مهما أتغير الزمان
وكنا فى أى مكان
هيفضل الرجل ليه طبيعته
والمرأه هيفضل ليها طبيعتها
وعمر الرجل ما هيحب زى المرأه
ولا عمر المرأه هتحب زى الرجل
لأن نظرة الرجل للمرأه
عمرها ما هتكون
زى نظرة المرأه للرجل...فهمتم حاجه
مبروك
نور…راجل
بوسى..أمراه
نور…حب بوسى
بوسى..حبيت نور
نور… حب بوسى ليه
شكها حلو وعجبته
قلبها حلو وعجبته
شخصيتها حلوه وعجبته
بوسى… حبيت نور ليه
عقله حلو وعجبها
شخصيته حلوه وعجبها
قلبه حلو وعجبها
الاتنين خبه بعض
الاتنين اتجوزا بعض
نور… بيحب بوسى أوووى
بوسى.. بتحب نور أوووى
نور… لانه راجل
عينيه سهل تزوغ
بوسى.. لانهاأمراه
عينيها صعب تزوغ
نور...لانه راجل
ممكن واحده تعجبه ويتمناها
بوسى..لانها أمراه
ممكن تعجب بواحد بس ما تتمنهوش
نور…لانه راجل
ممكن يخون بوسى مع انه بيحبها
بوسى ..لانها أمراه
صعب جداااااا تخون نور لانها بتحبه
تفتكروا مين الرجل ومين الست
بوسى..بتكبر
نور…بيحب بوسى لسه
بوسى..بتحب نور لسه
نور…حبه لبوسى بيكبر مع الزمن
بوسى..حبها لنور بيكبر مع الزمن
نور… لانه راجل
شاف ان جمال بوسى
قل وابتدا ينطفا
بس قلبها وشخصيتها
لسه جمالهم زى ماهما
نفتكر نور حب بوسى ليه
شكها حلو وعجبته
قلبها حلو وعجبته
شخصيتها حلوه وعجبته
بوسى..لانها أمراه
شايفه ان جمال نور زى ما هو
بس قلبه وحبه أنطفا
بس عقله وشخصيتة
زادوا جمال وقوة ونضج
نفتكر بوسى حبيت نور ليه
عقله حلو وعجبها
شخصيته حلوه وعجبها
قلبه حلو وعجبها
فاتت سنين تانى
نور… لانه راجل
شاف واحده عجبته
فكر فيها بس قدر يبعد عنها
بوسى..لانها أمراه
شافت واحد عجبها
بس ما فكرتش تقرب منه
نور وبوسى لسه بيحب بعض
فاتت سنين تانى
راجل وست
نور...لانه راجل
لسه شايف ان جمال بوسى
بيقل وابتدا ينطفا أكتر وأكتر
بس قلبها وشخصيتها
لسه جمالهم زى ماهما
بوسى..لانها أمراه
لسه شايفه ان جمال نور زى ما هو
بس قلبه وحبه أنطفا أكتر
وعقله وشخصيتة زادوا جمال
وقوة ونضج أكتر وأكتر
نور...لانه راجل
شاف واحدة عاشرعجبته
فكر فيها بس مش قادر
يبعد عنها وقرر يتجوزها
بوسى..لانها أمراه
حبها لنور بيكبر وعمر ما حد
يملا عينيها الا حبيبها
نور هو كل حياتها
نور…لانه راجل
عاوز يتجوز اللى ابتدا يحبها
ولسه بيحب بوسى
بوسى..لانها أمراه
برضوا بتحب نور
ومش عاوزاه يتجوز غيرها
نور …لانه راجل
جواه صراع بين حبه القديم
اللى عايش جواه وجمال حبه الجديد
اللى ابتدا يكبرويتغلغل جواه
بوسى..لانها أمراه
جواها صراع تانى
بين حبها لنور وكرامتها
انها ترضى بوجود زوجه تانيه
نور… لانه راجل
لانه بيحب بوسى
بيحاول يقنعها
وترضى بزواجه
بوسى ...لانها أمراه
لانها بتحب نور اوى
محتارة تقبل بزوجه تانيه
ولا تطلب الطلاق بس
أخيراهتصمم على الطلاق
نور …لانه راجل
قصاد جمال وشباب الحب الجديد
أبتدى ينسا الحب القديم
بوسى ..لانها امراه
قصاد كرامتها وصدمتها
صممت أكترعلى الطلاق
وتم خلاص أخيرا الطلاق
نور… لانه راجل
عايش سعيد مع الحب الجديد
وذكرى الحب القديم بتمر
كالبرق لحظات قليله
بوسى…لانها أمراه
