الثلاثاء، 27 نوفمبر، 2007

يا ايها النساء ارحموا النساء(البدايه)1


البوست اللى فات للاسف انا تعبت فيه واهتميت بيه

بس للاسف التعليقات مكنتش بنفس الاهتمام

والاهميه للموضوع فكانت التعليقات غير المتوقع

وليه رجعه تانى للموضوع قريبا ان شاء الله




النساء ماذا تريد ما الذى يسعدها ما أهمية الرجل

فى حياتها ودنيتها وماذا تعرف عن نظرة

الرجل لها وأهميتها فى حياته وسعادته


نرجع للبداية او ما ابتدا الكون

ونعرف اد ايه المرأه

ممكن تخلى الرجل يعمل ايه علشانها

قابيل وهابيل

اول جريمه فى التاريخ علشان


امرأه ونفتكر ليه قابيل

قتل اخوه هابيل علشان رغبته



فى امرأه ولماذا لم يقبل

بـأخت هابيل وتمسك بأخته ليه تفتكروووا ليه



هل لانها الاذكى هل انها اكثر نشاطا هل لانها

شهادتها اعلى ومتعلمه كل ده


لا طبعا السبب الوحيد

ومفيش غيره واوعى حد يعترض

انها الاجمل وطمع فيها قابيل علشان جمالها

( من يومه الرجل عيونه زايغه)

طيب المرأه كان دورها ايه يعنى رائيها كان بيبنا

على ايه مكنش يهمها تتجوز قابيل او هابيل كانت

بس تهتم باللى يحميها ويحافظ عليها واللى بأكلها


ويلبسها ويحميها طبعا يبقا من

البداية(ده كان همها بس تقريبا)وكمان


الرجل حب فى المراه جمالها والمراه حبيت

فى الرجل حمايته ليها طيب مع مرور

الزمن والحضارات تلف عليها كده

الحضاره الهنديه

كانت تحتقر المرأه وتعتبرها سلعة ملك الاب

وبعد كده الزوج كالعبده وكما تحرق حيه عند موته

وحتى لما محرقوهاش كانت السيطره يا اما

من اب يا من زوج يا من اخ يا عم يعنى هى

مخلوقه بس للرجل والخضوع ليه

اما المراه الصينيه

حالها مش افضل وحتى

وقت قريب كانت تلبس أحذيه

من الحديد علشان تعطل

نموها وكانت يا تكون فتاه

ذليله وبائسه ولا يتحسن حالها الا اذا انجبت

ولدا ولو مات زوجها لا يحق لها الزواج


اما الحضاره الفارسيه

تعتبر المراه مساعدة الشيطان


ومجرد اله للانجاب

ومن كلام الاله بتاعهم (انتى مساعدة لى

لأنك أنت التى


تنجبين الأطفال لو وجدت وعاء



اخر استطيع ان أصنع

منه الرجال لما خلقتك أبدا) أظن


كفايه الكلمتين دول

حتى الحضاره المصريه

التى كانت المرأه ترث

وتحكم فيه فكان الموت

لمجرد الشبهه فى طهارتها لاكن

للاسف الرجل كان يضاجع

النساء ويتزوج اخواته

وده طبعا طمعا فى ميراثها



وكان يتزوج بالعديد من النساء

ويتثرى بالعديد منهن

والحضاره اليونانيه

حضارة العقل والفلسفه ودى بعض


مقولات فلاسفتها


سقراط الحكيم( أن وجود المرأه

هو أكبر مصدر

للأنهيار فى العالم وان المرأه


تشبه شجره مسمومه

ظاهرها جميل ولما تأكل

منها العصافير تموت حالا)

وأرسطوا برضوا مسكتش


وقال(ان الطبيعه لم تزود

المرأه بأى استعداد عقلى

لذلك يجب أن تقتصر

مهمتها على شئون التدبير

المنزلى وألامومه )

وزدها بقه لما قال تلاته ليس

لهم الحق التصرف بانفسهم

العبد ليس له اراده

الطفل له اراده وهى ناقصه

المراه لها اراده وهى عاجزه

وطبعا ده ادى الى انهيار


المراه اخلاقيا فكثر البغايا

وعدد الابناء الغير شرعيين


وكانت النساء يا زوجه شرعيه

يا نصف شرعيه الرفيقه يعنى

يا مومس وده ثلث النساء طبعا

بصراحه كان وضح النساء مهين جداا

نشوف الحضاره الرومانيه

كان الرجل الحق فى بيعها


وكمان حتى قتلها وبمجرد

ان يبعها الاب تتجرد

من ديانتها ونسبها لاهلها

وفى مال اسرتها ولو اب

حب يدى بنته اى مال يؤوال

لزوجها حق التصرف فيه

ومكنش من حقها الطلاق

وان تعترض على اى تصرف

منه امام المحاكم وكان

من حق وليها عدم تزوجها


يعنى كان حالها

مش افضل من اللى قبلها من الحضارات


نشوف العرب بقه فى الجاهليه

كانت المراه فيه شأنها شأن كل الحضارات

تفضيل البنين على البنات

لانه الرجل كان مصدر


قوة ودفاع عن القبيله

وصل الحال الى وأد البنات


خوف من العار والسبى


لاكن رغم القسوه دى

فقد استطاعت بعض النساء فى الاوساط

الثرية ان تعلى من شأنها ووصل الامر

الى انتساب بعض الرجال الى امهاتهم

او كنايه ببناتهم لاكن

جملة الامر كان الغالبيه

يعتبرون البنت اقل مكانه من الرجل

طبعا الحضارات دى بعيده

عن الديانات السماويه

اما فى وجود الديانات لسماويه

تحسن حالها بعض الشئ

وانا هتكلم بنظرتى وما قراته عن حالها

فى اليهودية

كان المساواه تقريبا واحده

فى حكم الزنا فقط لاكنها اختلفت

فى الميراث طبعا فلا ثورث

من الاب مادام عنده

اولاد ذكور وكانت لعنه من


اللعنات فهى التى أغوت ادم

فاكل من الشجره المحرمه واصبحت


رجس من عمل الشيطان

وسمحوا للرجل أن يطلق زوجته متى شاء


وتصبح نجسه بعد الطلاق

وظلت طيلت ايام طمثها نجسه


كل فراش تجلس عليه نجس ومن يمسها نجس

يغسل ثيابه ويستحم والتلمود يقول (خير للرجل

ان يمشى وراء اسد ان يمشى وراء امراه)

وكل ده موجود تفاصيله فى كتبهم

وجائت المسيحيه

فتحسن حال المرأه ولاكن

مسأله البعد عن المرأه

ظل موجودا فرسالة لبولس


يقول فيها(حسن للرجل


أن لا يمس امرأه ولاكن لتفادى الزنا لكل


رجل امرأته ولكل امرأه رجلها) وكثير من المقولات

التى تدعوا للبعد عن الزواج والنساء والتخويف
منها كقوله(لكنى اخاف عليكم



كما خدعت الحيه حواء

بمكرها هكذا تفسد أذهانكم عن البساطه

التى في السيد المسيح)وتحملت


المرأه وزر الخطيئه الاولى

وانها اخرجت ادم من الجنه

وكان قرار المجمع الاول

اللى انعقد فى روميه

سنه582(ان المراه كائن لا نفس له

وانها لهذا السبب لن ترث


الفردوس وانها رجس

من عمل الشيطان فليس لها


ان تتكلم ولا ان تضحك

بل غايه امرها ان تقضى


اوقاتها فى خدمة الرجل

سيدها او فى عبادة ربها) وفضل


حال المراه من سئ الى اسوأ

والقانون الانجليزى كان يبيح

للرجل ان يبيع زوجته

والغى هذا القانون سنه1805


حتى الثوره الفرنسيه

لم تنصفها وكان قاتونا ليس

اهل للتعاقد دون رضا

وليها وتعتبر من القاصرين


الصبى والمراه والمجنون

حتى عام1938عدل هذا

القانون وكان اسباب التعنت

ده انها سبب الخطيئه الاولى

أما فى الميراث فالرجل

الحق فى الميراث لانه عصب

العائله لم يكن للبنت

حصه فيه وللزوج الحق

فى ادارة اموال زوجته

ولا يحق لها ان تنفقها الا باذن من زوجها

حتى دلوقتى المراه اسمها بيتنقل من ابوها

لزوجها من هيلارى كلينتون ولورا بوش

وطبعا احنا عندنا التقليد الاعمى وبقه فى

جيهان السادات وسوزان مبارك

اما عن الاسلام ومكانه المرأه فيه محتاج

كلام كتير فيه وشرح طويل

وهعمله بوست لوحده

بس هنا اللى عاوز اقوله

من الاخر ان دى نبذه

عن حال المراه والفرق

بين حالها فى كل الحضارات

وحالها دلوقتى المراه كان طالع عينها

وفى قهر وذل سواء فى الحضارات الانسانيه

كلها او تعنت رجال الدين فى الديانات

واليوميين دول الحال اتغير

والنساء كل يوم حريتهم

بتزيد وواخدين حقوقهم تالت

ومتلت وزى الفل تفتكرا

جميع النساء راضييين

وشاكريين ولا برضوا شايفين

ان حقهم مهضوم وضايع وعاوزين


ايه اكتر من كده علشان

يقولوا احنا والرجاله فى مساواه

ومحدش احسن من التانى


طيب تفتكروا ايه المهم والاكثر

اهميه للمرأه زوج ولا عمل ولامساواه

ومازال للكلام من بقيه وهنشوف

الستات بتعمل ايه فى الستات

المصادر

تاريخ القرطبى

حواء والخطيئه

هناك 54 تعليقًا:

