السبت، 28 يونيو 2008

الحب الحقيقى يموت؟?????


ناس كتيره بتحب

بتفتكر وبتقول انه حب حقيقى

بس يبعدوا عن بعض وبعد مدة نشوف

ان جواهم اى شئ للحب اللى

كانوا بيقولوا عليه حب

مش بنلاقى جواهم حتى ذكرى منه

أكيد ده حب مش حقيقى

فى حب حقيقى بيموت؟


فى نموذجيين شوفتهم فى افلامنا

فليم
اغلى من حياتى بتاع احممممممممد...منى


ان الحبايب لما افترقوا


وبعد سنوات قبلوا بعض


مقدروش يبعدوا عن بعض وتزوجوا


وكان على استعداد يسيب مراته من اجل حبيبته


ده لانه مكنش بيحب مراته


وحبه كله كان لحبيبة اللى افترق عنها

النموذج التانى فى فليم عن العشق والهوى


لما بعد ما فات سنوات احمد ومنى قبلوا بعض برضوا


بس دول أحمدالسقا ومنى زكى

كان احمد حب واحدة ومشاعره


ارتبطت بحب تانى وهو مع منى قاعدين فى كافيه


كان فكره وقلبه مع حبيبته ومراته وحبيبته منى خلاص


حبها شبه مات احساسه مات نحيتها

هو لما كان بيحبها كان بيحبها حب حقيقى؟

طيب احنا لو حبيبنا حبيبنا بجد



حبينا بكل كيانا بكل احساسنا


بصدق واللى بنحبهم لظروف ما اختفوا


وتعبنا من اختفائهم ده واتعذبنا

ومرت ايام وايام واحنا بنتعذب


مش قادريين ننسا الحب ده ولا عارفيين نحب

وقبلنا بعد مدة اللى حسينا اننا بنحبه

وأننا نقدر نعيش معاه ونكمل عمرنا ونهواه

وعرفنا اننا بنحب حب حقيقى وبجد

والقدر وكلنا عارفيين بيعمل ايه فينا القدر

فى اللحظة اللى الحب اتولد واتوجد واتمكن من قلبنا



وأبتدا يتغلغل فى كيانا ظهر حبانا الاولانى

ظهر كله حب وحنان

ظهر وهو كله اشتياق

ظهر وهو مجروح وموجوع من بعاده

لانه كان غصب عنه كان اختفاءه مجبرعليه


تفتكرى نعمل ايه؟

ممكن نموت الحب الجديد علشان الحب القديم


ولا الحب القديم اكبر واعمق وسهل

نجهض الحب الجديد ونبعد عنه

طيب الحب القديم كان حب حقيقى وصادق فيه

الحب الجديد برضوا حب حقيقى وصادق فيه

يعنى الاتنين ينفع يكون صادق فيهم

الاتنين ممكن يكونوا حب حقيقى

هو لازم حب يتغلب على حب ويموته

ولا ممكن الحب يفضل موجود نحيت الاتنين

ويرتبط باللى ظروفها ممكن يقدر يرتبط بيها


تفتكروا تعملوا ايه ساعتها

تفتكروا الحب الحقيقى يموت نحيت حد فيهم

طيب الحب الحقيقى ممكن يتكرر اكتر من مرة

طيب لو ارتبط بحب منهم هينسا حبه التانى


طيب لو نساه محتاج اد ايه علشان ينساه

طيب ايه الاسباب والعوامل اللى تخليه يقدر ينساه

طيب ايه الاسباب والعوامل اللى تخليه صعب ينساه

انا مش هجاوب لانى محتاج اجابات

وفى ردى على التعليقات هتلاقوا اجابتى

هناك 55 تعليقًا:

  1. سبحان الله الرجل عنده القدره انه يحب اكثر من واحده حب حقيقي وصادق فالحل في الموقف اللي بتحكيه يتجوز الأتنين ويريحنا , اما المرأه فلا تحب حب حقيقي الا لشخص واحد وان حبت شخص تاني فلابد ان تكون نسيت الأولاني تماما واللي يقول غير كده بيضحك علي نفسه , اذا فالخلاصه ان المرأه تحب بكل كيانها والرجل يحب بجزئ من كيانه و هذه ارادة الله في خلقه ولذلك حلل للرجل التعدد في الزوجات ولم يحله للمرأه بالأضافه طبعا لموضوع اختلاط الأنساب بس ده مش موضوعنا دلوقتي , والسلام ختام

    ردحذف
  2. اسمحولى فالبداية افكركم ان الحب انواع ودرجات ومفيش حب بجد بيتنسى لكن فى حب بنحاول نتخطاه بمره قبل حلوة لتستمر الحياه وممكن نعيش حياتنا كلها بدون ما نشعربالحب الحقيقى ومع ذلك نكون مقتنعين اننا بنحب بجد وحب حقيقى ضائع ونعذب فنفسنا ونالم قلبنا

    وصدقونى مفيش حب ينسى حب لكن فى حلاوة حب تمحى مرارة حب قديم فالقلب مع احتفاظ الحب الاول بمكانته

    وربنا اعطانا قدره عجيبة على ان نتناسا جراحنا حتى نستطيع الاستمرار فالحياة وبناء عليه نفتح قلبنا لحب جديد بشكل جديد وطعم اجدد