عايشه بتتعذب ولا عارفه تحب
ولا تتحب لان ذكرى الحب القديم
معاها على طول
ليه نور عامل كده
وبوسى كان مستحيل تعمل كده
نسيت نور…ده راجل..وبوسى...دى أمراه
تفتكروا نور ممكن حبه لبوسى
يرجعه ولا حبه الجديد هينسيه
حبه القديم متنسوش نور ده راجل
طب بوسى ممكن تنسا
حبها لنور طيب لو حبيت
ممكن تحب حد بنفس حبها لنور
متنسوش بوسى دى أمرأه
مش معظم الرجاله نور
ومعظم الستات بوسى
طلب هام جدااا بالنسبالى
تقيم الموضوع بدرجة من عشرة ممكن
نور مادام قدر يبعد عن بوسى يبقى خلاس
ردحذفمش هيفكر يرجعلها تانى
وبوسى هتتعذب شوية ويمكن كتيييييييييييييير بس مادام اختارت كرامتها من الاول يبقى هتكل فى اثبات كرامتها
المدونة لذيذة والموضوع لذيذ
تاخد ياسيدى
8
من
10
السلام عليكم
ردحذفمستحيل اي انسان
( بكل ما تحملة الكلمة من معني)
أنه ينسي حب عاشة
استحااااااالة
مهما نور راح و جه
او اتجوز
مش معقول ينسي بوسي اللي حبها
و عاش معاها علي الحلوة و المرة
و بوسي مهما كرامتها تعبتها
و كابرت
و قالت نسيته
كدب طبعا
عمرها مهي تنسي حبها
و لا ذكرياتها معاه
،،،،،،،،،،،،،،،،،
البوست عجبني جداااااااااا
و الله
التسلسل و طريقة العرض
بأمانه 10\10
ربنا يوفقك دايما
تقديري
:)
الموضوع فظيع حقيقي ياخد عشرين على عشرة بدون مجاملة ولا تزويق اصلة موضوع بيحصل كتيييييييييير وانت كتبتة بطريقة حلوة قوي
ردحذفانت عارف انا لو مكان بوسي مش هاطلب الطلاق وهاسيبة يتجوزها لسببين
الاول
ممكن تطلع مش كويسة او مش مريحة زيي فيعرف قيمتي ويقول حقي برقبتي وممكن تطلع كويسة واحبها انا كمان
الثاني
اني مش ممكن بعد السنين دي كلها اني احب من جديد
تحياتي وفي انتظار الجديد
عزيزي حسام
ردحذفلتاني مرة بقولك الف الف مبروك على البلوج الجديد
وبجد بداية تجنن الموضوع جميل اوي اوي ياحسام وانت صغته بطريقة حلوة اوي وفيها تشويق بجد حلو اوي وعجبني جدا جدا
بس بوسي لازم تطلق طبعا وخلي نور الراجل تنفعه الجديدة دي وخلي عينيه الزايغة تنفعه واللى ملوش خير فى مراته الاولى عمره ماحيبقى ليه خير فى اي حد جديد بس لو كان بيحب مراته زي ماامنت قولت
لكن ممكن يتجوز واحدة مش بيحبها ويبقى جواز عادي ويحب بعد كده وساعتها بقى حيبقى سعيد
لكن ده راجل عينيه زايغة ولو بوسي سامحته مرة واتنازلت عن حقها مرة تبقى هانت كرامتها وساعتها تستاهل انه يفضل يهنها طول عمرها لانها قبلت من الاول
انا راي لازم تطلب الطلاق وتصر عليه
واطمن ياحسام نور حيندم اكيد بس بعد فوات الاوان بقى
بجد موضوع حلو اوي وبداية قوية جدا منك الموضوع 10 من 10
وده بجد ومن غير تزويق انت عارف انت اكتر واحد الواحد ماينفعش يجاملك مااللي بتعمله فينا يعني هههههه
اولا مبروك ع المدونة الجديدة وربنا يجعلها فتحة خير ان شاء الله
ردحذفثانيا الله يطمنك بجد
:D
10/10
وكل سنة وحضرتك بكل خير
كان المفروض تعمل دعاية اكتر من كدة انا معرفتش الا بالصدفة البوست طويل ومحتاج تركيز منى اكتر من كدة وهرجع له تانى .. مبروك بس احساس برضه حى حيلغى احساس لسة حى ولا ؟؟؟