  1. ,Msa'a il'7eer ya ostath 7osam

    belnisbah leya il3amal beybqa awal 7aga 3aref leh?

    leane fe zamana dah ilwa7da mi7taga te2men nafsaha w 7ta kiteer min ilreggalah ilyomen dol baqom yedawwaro 3la el set ele ya beteshta'3al ya 3andaha she2 w shwayat,

    thane 7aga ilzog bilzat lel setat ele bedawaro '3aleban 3la el7emaya w elaman zy ma thakart 7adretak,

    thalet 7aga ma3taqedsh ene ilset lazem tedawwar 3la ilmosawah,
    le2n law tama33ana fe dena il eslame 7anlaqe ennoh eda el set 7aqqaha bs elmoshkila betege fe elbashar ele betnafeth ela7oqoq de btlaqe kiteer 7agat bitthee3 le2an kol wa7ed 3awz yefassar bemazagoh w momken tthee3 7oqoq keteera lil set besabab dah.

    Kilma a’7eera post mobde3 kama 3awwadtena

    enshala makonsh 6awwelt

    ردحذف
  2. Msa'a il'7eer ya ostath 7osam

    belnisbah leya il3amal beybqa awal 7aga 3aref leh?

    leane fe zamana dah ilwa7da mi7taga te2men nafsaha w 7ta kiteer min ilreggalah ilyomen dol baqom yedawwaro 3la el set ele ya beteshta'3al ya 3andaha she2 w shwayat,

    thane 7aga ilzog bilzat lel setat ele bedawaro '3aleban 3la el7emaya w elaman zy ma thakart 7adretak,

    thalet 7aga ma3taqedsh ene ilset lazem tedawwar 3la ilmosawah,
    le2n law tama33ana fe dena il eslame 7anlaqe ennoh eda el set 7aqqaha bs elmoshkila betege fe elbashar ele betnafeth ela7oqoq de btlaqe kiteer 7agat bitthee3 le2an kol wa7ed 3awz yefassar bemazagoh w momken tthee3 7oqoq keteera lil set besabab dah.

    Kilma a’7eera post mobde3 kama 3awwadtena

    enshala makonsh 6awwelt

    ردحذف
  3. البوست ده هادف جدا وعرفنى حاجات مكنتش أعرفها عن أوضاع المرأه فى الحضارات المختلفه

    والاهم جعلنى أكثر فخرا بأنتمائى للأسلام

    ردحذف
  4. جميل انك طرحت الموضوع ده
    واثناء قرايتى ليه
    كنت عماله اقول يارب فى الآخر
    يتكلم عن المرأة فى الإسلام
    والحمد لله قلت انك هتكتب فيه

    المرأة انسان قبل كل شئ
    واذا كان احتياجها زوج
    أو عمل او مساواه
    او اى شئ
    ف ده بيختلف من شخص لآخر

    زى اختلاف الرجال فى الاحتياجات بردو
    مهو اكيد مش كل الرجال محتاجين حاجة واحدة

    **

    وموضوع بجد جميل
    مستنيه الأجزاء التانية

    سلام

    ردحذف
  5. عزيزتى الغاليه
    سلمى
    بجد كلامك ده ادانى بعد تانى عن شخصيتك بعد اعمق واكبر بكتير على ما كنت اظن
    انا معاكى ان رجاله كتير اليوميين دول عاوز ست بتشتغل تساعده على المعيشه او يكون مستواها عالى شويه عنه وده طبعا لو السبب الوحيد اللى يخلينى ارتبط بواحده يبقا شئ وحش لان المفروض ده سبب اخير مش اول بس دنيا اتغيرت ومعاكى برضوا ان اى ست المفروض يكون فى شئ يامن على حياتها المستقبليه علشان الرجل ما يفكرش انها محتجاه ومش ممكن تسيبه ابدا مهما عمل
    حتى لو كانت بتحبه الشغل امان ليها الا لو مش محتاجه ماديا
    واه اهم صفه للفرجل مهمه للمراه هى حمايتها من اشياء كتير وامان ليها
    وكلامك كله صح مش مساله مساواه اللى بتدور عليها بس لا الدين اد حقوق للمراه كتير وهجبلك مثل الابناء البنت بتاخد نصف الولد ممكن حد يقول اهو مفيش مساواه بس بالعكس الدين عمل كده علشان الاهل يدوا للبنت وميحولوش ينكروا الشئ ده لاكن للاسف تلاقى معظم العائلات تدى الولد اكتر من ميراثه باضعاف لانه يحمل اسم الاسرة يعنى حتى النصف مش راضين الناس بيه
    عارفه المراه حقوقها مفس حقوق الرجل ولو هو اخد شئ زياده مقبول يعمله هى بتاخد شئ قصاده واجب تعمله
    اوقات الحقوق بتضيع بسبب البشر صحيح بس اكيد فى زمانا ده حقوق كتير كانت بتضيع مبقتش تضيع خلاص
    اكيد التفسير لازم يكون باساس صحيح ومش لازم نتمسك بحاجات ونسيب حاجات
    وكل شئ باليسر افضل
    شكرا على تعليقك الجامد
    سلام

    ردحذف
  6. معلش يا سمسمه انت مش هتكونى اجدع منى وادى التعليق تانى مساواه بقه
    عزيزتى الغاليه
    سلمى
    بجد كلامك ده ادانى بعد تانى عن شخصيتك بعد اعمق واكبر بكتير على ما كنت اظن
    انا معاكى ان رجاله كتير اليوميين دول عاوز ست بتشتغل تساعده على المعيشه او يكون مستواها عالى شويه عنه وده طبعا لو السبب الوحيد اللى يخلينى ارتبط بواحده يبقا شئ وحش لان المفروض ده سبب اخير مش اول بس دنيا اتغيرت ومعاكى برضوا ان اى ست المفروض يكون فى شئ يامن على حياتها المستقبليه علشان الرجل ما يفكرش انها محتجاه ومش ممكن تسيبه ابدا مهما عمل
    حتى لو كانت بتحبه الشغل امان ليها الا لو مش محتاجه ماديا
    واه اهم صفه للفرجل مهمه للمراه هى حمايتها من اشياء كتير وامان ليها
    وكلامك كله صح مش مساله مساواه اللى بتدور عليها بس لا الدين اد حقوق للمراه كتير وهجبلك مثل الابناء البنت بتاخد نصف الولد ممكن حد يقول اهو مفيش مساواه بس بالعكس الدين عمل كده علشان الاهل يدوا للبنت وميحولوش ينكروا الشئ ده لاكن للاسف تلاقى معظم العائلات تدى الولد اكتر من ميراثه باضعاف لانه يحمل اسم الاسرة يعنى حتى النصف مش راضين الناس بيه
    عارفه المراه حقوقها مفس حقوق الرجل ولو هو اخد شئ زياده مقبول يعمله هى بتاخد شئ قصاده واجب تعمله
    اوقات الحقوق بتضيع بسبب البشر صحيح بس اكيد فى زمانا ده حقوق كتير كانت بتضيع مبقتش تضيع خلاص
    اكيد التفسير لازم يكون باساس صحيح ومش لازم نتمسك بحاجات ونسيب حاجات
    وكل شئ باليسر افضل
    شكرا على تعليقك الجامد
    سلام

    ردحذف
  7. عزيزتى
    فى القلب
    شوفى انا حاولت اختصر الحضارات واللى جواها لانى جواها اكتر من كده بكتير
    انا اللى عاوز اوصله الزمن اللى فات كله كانت النساء اقل حريه من دلوقتى كانوا فى سعاده ولا لا طيب ودلوقتى بالحريه دى سعداء ولا لا طيين مكتفين بكده ولا حاسيين انهم فى ذل ومهانه ده السؤال ولسه هكتب بوست هقول فيه المراه فى الاسلام وحقوقها قريب
    شكرا يا قمر على وجودك ورائيك
    سلااام