    اما عن الحيرة بين حبين فالاستمرار للاصدق

    ردحذف
  3. الراجل بيقدر يحب حب حقيقي اكتر من مره....ده في اعتقادي....بس برضه على ما اعتقد انه الحب التاني مش ممكن يدخل قلبه الا في لحظه ضعف من الحب الاول.....يعني في المثال اللي انت ذكرته فلحظهالضعف تحتبر البعد فهو خلاص اتاقلم واتعذب كتير من بعدها ...وفي لحظه لقى انسانه حنينه عليه وبتحبه او ممكن كمان ((يشوف الحب الاول فيها يتخيلها هي))
    المهم فانا اعتقد انه ده السبب
    والمشكله كل اللي بيحس حاجه تجاه حد يعتبره حب حقيقي
    والحب الحقيقي مش بيبان الا في الشده والبعد حتى للانسان نفسه
    لازم الحاجه تضيع مننا عشان نقدر نشوف قيمتها في قلبنا

    بيسعدني مروري في عالمك اوي بجد
    دومت بكل خير يارب

    ردحذف
  4. الحب عمره ما يموت ، بس ظروفه بتتغير ، تفكيرنا و الناس اللى بنحبهم و ظروف الحياة و بنكبر ، بس البنى ادم اللى بنحبه بنفضل نحبه مش شرط نفضل عاوزين نشوفه او نتكلم معاه بس بتفضل ليه حاجة حلوة جوانا ...ده رايي

    ردحذف
  5. أزال المؤلف هذا التعليق.

    ردحذف
  6. موضوع صعب يا حسام عشان بيتعلق بالقلب واحساسه بس راي الحب الحقيقي ممكن يكون اكتر من مره الاختلاف هو درجه احساسك بيه يعني بنفس القوه نفس الاحساس بالسعاده والفرح بوجوده لو بعدت عنه تموت من حكمه ربنا ان جعل للرجل ان يستطيع ان يعدد في زوجته لكنه يستطيع ان يجمع بين اكثر من امراه و لا يستطيع ان يحب حب حقيقي غير واحده والدليل حديث الرسول صلي الله عليه وسلم (هذا قسمي فيما املك فلا تحاسبني فيما لا املك) والقصد في الحديث ده انه بيحب السيده عائشه اكتر من زوجاته التنين بس هو بيعدل بنهم في الواقع لاكن قلبه ميقدرش يتحكم فيه حبه لستنا عائشه اذن الرجل يحب امراه واحده فقط يميل لغيرها يحب ان يجالس غيرها ولكن يظل حبه لواحده فقط فالانسان هو من يتطيع فقط ان يحدد الي اي مدي يحب مازال الحب القديم يملك قلبه اما جاء الجديد فكان هو من كان ينتظره القرار والاحساس في يده وفقط
    مواضيع جامده يا فندم تحياتي

    ردحذف
  7. كل حب احنا مخلصين يه وشاعرين بكل مشاعر الحب تجاه شخص ماه هو حب حقيقي
    ومش شرط يكون اول حب او حب واحد
    بالعكس
    الانسان طول ماهو عايش ممكن يقابل في حياته اكتر من حب ليه لا
    القلب معليهوش قوانين للاحساس بقلب جديد
    لان احساسنا بالحب اصلا ماهوش حاجه في ايدينا

    الحب ممكن يتنسي لما حب حقيقي تاني يجي مكانه يملي قلبك وعقلك وحياتك
    مش صعب
    بس عمرك ما هتنسي حب القدر فرق بينك وبينه طول ما حياتك فاضيه هتفضل فاكره مش لانك حبيته حب كبير
    لا
    لان مفيش حاجه مكانه
    اعتقد ان دي طبيعه بشريه

    ردحذف
  8. السلام عليكم اخى حسام الحب البشرى يموت الفقر كفيل بقتله وقلة الامكانيات لدعمه تهدمه لانه حب خالى من الروح فان كان الحب حب روح وليس جسد بقى هذا الحب بعد فناء الاجساد ولان الروح نور من الله صار الحب فى الله وما دخل اسم الله فى شى الا دام اما ما نره من حب تلك الايام فهو انفعلات زائفة سرعان ما تزول ولا يبقى منها الا ذكرى عبث الاطفال ممكن طلب صغير خالص من فضلك اغنية كاظم الساهر ليلى وشكرا

    ردحذف
  9. حملة لرد الاعتبار
    ........................
    حيوا معى العين الساهرة للحفاظ على المقدسات وعودة الحق لأصحابه عندما أعاد الدكتور/أسامة السعداوى صياغة التاريخ المصرى القديم لقد نصر العالم الجليل تراث الاجداد وقدمه للآحفاد لينهلوا العلم من أوسع أبوابه تعالوا يا أبناء مصر

    نطرق باب النابغةالدكتور /أسامة السعداوى لنعرف منه الحقيقة
    قودوا معى حملة الشرف والكرامة فى رفع الظلم عن أجدادكم وانتم أصحاب كلمة فلتكن فى موضعها فلا استقامة للمستقبل الا بتصحيح مسار تاريخنا واحياء علومنا وحضارتنا
    ادخلوا الموقع الخاص بالعالم من على صفحة مدونتى الرئيسية
    ولكم منى جزيل الشكر