ردحذفمبروك يا صديقى العزيز على المدونة الجديدة فهمت طبعا البوست أنت بتقول الواقع
ردحذفمستنيه ردك على تعليقى عندى
والله وصفت وصف في الجون ياحسام باشا يابني
ردحذفشوف يا سيدى
ردحذفانت لمست موضوع مهم جدا وبيوجع جدا..لانة حقيقى جدا جدا جدا
ودى طبيعة معظم البشر
فكلنا بوسى...وكلهم نور
و20على 10
تمنياى بدوام التميز
بصراحة بصراحة بوست بجد فى الجون
ردحذفمثال من المجتمع وبيتكرر كل يوم
بوسى ونور اتنين فى المجتمع ومنهم كل يوم رجل وامرأة ودائما وابدا فى علاقة جدلية غير مستقرة ولن تستقر
بجد بحييك ومن غير تحيز 10/10 ونجمة كمان
تحياتى وفى انتظار المزيد
هبة
بوست ممتاز
ردحذفبس انت جي ع الرجالة اوي ياريس
هو بص انا اقدر اقولك كان ممكن يختصر نوعا ما
بس هو ممتاز
تحياتي
انا اقيم الموضوع بدرجة امتياز
ردحذفوده لانك اخترتى مثل من الحياه كلنا عرفنا تفاصيله
عندما تحب المرأة فهى تحب الرجل بكل تفاصيله - ادق تفاصيله
وعندما يحب الرجل المرأة فهو يحبها جملة ان توتال يعنى ون باكيدج
بوست يجنن والمدونة دى والتانية كمان لهما مذاق خاص
تحياتى واحتراماتى
الف مبروك على المدونه الجديده
ردحذفمبروك لنا
البدايه قويه ماشاء الله
البوست 10 على 10
احييك على اختيارك نور وبوسى لتقريب الصوره
بس بوسى ونور الاتنين
كبروا فى فى السن اقصد التقدم فى السن
للطرفين مع احتفاظ بوسى بجمالها
احيانا بيكون فى اسباب تانيه
غير ظهور حب جديد مثلا شويكار وفؤاد المهندس انفصلوابدون ظهور
حب جديد
.ممكن بيكون فى مشاكل
او بيكتشف احد الطرفين
ان الطرف التانى انانى او به
عيوب لكن بيقدر يتحملها
لكن بيجى وقت ويكون
الكيل فاض
فى الاول الطرفين بيتحملوها علشان الاولاد
والشكل الاجتماعى
احيانا يسافر رب الاسره هربا
من المشاكل والظاعر امام الناس
من اجل المال والله اعلم
تحياتى لك
السلام عليكم
ردحذفالموضوع ياخد 8 من عشره
لإني مقتنع ان بوسي مادام نور هان كرامتها وطلقها هتنساه مع الزمن بسبب انه هان كرامتها اوي
ومننساش برضه ان المرأة انسانه وليها كرامه
وفعلا بوست جميل
بص ياحبيبى بوسى ونور الشريف
ردحذفانت تقصد
شكلك
ولاصدفة
على العموم
نور
بيحب بوسى
وبوسى بتحب نور
سلامات
مع تحياتى
تحليل جميل مقدرش أقول حاجه عنه
ردحذفبس أحبطنى اوى
تعرف بعد كده البنات تختار الرجل ألى فرق العمر كبير عشان يفضل على ما هو عليه
حقيقى أنتى قدرت تزعزع ثقتى فى الرجل
بس مش فى زوجى عشان فرق العمر ألى بينا فى صفى
و بعدين هو أنتى مدرس و لا أيه
حكايه التقويم دى بتقلل من عمق كلامك
سيبك منها معنتش تطلبها تانى
كلامى ده نابع من أحساسى بان كلامك رائع جدا و مش محتاج تقيم من حد
السلام عليكم ورحمة الله وبركاته
ردحذفمش مصدقه ان دى ممكن يحصل فى الواقع لمجرد ان دى راجل ودى ست
الناس مختلفه مش كلهم زى بعضهم الاصيل ما يعملش كده وان كان بيحبها بجد لما تمر عليم السنين هيزيد جمالها فى عنيه
وكله بيتوقف على الشخصيه