    ردحذف
  8. عزيزتى
    princess dodo
    انا مكتبتش عن الاسلام علشان ميحسش حد
    ان فيه تحيز نحيته بكلامى وقولت اتكلم تاريخيا بس واسيب المراه فى الاسلام وقت تانى شوفى انا اختلف معاكى اكيد الناس بتختلف احتياجات عن بعض بس كل جنس بيشترك فى احياجاته وبيكون عنده اولويات اكيد ودايمن بتكلم عن الاغلبيه فى الاحياجات يعنى مثل الاكثر حاجه للعمل الرجل ولا الست ردى انتى اكيد الرد واضح فى كل حته واى مكان واى حضاره هتقولى فى رجاله مش محتاجه الشغل وستات محتاجاه بس انا بقول الاكثر احتياج عموما مش بحالات منفرده
    الموضوع شغلنى جدا لان احب النساء جميعن
    متفكريش شئ وحش زى اخواتى طبعا
    والجى مهم جدا المهم رائيكم
    ايه الكرم ده تعلقيين ورا بعض بعد غيبه طويله على من 11اكتوبر وانا يا اما مش على بالك يايكون اللى كتبته معجبكيش وساعات اتمنا تخشى تنتقدينى وترديلى انتقداتى شويه
    نورتينى يا افندم
    سلام

    ردحذف
  9. السلام عليكم ورحمة الله وبركاته
    موضوع هادف جدا جدا جدا
    حياك الله
    لكنى أرى له تكمله
    وهو بعد هذا الاستعراض عن الاستخفاف بقيمة المرأه فى العصور السابقه
    بقى لنا أن نوضح ما قدمه الاسلام لها
    منتظرين ذلك البوست
    وجزاك الله أفضل جزاء
    والسلام عليكم ورحمة الله وبركاته

    ردحذف
  10. استاذ حسام ... البوست بتاعك جميل جدا وهادف جدا .. ده بيفكرني بموضوع كتبتو ف بوست ليا بعنوان المرأة ايضا

    http://ersembelrosass.blogspot.com/2007/10/blog-post_4859.html

    تعرف عنوان البوست بتاعك ملفت جدا .. هو فعلا الظلم اللي واقع على المرأة ان كان هناك ظلم واقع فإنما هو من المرأة ذاتها ...

    تركت العزة والمنحة التي حاباها بها الاسلام وذهبت تبحث عن تقليد اعمي لحضارات الغرب والتي تعد فيها المرأة كائن مهدور الحقوق والكرامة فقط لو امعننا النظر والتفكير بعض الشيء ..

    تحياتي ليك استاذ حسام بوست موفق جدا ..

    جزاك الله كل خير

    ردحذف
  11. موضوع جميل فى الاسلوب والفكرة
    طبعا الاضطهاد ضد المرأة موجود من زمان اوى لكن الحمد لله فى الاسلام خدت المرأة حقوق اكتر
    بس انا كنت عايزة اقلوك حرام لما تحصر سعادة المرأة فى اختيارات صعبة اوى
    فى الاستفتاء بتقول سعادة المرأة فى الزواج والاولاد او الدراسة والعمل او او
    كلهم مطلوبين طبعا وبيحققوا السعادة
    مانا لو ست فاشلة فى دراستة اكيد هبقى فاشلة فى بيتى وانا بتكلم على بنات اليومين دول مش على ستات زمان لان كل واحدة لازم تكون متكافئة مع زوجها فى التفكير والعقل
    ميبقاش هوا دكتور وهيا دبلوم!!!
    وبعدين انا عندى الشغل والدراسة افضل مليون مرة من زواج فاشل
    كل واحدة نفسها تفرح ويبقى ليها بيتها لكن الظروف الموجودة الى خلت تفكير الشباب مش مفهوم كمان الظروف المادية ده كله اجل فكرة الزواج عند البنات
    وعلى فكرة انا بتكلم على جميع البنات حلوة او مش جميلة اوى
    سلام

    ردحذف
  12. ايه الكلام الجميل ده يااسستاذ حسااام بجد كلام رائع وفعلا كلام تاريخي مفيد انا عن نفسي مكنتش اعرفه ولا كان ليا نفس اعرفه بس الاسلوب المختصر اللي انته اتكلمت بيه فعلا شدني

    تحياتي ليك

    ردحذف
  13. ازيك يا صديقى العزيز عامل ؟
    الموضوع مهم و كويس انك فتحته بجد، ببساطة المرآة او حتكلم عن نفسى عشان التعميم بضايق.. مش عايزة اكتر من الحنان و حنان حيخرج منه اهتمام و حب و مراعاة و كلمة حلوة و أيتسامة لطيفة تمسح الهموم و شخص تلاقيه جنبها يحس بيها و يتخلى عن انانيته ما يطالبهاش هى بس الى تحس بيه على طول و يسبها هى كانها عايشة مع حد غريب بتعمل حساب كل كلمة قبل ما تطلعها لحسن يزعل و يتنرفز ، مطلوب من الراجل يعامل زوجته على انها انسانة زيه بتضايق و بتفرح ليها امانى و ليها طموح و ليها راحة نفسية معينة و ليها اشياءها الحبيبة الى بتسعدها ، انما الراجل ما تزعلش منى و انت بنفسك قلتلى ده فى بوست قديم .... انانى

    ردحذف
  14. احيك على البوست الرائع يا منصف النساء.
    بس عاوزرة اقولك حاجة برغم التطور الفظيع وظهور الاسلام الي ردللمراة مكانتها وكرامتها في المجتمع الا ان في بعض الرجال دلوقتي سوري عقليتهم متخلفه يعني المراءة لبيتها ولجوزها وولادهامفيش لنفسها وكانها اتخلقت عشان تكون في خدمة الاخرين ونفسها دي ملهاش الحق في اي حاجة.
    وبعدين يا حسام عاوزةاقولك حاجة انت بتقول.
    جميع النساء راضييين

    وشاكريين ولا برضوا شايفين

    ان حقهم مهضوم وضايع وعاوزين

    ايه اكتر من كده علشان

    يقولوا احنا والرجاله فى مساواه

    ومحدش احسن من التانى

    صدقني كل الي احنا عاوزينة ان احنا نحس اني لينا كيان زي الرجال من حقنا نثبت نفسنال ومكانتنا عاوزين يكون لينا دور في المجتمع مش مهمشين يعني حرام نعيش في مجتمع زكوري متعفن على راي بوسي صحبتي .والحمد لله دلوقتي اتحقق الكيان دة للمراة ومازال هناك الكثير
    وصدقني مهواش صراع بين الرجل والمراة اكتر منة ان كل فرد فينا عاوز يحس بكيانة لان كلنا راجل او مراءة مكملين لبعض مينفعش يكون في بنا صراع والا المجتمع هينهار العالم كل هينهار

    احيك مرة تانية على البوست الجامد جدا دة
    في انتظار المزيد

    ردحذف
  15. فعلا معاك حق
    بس انا شايفه ان دلوقتي حال المرأه إختلف كتير للأحسن عن قبل كده
    لدرجة انى اوقات بسمع رجاله هي اللي بتطلب مساواتها مع المرأه
    وغير ده كله كفاية إنها لو كانت بالشكل ده قبل كده ان الاسلام هو اللي كرمها حتى لو كان التكريم ده فيه ناس كتيره مش بتستخدمه بالشكل اللي يليق بيها بس على الاقل حصل التكريم
    فعلا بوست هايل
    تسلم ايدك عليه

    ردحذف
  16. عزيزتى
    مؤمنة
    اكيد كان الاستخاف بالمراه كبير فى العصور كلها ولذلك لضعفها واحتياجها للرجل دائما بس تفتكرى دلوقتى ما كل الحرية اللى فيها المراه بتقول انتهم تحررت فى كتير مش حاسسين بكده ومش عارف ليه عاوزين ايه بالضبط
    موضوع المراه فى الاسلام هيكون اشمل وطويل وواضح وصريح
    شكرا على زيارتك يا افندم
    وعليكم السلام ورحمة الله وبركاته
    سلام