    ردحذف
  10. مشكلة دى
    بصراحة انا بحس ان اللى بيحب بجد مش بيشوف غير اللى بيحبه حتى لو شاف حد مناسب اكتر و احسن من نواحى كتير لو بيحب غيره حتى مش حيشوف مميزاته دى انما مش عارفة لو الموضوع حصل فيه بعد لفترة حيكون ايه الحوار..
    عموما ربنا يقربنا كلنا من اللى بيحبهم و يبعد عنا و عنكم الفراق
    تحياتى

    ردحذف
  11. الحب الحقيقي اعتقد انه ميتنسيش حتى لو الظروف وقف في طريقه ومنعته من الاستمرار

    واعتقد ان اكيد كل طرف بيفكر في التاني ومهما طال الزمن اكيد بتكون عندهم رغبة في لقاء تاني يجمع حبهم من جديد

    حتى لو في عالم ... تاني

    تحياتي
    وليد

    ردحذف
  12. السلام عليكم ورحمة الله وبركاته
    انا افتكرت الاجابه فى البوست
    لكن ممكن نطلعها من التعليقات
    ربنا معانا
    بداية
    تفتكروا الحب الحقيقى يموت نحيت حد فيهم
    الحب الحقيقى ما بيموتش نهائى بتاتا ابدا لو حقيقى فعلا

    طيب الحب الحقيقى ممكن يتكرر اكتر من مرة
    ممكن بس نادر اوى دى اذا كان صعب ان ايحنا نلاقيه مره

    طيب لو ارتبط بحب منهم هينسا حبه التانى
    الحب الحقيقى هو الى بينتصر بس خلينا واقعيين لو كان رجل او مرأه حصل ظروف بعدتهم عن حبهم الحقيقى وتزوج كل منهم وأنجب طبعا من الواقعى ما يرجعش تانى الا اذا كان مش مستريح فى زواجه وكده كده هينفصل

    طيب لو نساه محتاج اد ايه علشان ينساه
    لا ما بيتنسيش

    طيب ايه الاسباب والعوامل اللى تخليه يقدر ينساه
    الاسباب لو وجد اسباب تدعو للنسيان يبقى ما كنش حب حقيقى

    طيب ايه الاسباب والعوامل اللى تخليه صعب ينساه
    انه حب حقيقى
    هذا والله اعلم
    على اكون وفقت
    والسلام عليكم ورحمة الله وبركاته

    ردحذف
  13. ازيك ياباشا
    رايى هيبقى صغير على قدى
    احمد ومنى الاصليين كانو بيحبو بعض بجد علشان كدة رجعو لبعض
    احمد ومنى التنيين كانو بردو بيحبو بعض بس مش بجد علشان هو سبها علشان اهلها ودة مش مبرر
    سلام

    ردحذف
  14. ايه الكلام الجامد ده....الواحد لو قعد من هنا للسنة اللى جايه يتكلم عن الحب مش هيخلص بس اعتقد انك قلت في البوست كل حاجة

    ردحذف
  15. ana tool 3omry mo2emina 2n mafesh 7ob 7a2y2y bymooot
    dh lw kan 7a2y2y
    y3ni, ta2reban dh 2l 7aga 2l wa7eda 2ly mabtetnsish fl zaman dh

    ردحذف
  16. هقول حاجه عن الحب بس عن الحب الصادق يعني لو يكون صادق هيكون حقيقي |الحب الصادق ليس مشاعر وأحاسيس فقط

    لحظات الحب .. هي اللحظات اللتي تخلد في أذهاننا
    وتحمل كل معاني
    السعادة ، فلا تندم على لحظة حب
    عشتها حتى ولو صارت ذكرى تؤلمك
    فإذا كانت الزهرة قد جفت وضاع عبيرها ولم يبقى منها غير
    الاشواك ، فلا تنسى انها منحتك يوماً عطراً جميلاً أسعدك...
    لا تكسرأبداً كل الجسور مع من تحب ، فربما شاءت الاقدار
    لكما يوماً لقاءاً آخر يعيد ما مضى ويوصل
    ما أنقطع فإذا كان العمر الجميل قد رحل ،فمن يدري
    فربما ينتظرك عمر أجمل..
    وإذا قررت أن تترك حبيباً أو صديقاً فلا تترك له جرحاً ،
    فمن أعطانا قلباً لا يستحق منا أن نغرس فيه
    سهماً أو نترك له لحظة تشقيه
    ما أجمل أن تبقى في روحيكما دائماً لحظات الزمن الجميل
    فإن فرقت بينكما الايام فلا تتذكر لمن تحب
    غير كل أحساس صادق ولا تتحدث عنه
    إلا بكل ما هو رائع
    ونبيل ، فقد أعطاك قلباً وأعطيته عمراً
    وإذا جلست يوماً وحيداً فحاول أن تجمع حولك
    ظلال الايام الجميلة
    التي عشتها مع من تحب
    وأترك بعيداً كل مشاعر الألم والوحشة التي
    فرقت بينكما فلأفضل أن يحاول المرء أن يقف بذاكرته عند
    أجمل لحظة لقاءعاشها ، لأنها أروع بكثير من
    لحظة وداع وإفتراق..