طب ما ممكن الست تعمل كده لو شخصيتها تسمح ليها بكده وممكن الرجل ما يعملش كده لو شخصيته ما تسمحلوش بكده لو كانت فعلا حبت عقله بعقلها وقلبها
الموضوع جذاب شديد الجاذبيه فى شد الانتباه
حلو فى التسلسل
اديله
10\8
دى بس عشامن مش الكل زى بعضه وما يجتمعش الحب والخيانه فى ان واحد
وقبل ما نسى ألف ألف مبروك على المدونه الجديده وان شاء الله تكون جديده فى كل حاجه
والسلام عليكم ورحمة الله وبركاته
مبروك الافتتاح
ردحذفبوست حقيقي جامد اوي
اجمل من البيبسي والجاتو
==================
نور وبوسي في منهم كتير
بوسي عمرها مهتنسي حب نور ولا هتنسي جرحها منه
بس نور اكيد هيرجع لبوسي....اللي حصله ده مجرد نزوة
بوسي بقي ممكن تسامحه يعني مش هتنسي الجرح
بس هتداويه بذكريات نور الجميله
اما لو مرجعلهاش فمستحيل بوسي هتلاقي نور غيره
يارب بقي نور يرجع لبوسي
======================
بجد بوست جميل جدا 9\10
تحياتي ليك
السلام عليكم
ردحذفمممممم
هى فعلا مشكلة واقعية جدا وبتحصل كل يوم ويمكن فى كل بيت
ونفسي اعرف ليه اشمعنى نور بيقدر يحب وبوسي لا؟
مش معقول علشان هو راجل وهي ست
ليه ؟
هو الحب الحقيقي ممكن يختلف ؟
اعتقد الحب اللى بيصحبه اخلاص ميهزهوش اى حب عابر جديد
بس كان لازم بوسي تختار كرامتها حتى لو مش نسيت بس هو ده الاختيار الصح
خلي حبه الجديد ينفعه بقي
بالنسبة للبوست ممكن اديه 8 من 10
تقبل مرورى الاول بمدونتك :)
أظن ومش عارف ليه إن الأتنين غلطانين
ردحذفبوسي لأنها لم تهتم بإبراز مميزاتها زي شخصيتها مثلا فتطغي علي ما بدا يبهت عندها من جمال
نور لانه أستسلم للحب الجديد ونسي بوسي بالرغم من أنه عارف إن بوسي مستحيل تنساه لأنها إمرأة
كلامك العادة يا حسام مية مية بجد
ردحذفبديك9 من عشرة....فعلا مفيش امان لحد فى الدنيا....دول كانوا اسمهم العاشقان....وفى الاخر اهو الحب ده راح ادراج الرياح....مفيش حب بيعيش فعلا
وبالنسبة لبوسى ...انا اعتقد انها شخصية قوية ومش ممكن ترجعله تانى ...وهو متجوز واحدة تانية....واصلا لو مكانها مارجعلوش تانى....اللى يغدر مرة ممكن يغدر الف مرة ..وخلاص هيكون وقع من نظرها
مهما كان قلبها لسه بيحبه ومسامحه ..
اسفة على الغياب الطويل...ومبروك على بلوجك الجديد
تحياتى
8 ينفع؟
ردحذفمش سبب إن نور راجل يبقى يحق له يجرح بوسي اللي كل ذنبها إنها امرأة
ومش عشان هي امرأة تبقى تسيبه يروح لغيرها بعد الحب دة كله
الخلاصة
الراجل غالباً عينه زايغه
والمرأة غالباً هي الضحية والطرف المضحي وأكتر شخص بيتعذب في الموضوع
(غالباً مش دايماً يعني)
مبروك الافتتاح
:)
نوني
100 من عشره
ردحذفيعني رائع شويه علي الموضوع
مش عارفه ليه الست دايما بتفضل عايشه بالحب والراجل حتي ولو بيحب بيخون
مش عارفه
بجد تاااخد 9 /10
ردحذفالفكره ذات نفسها حلوه اوى
ضايقنى شويه الخط الكبيييييييييييير ده
هههههههههه
بس طريقه الكلام و الافكار كانت بجد حلووووة
ممممممم
نور ..خلاص عاش حياه تانيه و قدر ينسى
بوسى يا عينى هتتعب كتيييييير .. فى الاخر برضوا هتنسى ..:)
مش شايف انك ظلمت نور كثير ..