    ردحذف
  17. عزيزتى
    ارسم رصاص
    شكرا على كلامك وانا هخش اشةوف موضوعك ان شاء الله شوفى اكيد خلال العصور كان فيه ظلم بيقع على المراه كبير بس كان اكيد فى نساء سعيدات كتير برضوا ومش حاسيين بالكلام ده لاننا فى عصر وهما فى عصر ونظرتهم للحياه غير نظرتنا والاحساس بيختلف
    طبعا فى تقليد للغرب اعمى وبغباء ومش لازم ناخد من الغرب كل شئ والغرب فيه اهدار لجسد وروح المراه كبير فى حاجات كتيره بس كله بيتحط تحت خط الحريه
    اقصد اللى فكريين انها حرية
    سلام

    ردحذف
  18. عزيزتى
    البنت الشلبية
    شوفى انا مش بسميه اضطهاد هو كان قهر
    لانهم مكنوش فى ازمانهم حاسسين ان ده غلط ولا النساء نفسها كانت حسه بكده بالعكس كان فيه نساء سعيدات كتير فى الزمن ده واكيد الاسلام اده المراه حقوق كتيره لاكن للاسف فى ناس بتشوف حاجات وتنسى حاجات تانى
    شوفى انا محصرتش سعادة المراه فى الحاجات دى بس انا اقصد الاولويه ايه والاهم اكيد لكل انسان اولوياته ولو فى شئ اهم من دول قوليلى عليه احطه
    شوفى الفشل فى الدراسه ملهوش د
    عوى بالبيت خالص لان الدراسه علم وممكن انسان لا يهوى العلم ويهوى اشياء اخرى والبيت محتاج احساس وقلب وطبيعه تانى ملهاش دعوى بالعلم وفى امهات لا تعرف القراءه احسن من ام دكتورة فى الجامعه واكيد تعرفى امثال كتير وعارف ان كلهم بيحققوا السعاده بس اولوياتك ايه لسعادتك الابديه
    اللى لو مش موجود هتكونى مش سعيدة
    وبرضوا موضوع التكافئ ده شئ متغير من شخص لشخص ومال الدكتور لو بيحب انسانه حتى لو معهاش شهادة هيكون سعيد معاها لانه مش هيتكلم معاها فى الذرة هو عاوز لروحها واحساسها بس والاحاسيس ملهاش دعوى بنوع التعليم
    بس انتى قولتى الشغل افضل من جواز فاشل ما اى شئ افضل من جواز فاشل
    انا بتكلم انتى كامراه ايه المهم والاهم بالنسبالك وموضوع فاشل او ناجح ده موضوع تانى سواء جواز او دراسه موضوع تاجيل فكرة الزواج من بمزاج البنت او الولد التاجيل لظروف الشباب بس واى شاب او شابة يتمنا يتجوز بدرى ويكون اسرة وبيت
    والجمال مش مقياس لاحتياج البنت
    تحياتى يا قمر
    سلاااام

    ردحذف
  19. عزيزى
    WhItE HeArT
    الكلام الجميل كلامك يا استاذ احنا لازم نشوف التاريخ فى اى شئ علشان نعرف احنا كسبنا ايه واكتسبنا ايه واد ايه كان فى ظلم كبيرر اوى على ناس ومع الايام راح الظلم عنهم بنسبة كبيرة اوى
    والاختصار حاولت فيه بقدر المستطاع اتمنا دايمن افيدك
    تحياتى يا افندم
    سلااااااام

    ردحذف
  20. العزيزة الغالية
    عاليا حليم
    انا تمام يا قمر وعايش الدنيا لسه
    شوفى انتى جبتى المفيد المراه عاوزه ايه الحنان والحب مش مهم مين ريس المركب بالنسبالها اوى ولا ميين رايه بيمشى المهم انه لما يتعمل اى شئ بحب وهدوء من غير قسوة واكيد المفروض بين الزوجين المعامله دائما بكل حب وحنان واحترام لكيان كل منها ولكل منهما دور لازم يعرفه ومحدش يحاول ياخد دور التانى ابدا
    شوفى المراه معطاءة اكتر من الرجل نحو اللى بتحبهم ودى فطرتها الجميله
    لاكن منقدرش نعمم ان الراجل انانى علشان الانانيه دى كلمة كبيره وليها كذا مدخل وسكة لاكنى اقول يمكن اكثر انانيه من المراه
    نورتى
    سلام

    ردحذف
  21. ostaz e7sas lessa 7ay,
    ge2t lelzyarah bona2an 3ala da3wetkom elkareema, laken ya retny ma geet.. lel2asaf lam ya7'eb zanny, w lam yofa2eny shee2 fi kalamek 3'eer e7teraf tazweer el7a2aye2 w el2enteqa2 elmo7'el elli maloosh ay 3elaqah b el2amanah el3elmyah.. lel2asaf feeh nas kteer 2aro kalamak dah w 2alo 2ameen!!
    momken 2a3raf 7adretak gebt elkalam dah mneen? momken tektebly elmarage3 eltaree7'yah aw ay kotob 2areet feeha elkalam da. elkalam 3an el7adarat el2adeema 3ary tamaman 3an else77ah.. da 3'eer ba2a el2as w ellaz2 elli fi mawdoo3 el2adyan.. 3aref eih elmoshkella ya ostaz e7sas?? enta bt2ool htetkalem 3an elmar2ah f el2islam.. gameel.. laken yeb2a eih elwad3 lama 7ad ye3mel elli enta 3amalto fi tashweeh eltaree7' dah, w ra7 m2as2as 7agat mn el2islam tesbet enoh byatahed elmar2ah masalan??
    ana mesh 3arfa enta ezay galak 2alb t2olly 2a2rah elkalam dah!! enta fakerny ma3aya shehadet ma7w el2omyah?? enta law kont 2areet maqal wa7ed lya w fhemto, kont 3ereft enak 3amel moseeba w gayebny teshahedny 3aleeha!!
    ya reet tektebly kol elmarage3 elli estanadt 3aleeha f kalamak. yemken 3'ayaro eltaree7' wana ma3rafshy!! aho ynoobak fya sawab.
    shokran 3al da3wa.. f entzar elrad.

    ردحذف
  22. عزيزتى
    لولا
    شكرا على التحيه يا جميل
    شوفى معاكى حق فى رجاله بالعقليه دى كتير بس تصدقى برضوا فى ستات بالعقليه دى كمان يعنى الموضوع موضوع انسان وطبيعته بس مش موضوع رجل وامراه
    شوفى الكلام اللى كتبته لان فى ستات بتصور ان واقع على المراه ظلم اكبر من حجمه وفى صورت انهم عايشين كالعبيد او سود امريكا ايام العنصريه وده مش صحيح لانى عايش فى الدنيا وشايف ان تقريبا فى كل فئات المجتمع مبقاش فى تسلط كبير على المراه واصبح محدود ومعدووقولى لبوسى اى مجتمع فيه الرجاله المتسلطه والستات اللى متسلطة وخلاص مبقاش فى العالم مجتمع ذكورى تانى وكل المجتمعات الست بقه ليها دور فيها كتير وشوفى دنيتك واللى حوليكى من قريب وطبقى الكلام هتتاكدى ان الستات بقه هما الكل فى الكل يا بوس ومفيش صراع بين الرجل والمراه اللى بينهم مودة وكل ليه دوره وطبيعته اللى بتريحه وترضيه
    وكويس انك شايفه ان اتحقق الكيان للمراه وحسه ان لو فيه فرق بسيط ومش محسوس شكرا على زيارتك
    وسلمى على صحبتك وقوليلها كشكشيها بلاش تعرضيها اوىىىىىىىىىىى
    سلام يا قمر

    ردحذف
  23. عزيزتى
    cinderella
    شوفى اكيد حال المراه اختلف كتير بس قوليلى بتسمعى بس ولا بتشوفى كتير نماذج طيب النماذج اللى بتشوفى فيها ان المراه بتقهر اد ايه ونسبتها ايه وسط المجتمع واكيد كانت كده واكيد فى حاجات اصعب من كده قبل الاسلام وبعد برضوا بس الاسلام كرمها بطريقه اعمق وباستفاضه اوسع وحتى الفرقات بينها وبين الرجل ليها اسباب تعود لطبيعة الرجل والمراه ومش فى حاجات اساسيه تهين الكرامه لاكن للمحافظه على معنى وقيمة الرجل ومعنى وقيمة الست
    شكرا على كلامك ودايمن برحب بيكى
    سلام

    ردحذف
  24. أستاذ إحساس لسة حي ..

    طبعاً أنا مش ها أهاجم زي الكلمة اللي علي الكومينت بار ما بتقول

    "الهجوم على بيفدنى كتير أوى يا يوضحلى حاجه مش فهمهاه يا يخلينى اوضحلكم شئ مش فهمينه منى "

    لكن أنا بس ها أوضح لحضرتك

    --

    بالنسبة للحضارات الأخري غير الحضارة المصرية .. فأنا بصراحة لا علم لدي عنها بالشكل الكافي

    لكني أعشق المصريات .. أو الحضارة المصرية القديمة ( أو الفراعنة ) كما أتفق العلماء علي تسميتها

    و لذلك حين ذكرت حضرتك وضع المرأة في الحضارة المصرية القديمة .. بالطبع فهمت - كما سيفهم أي إنسان - أن حضرتك تقصد الحضارة الفرعونية .. لأن ده هو إسمها ..

