غيري لان الرقاله بسمع انا عنهم كتييير انو مالهمش امان وانا صاحبيتي دي بحبهاا اوي ومش عوزه قوزها يزعلها فحاقه اللي هو ركوونها حتى لو حبيني انا (ربينا لا يئول) مش حديه ويش لان صاحبيتي سعادتها وفرحها اهم من اني اتقوز ركونها ,,,

    على فكره ياامعلم ركونها دي معنتها راكان الي هو حيكون قوز ((صاحبيتي الانتيمو))<<مش عرفه معناها بس بسمعها في افلامكو ياناااس ياقدعه انتو

    ردحذف

جربت اطير بجناحى مطيرنيش


قولت اقصه قلبى مطوعنيش



فضلت عايش يا خسارة بجناح ميت



والقلب حى نفسه مره يطير ويعيش

يا......... عالم

;

مدوناتى واللى فيها أتفضلوا (حسام)