ردحذفبس الموضوع كثر حلو
تقييم من واحد لعشرة 7
على فكرة موضوعك فعلا لذيذ
ردحذفصياغة جديدة شديتنى
بس ازاى تقولى لانه راجل اكيد تقصدى ان دى صفه الرجال
وفى الاخر تقولى مش كل الرجاله نور
دى فيها مشكله بس الناس كلهم اللفظ اللى ممكن يعمم عليهم ايا كان رجل او امراه انسان
فيه وفيه راجل او ست
موضوعك حلو حكايه التقييم مش عارف ممكن 7
يلا سلاااااااااااام
اشوفك بين حروفك
اولا انا سعيده جدا اني اتعرفت علي مدونتك الواضح انك انسان ذو افكار ممتازة ثانيا انا اديك 20/10ممتاز اجمل ما في الموضوع انه خارج من عيون رجل يعني منصف جدا و ووضحت لؤيتك و تقيمك الممتاز لطبيعة الرجل و الست بجد اهنئك بشده و موافق اوي علي رايك ان نور مش كل الرجال و بوسي زي اغلب الستات
ردحذفتحياتي يا حسام معرفه طيبه بينا ان شاء الله
احساس برضو حي
ردحذفالسلام عليكم ورحمة الله وبركاته
الف مبروك المدونة الجديدة وان شاء الله تتوفق فيها وتقدم فيها كل ماهو هادف
جميل البوست بتاعك وبيناقش قضية تكاد تكون سايدة ف الزمن ده .. كان محيرني سؤال .. ليه بيحصل كده أحياناً ؟ وليه بعض الرجال بينتابهم نوع من الملل أو رغبة ف التغيير أو التجديد أو اتشبث بتلابيب الزمن والرغبة في ارجاع عقارب الساعة للخلف واستعادة الشباب من جديد وطبعا ده مش ح ينفع مع الرفيقة الحالية لأنو بيكون راحت عليها ورسم الزمن خطوطه على ملامحها .. يقوم يدور ع غيرها وف نفس الوقت يدعي انها مازالت ليها نفس المكانة بداخله .. ليه ؟؟
انت جاوبت ع السؤال ببساطة ياحسام
لانه هو راجل يقدر يعمل كده .. وهي إمرأة ومش ممكن تعمل كده
جميل البوست وعجبني جدا الفكرة اللي وراه
تحياتي ليك
هايدي
عزيزتى
ردحذفهمسات
شوفى مش كل اللى يبعد عن مراته مش بيرجعلها بالعكسفى بيعرف قيمتها اكتر وبيرجع يحبها اكتر من الاول
وبوسى بقه مش هتتعذب شويه دى عذابها كبير وكتير مش امراه وبتحب بقه
شكرا عى كلامك ويارب يعجبك اللى جاى
سلااام
عزيزتى
ردحذفولاء
شوفى نور لو حب التانيه اكيد هينسا بوسى لانه راجل ودايمن بيقدر يحب تانى
اما بوسى اه مش هتنساه وحتى لو ارتبطت مش هتحب اى حد زى حبها لنور
تحياتى يا افندم
سلاام
عزيزتى
ردحذفشوهى
شكرا على الدرجه دى بدل بدول مجامله وحسيت بالكلام اوى كده
انتى بقه عسل ومعاكى حق فى كلامك لانك هتعرفى لو كمل معاها وابتدا يبعد عنك يبقا حبه ليكى كان مش حقيقى وبجد ولو مقدرش يستغنى عنكى ورجعلك كده تتاكدى انها نزوة وانه بيحبك قوى وعرف قيمتك واكيد رجوعه دليلى على كده
لانه محدش بيعرف قيمة الشئ الا لما يجرب غيره ويدوق وحشته بقربه منه
تحياتى يا باشا وعيد جواز سعيد دايمن
سلاااااام
عزيزتى
ردحذفكلام من القلب
اتانى مرة الله يبارك فيكى
يارب اللى بعد البدايه يعجبك بس مظنش
اه انتى عاوزه تشعليليها تطلق والرجل تنفعه الجديده طيب وقلبها وحبها مش الاحلى تتمسك بيه وتحاول تخليه يرجعلها