    ردحذف
  17. بسم الله الرحمن الرحيم
    السلام عليكم
    خلينى في الاول ابدي اعجابي الشديد بمدونتك
    ماشاء الله جميله
    كمان موضوعاتك هادفه وحلوة
    ثانيا
    بالنسبه للموضوع
    اقدر اقولك ان مافيش حب حقيقي بيموت
    استحاله دة ابديه لمن يحب
    اول حب طبيعي يختلف عن اى حب بعد كدة
    اول حب هو الى بيعلمنا ازاى نحب يعني ايه حب هو الى بيفتح قلبنا ع دنيا كلها انغام واحساس صافي
    طبيعي عمرة مابيتنسي حتى لو مرت سنين ومحصلش لا قدر الله نصيب
    الست تختلف تماما عن الراجل في النقطه دي بالزات
    ممكن الرجل يحب حب صادق اكثر من مرة لكن الظروف احيانا بتكون معانداه وماشيه عكس ماهو بيتمنى
    فحصل فراق مابينهم مثلا
    ايون هيتعذب بس الحياه مش هتقف اكيد هيتعرف ع حد تاني بس صدقنى مش هيكون حب زى اول مرة طبيعي
    ايون هيكون بيحبها بس بدرجه تختلف عن المرة الاولى
    اما قولت حبها شبه مات احساسه
    ممكن نقول ان الحب دهوت اتمحور ع مدار السنين واصبح مجرد صداقه ع الاقل بالنسبه ليه هو
    بدليل انو رجع ليها وكان عاوز يفضف معاها
    ****
    احبابنا اختفو
    وظهر في حياتنا احباب تانين
    ايون هنحبهم وخلاص بقو كل حياتنا
    وفجاه ظهر الى كنا في يوم بنقول عليه حبي الوحيد
    اكيد هيمر قدام عنيا كل الحظات والايام الى قضيناها سوا يعنى وكل الذكريات الى كتبها حبنا وخلدها جوانا
    ساعتها
    مش بايدينا اننا نموت حب نقي وصادق وبجد جوانا
    لانو من الاول مكنش بايدينا اننا مش نحب اصلا
    لو بحب بصدق مش هموت حاجه علشان حاجه
    وبردو انت تريد وانا اريد والله يفعل مايريد
    يعني هي الحكايه كلها لعبه القدر
    الحب هيفضل موجود
    بس بدرجات متفاوته
    اكيد شخص ما هيكون محتل الجزء الاكبر من القلب وفي الغالب هيكون الشخص التاني
    اما الشخص الاول
    هيفضل ليه مكانه في القلب بس مش كل القلب
    هيفضل يقدر الشخص دة ويكن ليه كل احترام
    وهيصبح انسان غالي عندي اوى
    لو استطاع الشخص دة انو يرتبط بالى قلبه مختارة اوووى يعني
    اظن انو من الصعب ينسي الحب التاني دة
    وهياخد وقت اكيد وع حسب الشخص الى معاه ودرجه الحب والحنان الى متوفرة من ناحيته
    الحب معاشرة الحب حياااااااااه
    احسسسسسساس نقي
    احساس برئ صادق بيعلمنا الشفافيه
    بنشوف الدنيا ورديه وبعيون اطفال
    بنلحن باسمه اجمل الحان الوفاء والصدق
    الحب
    لحن العشاق درب الانوار
    عذااااااااب لذيذ


    ***************
    تحياتى

    ردحذف
  18. السلام عليكم

    بجد بجد موضوع مهم جدا وكل الاسئله اللى انتى سالتيها انا عايزه اجابتها

    لانى فعلا بسالها زيك بالظبط

    بجد عجبتنى اوى المدونه وفيها موضوعات جميله اوى

    تقبلى مرورى

    ريمان

    ردحذف
  19. وتظل مدوناتك متألقة ...

    لك عدة مواضيع أثارت انتباهي بالفعل وأعجبني ترتيب أفكارك بها ...


    تقبل فائق احترامي

    ردحذف
  20. بالبدء بحييك على طرحك لمواضيعك المميزة دائما
    واللي فعلا بتثير بالعقل عدة تساؤلات
    جوابي : الحب الحقيقي لايمكن يتنسي ولايمكن يموت وحتى لو صادف حب تاني بيكون الحب التاني حب ينسيه جراحه
    وممكن الحياة تستممر ويكون سعيد مع حبه التاني
    بس أبد لايمكن ينسى حبه الحقيقي


    وكل رمضان وأنت بخير

    ردحذف
  21. مش عارفه .. و اتمني معيشش التجربه و ابقي عافه الاجابه

    تحياتي للموضوع الجريء

    ياسمين

    ردحذف
  22. عزيزي
    همسه لذات روحك
    ما كتبه قلمك ونثره إحساسك
    من جمال ورقة مشاعر
    لم يتجاهل لأنه ليس ذو قيمه أدبيه
    ولكن لأنه نثر خاصه بذاتك
    فيا حبذا أن تسمح لي ان اسجل اعجبي بما طرحته يديك ..

    وهنا ننتظر فيض لكِ أجمل
    من إحساسك الصادق .

    لكِ ,, جل الود .