    طيب ماذا تعرف عن أحوال المرأة في الحضارة المصرية القديمة ؟؟

    و أضح أنك لم تكن تعرف الكثير .. ربما لبعد هذا المجال عن دراستك أو إهتماماتك

    لكني أحب أن أوضح لحضرتك أن المرأة المصرية في عصر الفراعنة كانت لها مكانة كبيرة جداً

    المرأة الفرعونية كانت لها الحق في التعليم .. و نفس المناهج التي يتعلمها الرجل

    كان لها الحق الوصول لأعلي المناصب في الحكم كمنصب الكاتبة

    المرأة المصرية كانت عالمة .. نعم عالمة

    و كانت وزيرة , و كانت ملكة .. و كانت حتي محاربة ..

    تخيل ؟؟ محاربة .. !!!

    مثال للمرأة المحاربة الملكة أم أحموسي الأول التي صدت الهكسوس عن مصر حين كان أحموسي ( أحمس ) في غزوة في الجنوب

    المرأة كان لها الحق في الطلاق متي شاءت

    كان لها حق في الميراث

    كان لها أن تمثل تفسها في المحاكم ..

    كان لها مالها الخاص .. حتي و إن كانت متزوجة

    المرأة كانت لها الحق أن تتاجر ( تكون تاجرة ) و تتعامل في الأسواق كتاجر

    --

    أرجوك .. إقرأ أولاً عن تاريخ المرأة في العصر الفرعوني من عدة مصادر قبل أن تتكلم عنها

    إقرأ من مصادر تاريخية موثوقة

    حتي يكون كلامك ذو مصداقية

    و حتي نستطيع أن نصدقه

    --

    مع خالص تحياتي

    ردحذف
  25. ya3ni ana gayalak l3'ayek 3andak 3alashan troo7 trod 3alaya f elblog bta3y???.. akeed da hezar tab3an, sa7?
    eih ketab 7awa2 w el2rd.. asdy.. w el7'atee2a dah? da mawsoo3a taree7'ya 3an elmar2ah???
    w taree7' elqortoby malo w mal elhags elli enta katbo dah? da ragel katab 3an el2andalos w qortobah w eldawla el2eslamyah!!
    balash hezar ya ostaz e7sas.. da law 3ayez ntna2esh begad ya3ni.

    ردحذف
  26. ah sa7ee7.. w matensash trod 3ala so2ally: yeb2a eih elwad3 lama 7ad ye3mel elli enta 3amalto fi tashweeh eltaree7' dah, w ra7 m2as2as 7agat mn el2islam tesbet enoh byatahed elmar2ah masalan??

    ردحذف
  27. عزيزى
    على باب الله
    اول شئ احب اقولك ان البوست مش بيتكلم عن المراه فى الحضارة المصريه القديمه واظن انا مقولتش معلومات غلط مع تاكيدى على معلوماتك الصح طبعا وانا قريتها بس انا كنت بعرض ما مرت بيه النساء من قهر خلال الحضارات وكل اللى قولته
    حتى الحضاره المصريه
    التى كانت المرأه ترث
    وتحكم فيه فكان الموت
    لمجرد الشبهه فى طهارتها لاكن
    للاسف الرجل كان يضاجع
    النساء ويتزوج اخواته
    وده طبعا طمعا فى ميراثها
    وكان يتزوج بالعديد من النساء
    ويتثرى بالعديد منهن
    ومقولتش عن الختان وطريقته عند الفراعنه الؤلمه ولا عن عروسة النيل وضياع عمر بنت لمجرد عادة
    يبقا اطلب من حضرتك كخبير تقولى بس من كلامى ايه المعلومات الغلط
    علشان استفاد بدون معلومات اضافيه لانى عرفها وقريتها بس مكانها مكنش البوست ده
    مستى ردك
    سلام

    ردحذف
  28. ردك عجبنى
    اولوياتى انا
    هما حاجتين متاساويين مع بعض
    اتجوز واحد زى الى فى خيالى احس كده انه راجل بجد يحتوينى واحس انى مش محتاجة اى حد تانى فى حياتى غيره
    كمان نجاح فى شغل مهم ونجاح مستمر فى الشغل

    .......
    عارف انا فتى احلامى فيه شبه من ممثل كورى اسمه جى جين هى
    ji jin hee
    لو عندك حد شبهه قولى عشان الحق اخطفه
    ====
    ومتضحكش ...سلام هههههههه

    ردحذف
  29. عزيزتى
    فانتازيا نورتى
    انتى طبعا مكنتيش متوقعه انى اكرر كلامك اللى بتقوليه عندك وتحرير المراه من العبوديه ولا ايه
    طبعا انا روحت عندك اصل موضوع المراجع ده سؤال ملهوش لازمه لانى كتبتهم تحت طبعا انتى مش بتعملى زى كده وتحطى مصدر كتاباتك نفترض ان فى كلام غير صحيح وتزوبر زى ما انتى بتقولى انتى بقه تعليق قال ايه غلط وايه صح بصراحه مفهمتش التزوير فى اى مكان حددى بلاش كلام مبهم وتحددى قولت كده وكده غلط علشان اللى يخش يستفاد بجد
    اما موضوع حد يعمل بوست يشوه صورة المراه فى الاسلام اكيد انتى عارفه ان كتير بيعملوا كده وناس بترد عليهم واخر حاجه فكرها الاستاذه ايجبت روز عملت بوست وتسالت عن العبوديه وسكوت الاسلام عنها وبتقول اى مسلم بيتحرج ان حد يساله السؤال ده ورديت عليها انا وغيرى وللاسف كنت منتظر ردها ودخلت حثتها على الرد كذا مرة
    للااسف البلوج قفلته يعنى مكنش عندها رد اما انا لو صححتى معلوماتى هعترف بخطائى ولو لقيت تصحيحك غلط هرد عليكى برضوا شوفى بقه كالامى محدد وبيفيد ازاى مش كلام وبس من غير دخول فى الموضوع وتوضيح اخطاءه
    طبعا المراجع عرفتيها والاخطاء مستنى حضرتك تقوليلى عليها واستفاد
    نورتى
    سلام

    ردحذف
  30. عزيزتى
    فانتازيا
    انا روحت الحقك بس علشان تشوفى المراجع اللى انتى مخدتيش بالك منها
    شوفى ما انا اللى عليا اقول المراجع مش فرض على اجيب ناس تعرفيهم او تقتنعى بكلامهم بس من حقك بقه تردى وتبينى انهم ناس غلطانين وبيزورا التاريخ مش انا طبعا
    والبوست معلومة ممكن تكون صح او غلط الصح عديه والغلط قوليلى عليه
    سلام

    ردحذف
  31. عزيزتى
    فانتازيا
    انا ريت بقه على لو حد شوه التاريخ هعمل ايه وشوه الاسلام
    انتى باين مش بتخشى بلوجات كتير وبتشوفى حد بعمل كده لما الاقى هقولك
    بس انتى مطنتيش بتخشى عند ايجبت روز اللى معرفتش ترد على الناس وقفلت بلوجها لما لقيت نفسها لن تقدر على الرد ولا حتى تعترف بالخطأ
    تحياتى
    اى سؤال تحت امرك
    سلام

    ردحذف
  32. ostaz e7sas7,
    ana mesh b hagmak 3alashan trod 3alaya b elkalam dah!! ana lessa moftareda feek 7osn elnawaya.. 3alashan kedda wada7t en elkotob elli 7adretak 2ashart 2eleeha k masader lmawdoo3ak, ba3eeda kol elbo3d 3an elma3loomat elwarda feeh.. ya3ni ma3na kedda, en mo3zam elkalam elli 7adretak ktabtoh f elpost el3abqary dah mn masader 7'areg elketabeen dol.. w momken tkoon ma3loomatak el3ama masalan.. 3alashan kedda kont 3ayzak tewada7 elmasader 2abl shar7 el2a7'ta2 w elmo3'altat.. da awalan.
    b elnesba lso2ally ya ostaz e7sas, wade7 bardo enak mesh fahem ma3nah.. ana so2ally makanshy 3an emkanyet en 7ad yeshweh sooret elmar2ah f el2islam.. ana so2ally kan este7'dam nafs elmanhag elli 7adretak esta7'demto fi tar7 mawdoo3 elpost dah fi enteqa2 2agza2 mo3aynah mn el2islam lmo7awel esbat edtehado lelmar2ah.. ya3ni momken geddan ykoon feeh nas bte3mel dah.. laken elmanhag elli 7adretak etaba3toh fi tashweeh thaqafat el3'eer w enteqa2 ba3d el2agza2 mn eldeen, byedy el7a2 le3'eerak ennoh ye3mel nafs elshee2 fi sabeel tashweeh soret deenak enta.
    ma3taqedshy en dah 2osloob mota7ader fi elmoqaranah.. l2enoh bya3tamed 3ala tashweeh el7a2aye2 fi sabeel ensaf weghet nazar mo3ayanah.. baynama el2amanah el3elmyah taqtady eltar7 elmawdoo3y lkol awgoh elmoqaranah, lbayan el7a2aye2 w tark el7okm lelmotalaqy.
    ya reet ykoon kalamy wade7!!

    ashkorak 3ala 7ersak l2estebyan awgoh elqosoor fi elmawdoo3.