ولو على انه راجل عينيه زايغه يبقا مفيش امراه تتجوز احسن لها
شوفى بقه هو ممكن يكون سعيد مع الجديده بس مش هيوصل لسعادته مع بوسى ابدا
وبوسى عمرها ما هتقدر تنساه خالص وعارفه لو طلق الجديده وحاول يرجعلها هترجعله لانها امراه وبتسامح لحبيبها اى شئ بدل رجعلها وطلب السماح
تحياتى يا قمر انا عارف انتى مستنيه غلطه ليه وتدينى
بس ضرب الصديق العسل اللى زيك كانى بأكل ديك وكمان رومى يلا
سلام يا عسل
عزيزتى
ردحذفانسانه
الله يبارك فيكى يا افندم
وربنا يطمن الجميع على دنيتهم واخرتهم
شكرا على الدرجه كتير على
وانتى دايمن طيبه
سلام
عزيزتى
ردحذفbocycat
انا عملت دعايه كبيرة اوووى انتى اللى مش متابعه اعلانات التليفون ولا الجرايد معلش المره الجايه هزود الميزانية
وطبعا مش هيلغى احساس لسه حى ده حبى الاول
مستنيكى ترجعى بعد التركيز وتقولى رائيك
تحياتى يا افندم
سلاااام
عزيزتى
ردحذفعاليا حليم
الله يبارك فيكى يا قمر
واكيد بحاول اقول الواقع دايمن
ودايمن متواجد عندك بقدر المستطاع
تحياتى
سلام
عزيزتى
ردحذفtruelove
متشتشكر اوى كنت خايف تطلع اوت ولا كورنن
متشكر يا افندم
سلام
عزيزتى
ردحذفsa7arkash
شوفى انا موفقك كلنا نور وككم بوسى
بس الستات من جواها بتنكر كده وبتحاول تتجاهل الحقيقه دى
شكرا على تعليقك وكلمة التميز
تحياتى يا قمر
سلااام
عزيزتى
ردحذفDoba
اهه بيتكرر كتير ودايمن هيتكرر حتى لو كل الرجاله حبيت زوجتهم
دول رجاله عيونهم زيغه طبعهم كده
واكيد مفيش استقرار دائم
ممكن اخد نجمه كمان اكون ملازم
تحياتى يا افندم
سلاام
عزيزى
ردحذفالقلم السكندري
انا جى على الرجاله فى الحق والعدل
واكيد انتا فاهم انتا ايه بيحركك مع الحب نحيت المراه
مينفعش يختصر اسيل ايه بس ده انا اختصرت كتير منه
وانا راضى بجيد حتى مش ممتاز
سلااام
عزيزتى
ردحذفكاميليا
اكيد المراه بتحب الرجل بكل تفاصيلهوبكل كيانها لاكن الرجل بيحب المراه بكل تفاصيلها وبجزئ من كيانه
وبكده بيعرف يحب غيرها لما غريزته تحركه
سلااااااااام
عزيزتى
ردحذفklmat
يا رب تفضل قويه على طول فى عنيكى واحساسك اه معاكى فى اسباب تانيه للانفصال ساعات بس لو بيحبوا بعض اكيد لازم يكون طرف تالت السبب
وكمان اكتشاف العيوب مش بيحصل بعد السنين دى كلها من الزواج
واكيد ناس كتير بتتحمل زواج وبتكمله علشان اولادها
بالذات المراه بتتحمل كتير علشانهم
تحياتى ردك بيقول انك بتفكرى وبتحللى تحياتى يا جميل
سلااااااااااااام
عزيزى
ردحذفWhItE HeArT
انا متعرفش المراه كويس واحساسها بالحب ازاى تنسا ميين دى لو ارتبطت برضوا هتفضل فكراه وجوه قلبها
اه كرامتها وجعها وطلبت الطلاق ولولا حاجات كتير كانت تقبل بزوجه تانيه
تحياتى
سلام
عزيزى
ردحذفWhItE HeArT
انا متعرفش المراه كويس واحساسها بالحب ازاى تنسا ميين دى لو ارتبطت برضوا هتفضل فكراه وجوه قلبها
اه كرامتها وجعها وطلبت الطلاق ولولا حاجات كتير كانت تقبل بزوجه تانيه
تحياتى
سلام
عزيزى
ردحذفdoha