    ردحذف
  23. عزيزى
    ahmed_k

    معاكالرجل عنده القدرة يحب اكتر من واحدة لاكن المرأه لما بتحب بتحب فرد وصعب تحب اتنين الا لما يكون حبها للاولانى مات وانتهى وده طبيعة الرجل ودى طبيعة المراه

    ويمكن من حكمة ان الرجل ليه اكتر من زوجه وسبب ده وفى اسباب تانى برضوا

    بجد كلامك كله مظبوط واكيد برضوا ان لكل حب طعمة وحلاوته فى قلب الرجل

    نورتنى
    كل سنة وانت طيب ورمضان كريم

    سلااااااااااااااااام

    ردحذف
  24. عزيزتى
    kitty
    شوفى صح الحب مش كله طعم واحساس واحد ومستحيل حب حقيقى يتنسا

    ويمكن لما بنحب تانى نوع من انواع محاولة تخطى الحب الموجود

    واللى بيدور على الحب وبيحاول يقنع نفسه انه بيحب حقيقى نوع من الناس

    لاكن فى ناس مش بتخدع نفسها ابدا وعمره ما بيقول او يعترف بحب الا لما يكون حسه اوى

    وانتى بتقولى فى حلاوة حب ينسى مرارة حب

    لاكن انا بقولك فى حب بيضيع مننا وحب تانى يجى بنفس حلاوته يفكرنا بطعم الحب الاولانى ويخلينا نحبه بنفس قوة الحب الاولانى

    واكيد انتى كأمراه صعب قلبك يحس بحبيين بنفس القوة والحلاوة فى لحظة واحده لاكن الرجل يقدر ويحس بيهم احساس صادق وحقيقى

    نورتينى
    سلااااااااااااااااااااااااااام

    ردحذف
  25. عزيزتى
    سارة البحر

    انا معاكى الرجل ممكن يحب حب حقيقى اكتر من مرة واضيف واقولك وفى نفس الوقت

    ويمكن يكون الحب التانى يجى فى لحظة ضعف لاكن اللحظة دى هتعدى ويحس بحقيقته بعد كده

    لو مش حقيقى هيبعد عنه لو حقيقى هيتمسك بيه ويحسسه بحبه اكتر

    وانت قولتى الحب الحقيقى بيبان فى وقت الشدة

    واكيد الاتنين وجودهم تجربة فى حياته لو قدر يستغنى عن حب فيهم اكيد مش هيكون حقيقى

    لاكن تمسكة بالحبين بيوضح صدقه وانه بيحب الاتنين بجد

    ومش لازم تضيع لما تبعد شويه بس بيعرف صدق مشاعره

    وانا كمان بيسعدنى وجودك دايمن وبفرح بيه

    كل سنة وانتى طيبة ورمضان كريم

    نورتينى
    سلااااااااااااااااااااااااااااااااااااام

    ردحذف
  26. عزيزتى
    gehan
    معاكى الحب الحقيقى مستحيل يموت والظروف بتأثر فيه بس وممكن ما تخلهوش يكمل ويكلل بالزواج

    بس اكيد بدل حقيقى هيفضل موجود

    وانتى أهو قولتى هيفضل ليه شئ واحساس جوانا عمره ما هيموت لانه جوه روحنا وقلبنا ثبت واتحفر جواه

    نورتينى يا افندم

    كل رمضان وانتى بخير
    سلااااااااااااااااااااااام

    ردحذف
  27. عزيزتى
    عاشقة الحب

    انا مش عارف ليه شلتى تعليقك عندى

    يمكن تعلقى عندك وملاحظتى على التعليق ازعجك او ضيقك

    بس انا مقصدش اضيقك انا بس لقيت كلام غريب ومتناقض وحبيت افهم منك الحقيقه كاملة وبس

    وارد على كلامك ان الحب الحقيقى ميتنسيش وميتكررش
    اقولك انى معاكى انه ميتنسيش لاكن اظن انه ممكن يتكرر سواء للرجل او للمراه لاكن للمراه بيتكرر بس بيتمحا القديم ساعتها لاكن الرجل ممكن يحب حب وحقيقى وجواه حب حقيقى

    وعن تجربتك اللى حكتيها اقولك بدل كان حقيقى ازاى يضيع كده بسهولة اظن انه ميضعش الا لاسباب قهرية غصب عن الحبيبين

    نورتينى
    ومتزعليش على استفسراتى

    سلاااااااااااااااااااااااااااااااااااااااااااااااام

    ردحذف
  28. عزيزتى
    دنــــيــــــا مـحـيـرانـي(ده حالي اما اسمي ايناس لطفي
    شوفى انا معاكى انه ممكن يتكرر اكتر من مره

    ومش حكاية بنفس القوة لاكن اقول ان الطعم والاحساس بيختلف وممكن يكون بنفس المقدار لحبيبين بالنسبة للرجل

    وانا بختلف معاكى ان الرجل بيحب مره واحده

    واستشهادك بالرسول لان يمكن الرسول كان بيحب السيدة عائشه اكتر زوجة فى زوجاته

    لاكن ده ما ينفيش انه بيحبهم ايضا حب حقيقى او بيحب واحدة تانى منهم حب حقيقى لاكن السيدة عائشة اقربهم لقلبه