    ردحذف
  33. عزيزتى
    فانتازيا
    اول شئ انتى برضوا ما قولتيش ايه فى كلامى فى تزوير للتاريخ وحتيت انى اخدت مقاطع بس بسيطه ده علشان مش هكتب عن الحضارة ولا الدين كله لان ده محتاج بوست
    وكمان الكلام اللى قولته موجود وانتا اخترت حاجه بسيطه من الموجود والموضوع هعن قهر االمراه مش هختار مقولات فيها تخليد للمراه ده فى بوست تانى اهم شئ الامانه تكون انى مختلقش كلام مش موجود وانا مركزتش على الدين خالص حتى قرار المجمع قرار رجال دين مش دين يعنى ممكن يكون بعيد عن الدين اساسا
    انتى لما كلمتينى بتقولى تزوير والتزوير هو اضافة وتغير فيه لاكن لو اخدت جزئ من التاريخ وسبت الباقى انا حر
    ويبا ريت تشوفى انتى بتطرحى موضوعاتك ازاى مثلا لما بتقولى تتحرر المراه كما تحرر السود مع انهم لسه فى عنصريه فى امريكا لحد دلوقتى كبيره انتى بقه طرحك كده اللى يشوفه يحس ان فى عنصريه شاملة فى المجتمع بنسبه كبيره وللاسف فى نفس الموضوع مش بتقولى الجانب الكويس من الحريه والموجوده للمراه واى حد بيطرح موضوع بيطرحه من جهه واحده اللى بيتكلم فيها مش هعرض كل اوجها انا هعمل كتاب المهم الامانه انى مقولش شئ مش موجود او كذب على انسان
    انا طبعا حريص على توضيح الحقايق ومظنش ان عندى سؤء نيه لاى حد ولا اى فيئه وانا بفترض فيكى دايمن حسن النيه لان ده الطبيعى ومعنديش شك فى كده
    بس الافضل دايمن يكون التعليق على الكلام واخراج اى مغالطات علشان نستفاد وللمره التالته اى مغالطات قولى عليها خديها كوبى وحطيها وعلقى على المخالطه احنا يهمنا الناس تفهم صح ومردتيش برضوا على بخصوص لما ايبت روز سالت عن المسلم يكسف لو حد ساله الاسلام سكت ليه عن العبوديه وفقهر المراه مقوتلهاش ليه مش معنا اختارتى الاسلام وسبتى الادين كلها والحضارات
    مستنى ردك على السؤال ده ضرورى
    لو حد بقه عمل بوست وبنفس اسلوبى لو فيه شئ كذب هقوله ده كذب والصحيح كده لو قص وساب بقيت الكلام وده اضر بالموضوع هكتبله النص كله علشان يوضح الحقيقه ومش هقوله غير الكلام ده من غير اى اتهام بشئ لانه معرفش اللى جواه
    اى سؤال يا افندم
    وياريت ما تزعليش لو كلمة ضيقتك
    والله النيه كويسه صدقينى
    تحياتى يا قمر تانى
    سلام

    ردحذف
  34. (أستاذ ( إحساس لية حي

    تخيل أن حد إداك كباية فيها عصير تفاح مسموم ( محطوط فيه سم يعني ) و قال لك إتفضل ..

    سألته أنت : الكباية دي فيها أيه ؟

    قال بكل صدق : دي فيها عصير تفاح

    ---

    يا تري هو كده كذب ؟؟

    لا ما كدبش .. ما هي فيها عصير تفاح

    بس أهم حاجة في الكباية .. اللي هي السم .. ما قالهاش

    و طبعاً اللي ها يشرب السم ها يموت

    --

    طيب .. بإجماع جميع المؤرخين .. الحضارة المصرية القديمة كانت من أول و أكثر الحضارات إنصافاً للمرأة

    لما ييجي واحد و يقول الحضارة المصرية كانت أحوال المرأة فيها وحشة

    و يجيب مثل زي اللي جبته ( و اللي معرفش أصلاً هو صح و لا خطأ ) لكني ها أفترض فيه الصدق ..

    كل ده علشان يثبت النقطة اللي بتحاول تثبتها .. علشان توصل للنتيجة بتاعة : شفتم بقي أهو كانت أحوالكم نيلة و بقت فل الفل .. يبقوا تحمدوا ربنا بقي ..

    ---

    حضرتك بتقول أنك حر تنتقي ما تشاء من التاريخ ..

    صحيح حضرتك حر ..

    و إحنا كمان أحرار أننا نقول لك أن فيه نقط تانية أهم أنت أهملتها

    بس يا تري تقبل أننا ننتقي أحداث من العصر الإسلامي لندلل علي إضطهاد الإسلام للمرأة ؟؟

    و لا ساعتها ها تقول لنا أنت مش حر ؟؟

    مع أنك أنت شخصياً أنتقيت من المسيحية و اليهودية و دللت علي إضطهادهم للمرأة ؟ ؟

    --

    يا رب تكون فكرتي وصلت لحضرتك

    --

    و تكون فهمت خطورة نصف الحقيقة ..

    أللي هي أخطر من الكذب الصريح

    ---

    خالص تحياتي

    ردحذف
  35. ostaz e7sas,
    wade7 geddan enak btehrab mn el2egabah 3ala 2as2elty.. 3ala fekra mesh 3eeb abadan enak t2ool en di ma3loomatak el3ama aw 2ara2ak elsha7'sya.. w mesh 3eeb kaman law 2oltelly ma3aky 7a2 enha 7aga tedaye2 lama wa7ed ye7'tar agza2 modalella mn deen mesh deenoh 3alashan yeshaweh afkar mo3ayna feeh lsale7 deenoh howa.
    laken el3eeb masalan enak te3mel estetla3 ra2y ma7'soos 3alashan sha7's mo3ayan, w tesameeh
    الاهميه بالنسبه للنساء مش ليكى
    shokran 3ala esteb3ady mn sanf elnessa2 ya 2ostazy elmo7taram..
    انه لشرف لي أن احمل نون النسوة بدون الانضمام للقطيع الذي يتبع راعي أعمى
    العقل والبصيرة
    ashkorak 3ala 3adam 2eltezamak b qawa3ed elneqash elsaleem.. wafart 3alaya kalam kteer kan hydee3 mn 3'eer fayda.