بس يا حبيبى انا عارف
ان نور بيحب بوسى وبوسى بتحب نور
ايه تعليقك بقه على البوست هيرجعوا لبعض ولا لا
سلااااااااااااااااامات
عزيزتى
ردحذففى القلب
شوفى مفيش احباط لان اه الرجاله عيونهم زايغه بس الاقدام على الزواج صعب عليهم
يا اما علشان الماده يا اما علشان الخوف يا اما ملقاش اللى ترضا بيه كزوجه تانيه
والموضوع ملهوش دعوى بالسن بس
السن جزئ لاكن الاساس هو غريزة الرجل اللى بتحب المراه اى امراه
اوك هلغى التقيم فى حاجات كتيره علشان خاطرك بس فى حاجات هطلبها لشئ فى نفسى
شكرا على كلامك الجميل ده
تحياتى يا قمر
سلاااااااااام
عزيزتى
ردحذفمؤمنه
لا صدقى وده راجل ودى ست والاتنين مختلفين
اه عارف مش كل ست زى التانيه ولا كل راجل
بس اللى غير كده استثناء وانا لما بتكلم بتكلم عن الاغلبيه
يا افندم حب الرجل غير حب الست
علشان ده بيحصل من الرجل ومش بيحصل من الست
سلام
عزيزتى
ردحذفam i kind
انتى مخدتيش ليه بيبسى وجاتوه كان خلص اكيد انا شايل شويه ليكى تبقى خديهم
هى مش هتنسى حب نور ولا جرحها منه بس لو رجعلها يقدر ينسيها اى شئ بحبه
النزوه ممكن متنتهيش حسب شخصيتها وحبها لنور اما ذكريات نور الجميله مش هتسعدها هتوجعها اكتر
هتلاقى ممكن نور غيره بس مش هتحبه اد حبها لنور
ويرجع لبوسى والتانيه مش هتزعلى عليها
شكرا على تعليقك
سلااااااااام
عزيزتى
ردحذفكفايـة طيبـة
بتحصل كل يوم معاكى بس مش كل بيت لان الحاله الماديه ضنك خالص على الرجاله
اكيد بيحصل كده علشان فى فرق بين مشاعر المراه والرجل واكيد فى اسباب تانى ممكن يحصل منها برضوا بس الرجل دايمن هو اللى دايمن بيكون الاساس
والحب العابر فى حيات الرجل اكتر من المراه دايمن وبوسى اختارت كرامتها يمكن غصب عنها بسبب المجتمع ونظرته
واكيد لو حبه الجديد صادق هيسعده
طبعا مرورك يشرفنى يا افندم
سلااام
عزيزى
ردحذفشباب روش طحن
شوف مفيش حاجه اسمها الاتنين غلطانين لان فى حد غلطه اكبر والحياه مفهاش اخطاء بين اى اتنين
والموضوع مش ابراز مميزات بعد الفتره دى كلها
دى تفاسة رجل بس
تحياتى
عزيزتى
ردحذفNeRmeeN
شكرا على كلمة كالعادة
الدنيا فيها بعض الامان والرجاله كده
هو راح بس بالنسبالها مش ادراج الريح
شوفى الست مش بتشوغف النظره دى وتقول كلامك اللى يغدر ممكن يغدر تانى
بتقول دى نزوه وعديت وانتى لما تحى وتتجوزى هتقولى زيهم كده
وممكن تسمحيه بس لو بتحبيه
تحياتى والغايب عنده عذره يا قمر
سلام
عزيزتى
ردحذفNoony
اى شئ ينفع انا هختار برضوا اللى تدهولى مقبول مهما كان
عارف مش سبب علشانراجل يعمل كده بس علشان راجل ممكن يعمل كده وزى ما بتقولى الراجل عينه زايغه
والمراه مش ضحيه ولا شئ لان امراه برضوا بترضى تكون زوجه تانيه
الله يبارك فيكى يا قمر المهم يعجبك دايمن
سلام
عزيزتى
ردحذفcoca
كتير اوووى الدرجه دى كلك رقه يا قمر
لان الست احساسها ومشاعرها اكتر شفافيه وروحيه لاكن الرجل مشاعره اكتر غريزيه وجنسيه طبيعه فى الاتنين وهى مش بتقدر تعمل غير كده وهو بيعمل كده