    واظن مش كل زوج بيتزوج مثلا على زوجته مش بيحبها حب حقيقى بس غريزة الرجل بتختلف عن المراه واحساسه بالمراه عموما بيختلف

    والموضوع مش جديدة وقديمة بالنسبة للرجل الموضوع احساس وطبيعة ويمكن الرجل ساعات غريزة الجسد بتشدة والرغبة

    لاكن فى رجاله احساسهم برضوا بيشدهم لامراه وهو بيحب ومتزوج من امراه اخرى

    نورتينى يا جميل
    وكل رمضان وانتى بخير

    ردحذف
  29. عزيزتى
    Coca

    ايوه كل حب مخلصيين ليه بيكون حب حقيقى بس المهم الاخلاص ده هيعيش ويفضل اد ايه وهينتهى ولا لأ

    شوفى انا عارف ان فى ناس طول ما هى عايشه بتحب وبتقابل حب لاكن فى ناس تانى بتحب مره واحده وصعب تحب بسهولة

    وانا هنا بتكلم عن الحب الصادق الحقيقى مش وهم بنحسه وبنفتكره حب حقيقى

    ومش معاكى ان الحب الحقيقى ممكن يتنسا لان الحب الحقيقى اللى بجد هيفضل عايش جوانا وعمره ما هيتنسا

    اللى بيتنسا الحب اللى بتقولى عليه اللى بيكون وهم انه حب حقيقى بس بينتهى ويروح ويعرف حقيقته لما يحب بجد

    ومعاكى ان لو القدر فرق بينا وبين حبنا الحقيقى صعب ننساه طول ما مفيش حب تانى تلاقينا بيه

    لاكن اكيد حتى لما بنلتقيه بيفضل حبنا الاول عايش جوانا وده مش معناه ان الحب التانى مش كبير

    بس اللى بيحب بجد ما يموتش حب علشان حب ولو كده ممكن يموت التانى علشان تالت والتالت علشان رابع

    وانتى بتتكلمى عن طبيعة كتير من البشر لاكن فى قليلين ونقول نادرين لما بيحبوا مش بيموت حبهم

    نورتينى يا جميل
    تحياتى
    سلاااااااااااااااااااااااااااام

    ردحذف
  30. عزيزى
    Ashref ezz

    وعليكم السلام

    كل سنة وانت طيب وبخير ورمضان كريم

    اه الحب ممكن حاجات تموته زى ما قولت الفقر مثلا بس مظنش انه حقيقى برضوا لان فى ناس كتير عايشه فى فقر وده مش بيمنع اتنين بيحبوا بعض يعيشوا جواه وسعداء وناس مش قادرة تعيش فى فقر حتى لو فى حب

    اقولك ليه لان فى شئ اقوى من الحب ده وبكده ميكنش حقيقى

    وزى ما بتقول حب الروح ده اجمل شئ والانسان اللى حبه مش بيقل ولا بيموت يبقى اكيد حب روح

    والايام والبعد بيأكدوا الحب الحقيقى وبيعززوا صدقه

    اما الاغنية يا اشرف باشا اللى طلبتها جميلة اوى بس علشان احطها لازم اكوت كاتب موضوع ينفع تكون اغنية

    نورتنى
    سلام

    ردحذف
  31. عزيزتى
    أمل فتحى عزت

    هحاول اخش الموقع اللى بتقولى عليه وافهم انتى عاوزه ايه وتقصدى ايه بكلامك

    تحياتى

    سلام

    ردحذف
  32. عزيزتى
    dina

    شوفى صح اللى بيحب بجد بيشوف اللى بيحبه احلا شئ وعمره ما بيحس ان انسان تانى احلا منه مهما قابل

    بس الرجل طبيعته فى الموضوع ده غير المراه الرجل حتى لو بيحب حب حقيقى ممكن يحس باحساس نحيت امراه تانى لاسباب كتيرة

    لاكن الست طبيعتها صعب تحس بحب نحيت رجل بدل قلبها موجود فيه حب لرجل تانى متقدرش تحب اتنين

    وربنا يقربنا من اللى بنحبهمويجمعنا بيهم

    كل سنه وانتى طيبة ورمضان كريم

    نورتينى

    سلااااااااااااااااااااااااااااام

    ردحذف
  33. عزيزتى
    عارفة مش عارف ليه
    وليد

    اه حتى لو الظروف صعبت تلاقى الحبيبين بيفضل عايش جوانا وعمره ما بيموت
    وانتى عارفه الظروف والقدر بتعمل ايه

    ومعاك لو حصل فراق بيفضل حلم اللاقا جواهم حتى لو فى دنيا تانى لو الاتنين فضل حبهم بنفس الاحساس حتى اخر عمرهم

    كل سنة وانت طيب ورمضان كريم

    نورتنى يا افندم

    سلاااااااااااام

    ردحذف
  34. عزيزتى
    مؤمنة

    وعليكم السلام ورحمة الله وبركاتة

    انتى ملكيش دعوى باى اجابة سواء فى البوست او التعليقات

    قولى اللى جواكى واحساسك بس

    نتفق الحب الحقيقى لا يموت
    نتفق برضوا الحب الحقيقى ممكن يتكرر

    واختلف معاكى باحساس الرجل والمراه فى موضوع الحب الحقيقى لان المراه صعب تحب مرتين فى وقت واحد
    الرجل ممكن يحب حب حقيقى وهو عايش مع حب تانى حقيقى بس اكيد بظروف معينة بتساعد على كده برضوا