    ردحذف
  36. عزيزى
    على باب الله
    اول شئ المثل بعيد اوى على الموضوع لانك لو مثلت السم الكلاام اللى مش عجبك أظن ان الكلام ده مش كدب وانا اخترت جزئ منه فقط
    تانى شئ بخصوص الحضارة المصرية انا مانكرتش انها من احسن الحضارات معاملة للمراه وقولت كمان حتى الحضاره المصريه
    التى كانت المرأه ترث
    وتحكم فيه
    يعنى مكنش مفروض على اقول كل مميزتها لان البوست عن اضطهاد المراه فى الحضارة
    والمفروض انا لما اجيب امثله عن شئ كان بيحصل للمراه قبل ما ترد تتاكد من صحته ياريت علشان نعرف الحقيقه بالضبط وانا لما بقول كده مش قصدى ان احوالهم نيلة ولا اى شئ حتى اى عصر ذكرته مش قصدى ان احوال النساء نيله ولا زفت انا اللى اقصده ان كان بيحصل حاجات قاسيه مع المراه فى كل عصر وممكن يكون فى العصر ده النساء سعيده بس كان فيه حاجه بتحصل ضد المراه والتشريع والقانون عندهم مش بيمانع فيها واى نتيجه عاوز اوصلها ملهاش دعوى بكلام وصدقه اظن واظن البوست ليه بقيه وهتعرف انا اقصد ايه
    كمان لما اقولك على حاجه فى اى تاريخ ترد بوضوح زى موضوع عروسة النيل ليه الناس كلها اى سؤال متردش عليه بوضوح وصراحه بدل مش بيخدم اللى عاوز يتكلم فيه انا بنتقى من التاريخ اللى يخص اللى بكتب فيه امال هنتقى من التاريخ ايه اتكلم عن الحروب والتجارة اتكلم كلام مفهوم انا بتكلم عن اضهاد المراه يبقا اى شئ بكتبه وامثله بتتكلم عن كده
    تخش بقه على موضوع الاديان وانا لما اتكلمت عنها اتكلمت كحقبة تاريخيه ممكن ناس تاخد كلام فيه وتطبقه صح وناس تاخده وتطبقه غلط وانا جبت الكلام وقولت اطبق ازاى وحاولت اختصر كل الكلام بقدر المستطاع
    يا ريت تكون فكرتى وصلت لحضرتك
    ومش فاهم كنت لغيت الحضارة المصريه والديانات من البوست وقولت انهم فل الفل الناس بتاعتهم كانوا بيعملوا المراه احلا معاملة وادوها اكتر من حقها
    والله انا مش بشوف اخطر من الكدب شئ لما نعرض موضوع اى موضوع
    شوف لما نتكلم عن عصر حصل فيه اى شئ للمراه مش معناها كان العصر او الدين بيكره المراه وكل همهم اضهادها انا بقول كان بيحصل كده بس
    ولو مكنتش بيحصل قول بكلاام تاريخى علشان نستفاد بس اقرى قبل ما تعلق وتتااكد من معلومات اى حد قالها انا بعمل كده علشان متهم حد بالكدب والتزوير واى شئ
    تحياتى
    سلام

    ردحذف
  37. this is 1 of the greatest post i even seen on here

    thnx for the info.

    peace out

    ردحذف
  38. السلام عليكم ورحمة الله وبركاته
    بدل طلعوا من عباءة الاسلام فلا تعليق
    الباطل سيجر الى باطل
    والحرية التى يطالبون بها هذه اباحيه مش حريه
    دول عايزين يتبسوا زى الرجل وتقولهم ازاى يقولوا واشمعنا الراجل
    خييييييييييير
    هو فيه ايه يا جماعه
    هو ايحنا حصل عندنا طمس فى الهويه وكمان فى النوع

    أدعوك لمشاركتنا فى مناقشة بوست ولماذا قالوا معا
    يهمنى رأي حضرتك جدا

    والسلام عليكم ورحمة الله وبركاته

    ردحذف
  39. عزيزتى
    الاستاذة فانتازيا
    طبعا اسف انى طولت ومردتش عليكى بسرعه علشان انا مضايق من الحلقه اللى بندور فيها وقولت استنا شويه علشان تهدى يمكن شايلة منى ولا حاجة
    انا مهربتش من اى اسئلة قولتيها وعلشان ميحصلش اى كلام ونقول بنهرب ومش بنهر دايمن حددى اى اسئله برقم وكل رقم وهتلاقى اجابته وعمرى ما ههرب من شئ صدقينى انا كل اللى عوزه افهم والناس تفهم من غير غلط فى بعض
    عن معلوماتى انا قولت جيبها منين واظن اكتر من كده هعمل ايه ولو عاوزه الكتاب ابعتهولك انتى تامرى وهتعرفى انى اخدت اجرزاء من كلام كتير اتقال فيه
    اما حتيت انى اخترت وجبت الاجزاء بتاع الديانات غير دينى انا واخدها من الكتاب واساسا قرتها فى الكتاب المقدس والقصد منها مش تشويه الدين القصد انى بتكلم عن النساء وما كانوا يعانوا منه ومحبتش اغفل شئ حتى الدين الاسلامى انا قولت هكمل ببوست تانى بس علشان مضايق مش عارف اكتب شئ
    وحتى لو عامل الاستطلاع ده ليكى ده يضيقك انى احب اوضحلك اراء بعض النساء ممكن تكونى مستبعداهم من تفكيرك وكمان يزعلك اهتمامى انى اوضحلك شئ اظن ده اكبر دليل على احترامى وتقديرى ليكى ولو مكنتش شايفك كده مكنتش اهتميت بيكى اساسا
    انتى لما تقولى على نساء قطيع علشان ايدوا بعض ارائى مش ده شئ عدوانى ضدهم تشبهم بالقطيع كل انسان علقت قالت رائيها وهى حرة فيه
    مش عارف اى عدم التزام اللى بتقولى عليه انا بحاول بقدر المستطاع اراى حدود النقاش بعدم جرح الاخريين الا اذا صدر منهم اى تجريح
    وهسالك كام سؤال جوبى رقم واحد
    انتى لو شايفه الموضوع ده تزوير والمعلومات اللى جواه غلط والنساء طول عمرها على مدى التاريخ سواء فى الاديان او حضارات من غير دين سماوى كانت فى عز يبقا ايه القهر اللى حصل للمراه وزعلانه منه التاريخ فى رائيك بيقول انها كانت زى الفل
    اتنين انتى هجمتينى انى بتكلم عن دين وجبت سيرته مع انه فى سياق موضوع وهو جزئ صغير اوى فيه طيب ليه مهجمتيش صحبتك اللى عملت بوست كامل بتتكلم عن موضوع واختارت بس الدين الاسلامى تهجمه فيه ومش كده وبس كمان تجاهلت التعليقات كلها وقفلت البلوج ورجعت فتحته عادى وكله اللى بيزعلوا زيك ده وفيهم واحده عملت بوست تتكلم عن الكراهيه بين الملل والاديان راحت تسال عنها ولا كانها عملت موضوع يتاعرض مع بوستها ولا قالتلها كده عيب
    طبعا اقصد ايجبت روز
    السؤال التالت
    انا فى حوارى معاكى غيبر معارضتى لافكارك فى اى غلط لشخصك حتى الكلام اللى بقوله عليكى ده معارضه لفكرك مش شخصك لانى بقدر شخصك جدا
    اخر شئ الرابع
    هو انتى لما تكونى وسط قطيع زى ما قولتى عليهم والقطيع قال كده الصح والاحسن لينا والاريح لحياتنا وانتى شايفه ان كده مش صح ولا اريح لحياتهم وبايدك تختارى سكة للقطيع تختارى اللى يريحهم ولا اللى يريحك خدى بالك اى دكتاتور بيقول انا بعمل لمصلحت القطيع
    تحياتى يا استاذة
    وياريت تفهمينى اكتر من كده
    قريت بعض موضوعاتك السابقه بعضها جميل جدا
    سلام

    ردحذف
  40. عزيزتى
    jay4reel
    اتمنا دايمن تكون معلوماتى صح وتستفادى منها اتمنا زيارتك دايمن هنا والمدونه التانيه هى مش باين انى بقول فى مدونه تانى
    مستنى زيارتك ليها وليه دايمن
    سلام يا افندم

    ردحذف
  41. عزيزتى
    مؤمنة
    شوفى الموضوع ده مش دينى لان الشئ ده لكل النساء على عبر العصور وحتى قبل الاسلام طبعا انا كمسلم بشوف ان دين انصف المراه لاكن كمسلم بشوف ان المسلمين مانصفوش المراه
    واكيد مش كل ست تطلب حريه عاوزه اباحيه فيه معاهم حق لان ظلم بيقع عليهم وفى معندهمش اى حق
    المهم اننا نتكلم مع المختلفين معاهم فكريا ونتناقش بعقل يمكن نكون برضوا غلطانين فى اى شئ
    تحياتى ورايح جرى مفيش اى اتوبيس معدى يودينى
    سلام

    ردحذف
  42. والله بجد بوست حلو
    وفعلا وضع المرأه اختلف فى الاسلام كتير كرم المرأه جدا
    بس المشكلة فى المجتمع هما اللى بيفرضوا على المراه اوضاع معينه ملهاش دعوه حتى بالدين
    مجرد انها تقاليد
    وبالنسبة لايه المهم للمرأه
    فده بيتوقف على شخصيتها
    ممكن يكون فى واحده الاهم بالنسبلها زوج وفى الغالب بيكون ده الهدف الاهم وان قالوا غير كده بس مش اى زوج والسلام
    والشغل بيتوقف اهميته بالنسبة لشخصيه المراه نفسها
    ممكن يكون مهم وممكن يكون مش مهم
    اما بالنسبة لموضوع المساواه ده الست ست والراجل راجل
    المشكله فى المجتمع
    تحياتى لمجهودك الرائع فى البوست ده بجد هايل