    نتفق انه عمره ما يتنسا

    واتفق لو قدر ينسا يبقى مكنش حب حقيقى

    ولو مقدرش ينساه يبقا حب حقيقى وبجد

    وانتى فل وكلامك كله مظبوط تقريبا

    كل سنة وانتى بخير ورمضان كريم

    تحياتى
    سلااااااااااااااااااام

    ردحذف
  35. عزيزتى
    elsa7era


    ايه الكلام الجامد ده صحيح ما قل ودل

    متفق معاكى الاولينيين احمد ومنى كان حب حقيقى

    التانين مش حقيقى بس بلاش تظلمى طرف من الاتنين لان فى طرف ساب التانى

    واللى ساب وباع مكنش بيحب بجد اكيد لانه مهما كانت الاسباب لازم الحب ينتصر لوحقيقى وبجد

    نورتينى يا جميل
    كل رمضان وانتى بخير

    تحياتى
    سلااااااااااااااام

    ردحذف
  36. عزيزتى
    عروسة ننوسة

    اكيد الكلام عن الحب كتير ومش بيتشبع منه
    بس انا كان يهمنى رائيك برضوا
    واضافتك على كلامى فى البوست

    تحياتى
    سلام

    ردحذف
  37. عزيزتى
    R.O.U.R.O.U.

    صح الحب الحقيقى مش بيموت ولا بيتنسا

    بس المهم يكون حقيقى لان زى ما انتى شايفة زمنا بقه وحش وصعب يكون فيه حب حقيقى صادق

    كل سنة ورمضان كريم
    نورتينى يا جميل
    سلااااااااااااااااااااااام

    ردحذف
  38. حبيبتى
    رشا

    مش هعلق الا بكلمتين من اللى كتبتيهم

    اذا اردت ان تترك حبيبا فلا تترك له جرح
    فمن اعطانا قلبا لا يستحق منا ان نغس فيه سهما
    او نترك ليه لحظة تشقيه

    واظن ممكن نعرف من اللى بنحبه اننا لو تركناه هنسبله ايه

    جرح ولا شقا ولا ايه بالضبط

    اتمنى تفكرى فى كلامك
    وفى حبيبك

    سلاااااام

    ردحذف
  39. عزيزى
    كلام على بلاطة

    شكرا على كلامك

    بس رائيك مهم بالنسبالى

    نورتنى

    ردحذف
  40. عزيزى
    Gelaan

    وعليكم السلام ورحمة الله وبركاته

    كل سنة وانتى طيبة ورمضان كريم

    متشكر على كلامك اوى ويا رب دايمن تلاقى موضوعات تعجبك

    انا معاكى بس مختلف انه مش حكاية اول حب حكايه صدق اللى بيحب وطبيعته

    والمراه غير الرجل فهى بتحب بصدق وبروح وباخلاص اكتر من الرجل

    الرجل طبيعته وغريزته بتاثر فيه وتلاقي كتير راجل بيحب مراته وممكن يخونها لان غريزة الجسدغلبته

    وتلاقيه بيحب عليها لان غريزة الحب والقلب غلبته

    لاكن المراه لما بتحب بجد مستحيل تخون او تحب رجل تانى وعريزتها بتكون اضعف من روحها واحساسها بكتير

    واكد زى ما قولتى الحب عمره ما هيموت وحكاية ان الحب التانى هيكون اقرب لانه ممكن يكون هو قريب بجد وملموس فلازم يكون افرب

    بس الحب الاول موجود وقدره واحساسه برضوا موجود

    على العموم كلامك جميل اوى احيكى عليه

    نورتينى

    سلاااااااام

    ردحذف
  41. عزيزى
    حسام وريمان فى هاكونا مطاطا
    ريمان

    وعليكم السلام ورحمة الله

    وكل سنة وانتى طيبة رمضان كريم

    شكرا على كلامك الجميل على الموضوع

    بس كنت اتمنى اعرف رائيك برضوا وجواك على الاسئلة ورائيك فيها

    نورتينى
    واتمنا المواضيع تعجبك دايمن

    تحياتى
    سلااااااااااااااااااام

    ردحذف
  42. عزيزى
    Ehab

    يا باشا دايمن كلامك جميل وبتشجعنى

    بس كنت عاوز رائيك فى الموضوع بالذات الموضوع ده

    لانه مهم بالنسبالى

    منورتى دايمن
    تحياتى

    سلااااااااااااام

    ردحذف
  43. عزيزتى
    أنثى الخيال

    فينك يا افندم

    شكرا على كلامك الرقيق بلاش تحرمينى منه بقه
    اكيد الحب الحقيقى لايتنسا بس مش معاكى ان الحب اللى بعد كده مش بيكون حقيقى او بينسيه جراحه

    لان اللى بيعرف يحب بجد وحب حقيقى عمره ما هيحب حب وهم ومش حقيقى

    واكيد ممكن نحب حب حقيقى ويكون جوانا حب حقيقى ربنا مجمعناش بيه

    كل رمضان وانتى بخير دايمن

    نورتينى

    تحياتى
    سلااااااااااااااام

    ردحذف
  44. عزيزتى
    عاقلة فى ارض الجنون
    ياسمين

    اكيد محدش يتمنى تجربة ان حبه الحقيقى يضيع منه او يحب اتنين فى وقت واحد
    بس القدر ممكن يعمل فينا كتير

    نورتينى
    وك رمضان وانت بخير

    سلااااام

    ردحذف
  45. عزيزتى
    دينا

    يااااه ايه الكلام الجميل ده

    ده محتاج بوست لوحده

    متشكر على كلامك ورقتك

    ويا رب اللى اكتبه دايمن يعجبك

    كل سنة وانتى طيبة ورمضان كريم

    بس خدى بالك انتى مقولتيش رائيك ايه فى الموضوع

    نورتينى

    سلام

    ردحذف
  46. عزيزى
    كلام على بلاطة

    وانت دايمن بخير وسعيد

    معلش مأثر معاك

    خالص تحياتى

    سلااااااام

    ردحذف
  47. بجد كلامك رائع
    فعلا انا اعتقد ان الحب هو مالا يمكن ننساه ابدا
    وان كان حقيقيا فلا تخمد جذوته ابدا
    ولكن قد تحول الظروف دون اكماله

    ردحذف
  48. تصدق:
    إنت أكبر حيوان أعجم قابلناه فى حياتنا؟؟
    ياإبن الجزمه القديمه،وياإبن الحيوان ألأعجم:
    يظهر إنك ماتهدى إلا ماأحدآ يسبك أو يدوس على ديلك
    ياإبن الجزمة لولا إنى ما عندى نت كنت رديت عليك بما يمنحك السرور من سباب وتجريح
    ياإبن الجزمة مايهدى بالى إلا وانت فى أسفل سافلين
    هاقول ماأراه من وجهة نظرى،دى حرية رأى ياإبن الجزمه
    أوعى تفكر إن إرهاب ألإسلام راح يخوفنى
    دى تربية قاصرة تعودتوا عليها إنما الناس إللى عندها حرية رأى ماتحترمكم
    ياإبن الحيوان سأطاردك أينما كنت
    باى باى ياجاهل..ياحيوان أعجم..يا مسلم

    ردحذف
  49. عزيزي كلام من جوه روح لكل روح
    السلام عليكم ورحمه الله
    لا اعتقد ان الحب الحقيقي يمكن نسيانه
    حتي وان كان الفراق يسبب الجفاء يبقي في القلب اثر
    لكن من وصل الي مستوي الحب الحقيقي??!!
    اعرف اناس كانوا يذبون حبا في بعض وفجأه تغيرت قلوبهم
    وعن الرجل وقلبه نعم الرجل يستطيع ان يحب اكثر من واحده وان جمع بينهم قلبه حينها سيحب واحده
    ملاحظه: عندما كنت اقراء البوست لا ادري لماذا تذكرت فلم اين قلبي ل شكري سرحان ومريم فخر الدين (كم احب هذا الفلم)
    سعيده جدا لتشرفك مدونتي المتواضعه :)

    ردحذف
  50. عزيزتى
    ان
    جى
    معلش اتاخرت فى ردى عليكى
    وانا معاكى الحب الحقيقى عمره ما يموت

    وحتى لو الظروف منعت اكتماله
    لو حقيقى هيفضل عايش جوانا مش هيموت ابدا
    كل سنة وانتى طيبة
    وعيد سعيد

    تحياتى

    سلام

    ردحذف
  51. لوووف
    طظ فيك
    وكويس انى بحرق دمك

    ردحذف
  52. عزيزتى
    سارة
    شكرا على استجابتك السريعة وانك جيتى تشوفى البوست

    وانا بشوف ان الحب الحقيقى مش بيموت ابدا لو كان حقيقى بجد هيفضل عايش جوانا


    والالى يتغير قلبه اكيد حبه مش حقيقى لان الحب الحقيقى بيتحفر فى القلب وصعب يتغير


    والرجل ممكن يحب اكتر من واحده ودى طبيعته التعدديه غير المراه فحبها لرجل فقط

    بس اكيد الحب حجمه بيختلف من واحده لوحده

    انتى تقصدى فليم رد قلبى صح


    مش عارف ايه الصلة بينه وبين البوست

    بس انا احب هذا الفليم جداا

    ومدونتك رائعه ودائمن سازورها

    نورتينى
    سلام

    ردحذف
  53. ممممممممم.....مش عارفة....بس ممكن ساعتها نسيب اللى يحكم القلب و الاحساس....انا كنت دايما بقول ان الحب الحقيقى صعب يموت او حتى صعب نحب بعده انما فى نماذج فى الدنيا حوالينا بتحب مرة و اتنين و تلاتة و كله حقيقى و بجد......بصراحة مش عارفة

    ردحذف

جربت اطير بجناحى مطيرنيش


قولت اقصه قلبى مطوعنيش



فضلت عايش يا خسارة بجناح ميت



والقلب حى نفسه مره يطير ويعيش

يا......... عالم

;

مدوناتى واللى فيها أتفضلوا (حسام)