    ردحذف
  43. صديقي الغالي حسام

    كل سنة وانت طيبة ياحسام وعيد سعيد عليك يارب وعلى كل اسرتك
    وانا مستنية العيدية بقى
    وان شاء الله ياحسام السنة اللى جاية تكون محقق كل اللى بتتمناه يارب ونفضل انا وانت اصحاب طول العمر
    عشان انا عارفة انك مش طايقني بس انا بصالحك اهو ماتزعلش مني وتتهرب من انك تديني العيدية بقى
    اروح على البلوج التاني بتاعك اقولك كل سنة وانت طيب برضه (ايه الناس اللى بتحب تمشوارني دي )

    تحياتي ليك ياجميل

    ردحذف
  44. عزيزتى
    ra7eel
    معاكى حق الاسلام اده المراه كتير بس الناس والمجتمع بياخدوا منها كتير من حقوقهابس الدين واضح فى كل شئ
    انتى واضحه جدا وعارفه ان الزوج والزواج اهم شئ للمرأه ومهما بيقولوا غير كده انا مش بصدق
    والشغل بقه بيتوقف زى ما قولتى حسب المراه وشخصيتها ويتوقف كمان حسب حالتها الماديه والاجتماعية وكمان حسب حالت زوجها يعنى مش اساسى زى الزواج
    شوفى المساواه موجوده بس المشكله ان المساواه ان اللى بيعمله ده لازم يعمله ده لان لكل كائن طبيعته ولازم يرعيها وزى ما الرجل مقبول يعمل شئ الست متعملهوش الرجل كمان فى حاجات تعملها الرجل ميعملهاش
    يعنى طبيعت الشخص تفرض عليه بعض الامور
    واهم شئ ان مفيش فرق عند اللى خلقنا بينا الا باعملنا
    شكرا على وجودك وكلامك
    سلام يا جميل

    ردحذف
  45. عزيزتى
    كلام من القلب
    ايه الرضا ده تعليقين على البلوجين فى يوم واحد افرق شربات
    شوفى اللى عاوز العيديه يجى يخدها انا ادفع واروح كمان
    قثولى السنة الجيه محقق عشر اللى بتمناه احسن اللى بتمناه كتير اوووووووووووووووووى
    مش طايقك دى وسعه يا بنتى انا مهما اتخنق منك برضوا بعزك وفى قلبى
    وقوتلك الالى عاوز العديه يجى يخدها
    وامشورك فى بلوج احسن من امشورك فى سفر
    وبلاش نتكلم بقه
    سلام يا جميل

    ردحذف
  46. جميل البوست
    بجد عملت فيه مجهود
    بس لو الناس الى بتهاجم الاسلام وبتقول انه مبهدل المراة تشوف قبله كانت المراة عامله ازاى وبعده كان الحال ايه............
    وهستنى البوست الجديد


    موضوع الرجل والمراة بجد 10/10
    :)))))))))
    سلامى

    ردحذف
  47. حسام برافوا بوست هائلل كويس اوي ان في راجل مهتم بعرض تاريخ التميز ضد المراه
    طبعا طبعا حال المراه الان احسن بكتير من زمان لكن احنا بنقيس الامور بزمانهايعني احنا بنكلم الان عن مراه القرن 21 يعني نقيس امورنا بوقتنا المراه مظلومه علي مر العصور و مازالت مظلومه سيبك من الفنانات و المشهورات و رؤساء الجمعيات اللوتر لرونز و كلمات الرننه ديه دول الكريمه الاي علي الوش بص للستات الحقيقين الغلابه العادين الصعايده و الفلاحات الغلابه هما دول الستات الاي بتكلم عنهم شوف ادي مظلومين في البيت و بر البيت طبعا مقدرش اقول كلهم بس كتيررر اوي منهم مظلوم و الرجال جيين عليهم اوي ي و ياريت ماتقوليش مساواه لان الكلمه ديه مش بتحصل و لا انا عايزها عشان المساواه ديه كلمه فضفضه اوي عن الاي احنا عايزينه احنا عايزين التكافيء الاحترام و احساس انك بتتعامل مع عقل و مشاعر قبل ما يكون الجسم هو الهدف الاساسي عايزين الاحترام و احنا في البيت و احنا ماشين في الشارع و احنا مع اولادنا في اعمالنا
    مش عايزين نظره الاعتلاء من الرجال و نظره انكوا احسن و اعلي و اعقل مننا حقوقننا لسه بدري اوي عليها لما ناخدها و هانخدها لما تتغير الافكار و نرتقي بعقولنا و نرجع حقيقي لجوهر الاسلام و لا نسلم نفسنا لعقول الغرب و نرجع لسنه حبيبنا المصطفي ونتدبر امور حياته مع النساء كيف كان
    انا طولت معلشي بس الكلام ده خارج من قلبي اوي
    تحياتي لك دائما

    ردحذف
  48. عزيزتى
    shayma
    شوفى ممكن يكون مش دين الناس بس هو اللى بيظلم المراه اكيد ساعات عقلهم بيظلها والمراه المسلمة بتتعرض لكتير من المضيقات باسم الدين وهى بعيدة عن الدين بس زى ما قولتى حال المراه الان احسن من اى عصر كان
    موضوع الرجل والمراه حلو بس هيحلو اكتر بتعليق منك ممكن
    تحياتى يا افندم
    سلاااام

    ردحذف
  49. عزيزتى
    دنيا محيرانى
    شوفى انا مهتم للاسباب كتير وهتبان مع الوقت فى بوستات قادمة وكمان مفيش راجل مش مهتم بالستات خالص
    عارف ان المراه مظلومة فى كل بلاد العالم سواء غرب اوشرق يا تستغل جسديا يا انسانيا يا تقهر من رجل
    وعارف الستات التانين زى الفنانات والمشهورات والكاتبات مش دول النساء اللى نتكلم عنهم ولا بيمثلوا نسبة من الشعب بس الصعايدة والفلاحيين الغلابه دولمش النساء بس ورجالتهم بيتعرضوا لقهر مادى ونفسى وضغط كبير
    يمكن الرجاله بتيجى على بعضهم بس فى ستات بتتعب الرجاله ومش بتراعى انه طاللع عينه يعنى الموضوع متساوى
    اكيد الاحترام موجود والحب بس القسوة فى بعض الناس وكل راجل ليه الست اللى تتقبله وتحبه وترضى بيه
    مش عارف فين نظرة الاعتلاء دى قليلين الرجاله اللى كده وكمان العقل بيقول ان كل شخص حسب تفكيره سواء رجل او ست
    واكيد الدين بيوضح ان مفيش حد احسن من حد الا باعمالة ولا فضل لذكر على انثى الا بالتقوى
    انتى تطولى برحتك علشان اطول برحتى عندك ونستحمل بعض بقه
    تحياتى يا جميل
    سلام

    ردحذف
  50. ياساتر يارب:(((
    البوست تحفه مش قادره اقولك أد ايه
    دا حتى فى اليابان الحرف الى يدل على الزوجه عباره عند ست مسكه مقشه婦
    كأن الست هى ده الوظيفه الوحيده ليها
    أد ايه الإسلام كرمنا
    وأخر ما قاله الرسول استوصوا بالنساء خيراً
    وقال رفقا بالقوارير
    موضوعك جامد جدا ومليان معلومات قيمه
    أحييك
    شيماء:)

    ردحذف
  51. عزيزتى
    همسات دافئة
    كل سنه وانتى طيبة وبخير
    اه اليابات وغيرها هتلاقى فيه شئ ضد المراه حتى فى الغرب اللى عاوزينه مثل
    اه اكيد الاسلام كرم النساه بس الرجاله استغلوا حاجات فيه غلط ودى المشكله والبوست الجاى اللى هحطه هوريكى حاجات جميله بس الستات تاخد بالها وتعرف حقها كويس
    سلام يا جميل

    ردحذف
  52. مرحبا انا شاب احب اتعرف على بنت حنونة وانا عايش وحيد وانا حنون hi.cu1@hotmail.com

    ردحذف
  53. مرحبا انا شاب من الخليج حنون ووحيد وعايش وحدي ومحتاج بنت حنونة بس hi.cu1@hotmail.com

    ردحذف
  54. .انضم إلى eToro وقُد ثورة التكنولوجيا المالية

    انضم إلى مسيرة النجاح اتصل بأكثر من 4 ملايين متداول ومستثمر من 170 دولة

    ردحذف

جربت اطير بجناحى مطيرنيش


قولت اقصه قلبى مطوعنيش



فضلت عايش يا خسارة بجناح ميت



والقلب حى نفسه مره يطير ويعيش

يا......... عالم

;

مدوناتى واللى فيها أتفضلوا (حسام)