ارجوا خلافى مع صديقتك مياثرش فى ارائك نحيتى
تحياتى
سلام
عزيزتى
ردحذفcatroz
الفكره وطريقة الكلام والافكار كتير على كل ده يعجبك يا افندم
الخط صعب اصغره مش كله نظره زى سياتك يا قمر 5علشان الحسد
اه هو عاش ويقدر يعيش سعيد من غيرها هى صعب تكون سعيده من غيره
ربنا يهدى
سلام
عزيزى
ردحذفMohamed
نور مش لوحده اللى بيعمل كده وانا مش بهجموه انا بقول انه عمل كده لانه رجل بس
ششكرا على تعليقك
سلام
عزيزى
ردحذفmohamed2
اول شئ انا راجل يا معلم
وانا عارف ان مش كله زى بعض وفى ناس بتختلف بس انا بتكلم على الاغلبيه يا باشا وسيبك من قله
شكرا على كلامك الجميل نحيت الموضوع
اكيد حروفى هى انا
سلام
عزيزتى
ردحذفدنــــيــــــا مـحـيـرانـي
طبعا متشكر على تشريفك ليه
والله يبارك فيكى يا رب
اه الاجابه زى ما قولت ومش عارف يا دنيا اغضب على الرجاله ولا ملمهمش لان الطبيعه سبب كده طبعهم كده يعنى عريزتهم بتحمهم شويه
اكيد فى حب مش بياثر فيه اى خطوط زمنيه بس ميين يلقيه
شكرا يا قمر على رقتك
سلام
عزيزتى
ردحذفارسم بالرصاص
الله يبارك فيكى يا هايدى
هو مش ملل ولا رغبه فى استعادة الشباب بس
هى غريزه ورغبه نحيت امراه يمكن جملها بس ميزتها فى عينيه بس الجمال يكفى الرجل لكى يحب امراه
والمكانه بقه حسب الاختيار يا تزيد يا تموت وزى ما انا جوبت الرجل كده ويعمل كده والمراه مش كده وممن تعمل كده شكرا يا هايدى على تعليقك
تحياتى يا جميل
سلااام
فعلا مش كل راجل نور
ردحذفممكن يخون حب مرأة عاشت و حبت و ضحت علي خاطره
و لا كل ست بوسي
ممكن تسكت و ترضى و ما تخونش و تقول زي ماهو خان انا كمان أخون
و الصغار
مين بيهم؟
عزيزتى
ردحذفbutterfly
اكيد مش كل راجل نر بس احتمال انه يكون زى نور كبيراوى
ومش كل ست بوسى بس احتمال انها تخون قليل اوى
لانها ست وصعب عليها تعمل كده وانه راجل وسهل عليه يعمل كده
تحياتى
سلام
عاجبانى المناقشه بس للاسف ماقريتهاش للآخر
ردحذفماتزعلش منى
ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب
عزيزتى
ردحذفوينكى
ازاى عجباكى وازاى مقرتهاش للاخر
على العموم المكان مكان والبيت بيتك
اعملى اللى انتى عوزاهفيه
سلام
ادينى جيت اهو
ردحذفيعنى لازم المشورة يعنى
:)))))))))))
بص يا سيدى الموضوع كله انه نور رااااجل وبوسى ستتتتتتت
يعنى الراجل ده الطبيعى بتاعه الى نفسى اشوف راجل مبيعملش كده
وبوسى ست وبرضه تصرفها طبيييييعى جدا
هو الاكيد ان نور مش هينسى بوسى بس بعد ايه ماخلاص
the harm is done
يعنى الالم الى سببه ليها مش هيروح بالساهل
يعنى هو مش هاينساها وهى اكيد مش هتنسى الى عمله
بس 10/10
عزيزتى
ردحذفshayma
معلش يا افندم ما انا حبيت رائيك يتسجل رسمى عندى انتى عارفه محدش مضمون اليوميين دول فى كلمته حتى
اكيد الرجالة معظمهم نور بيحبوا بس رغباتهم بتغلب حبهم والستات زى بوسى بتحب وعمر ما رغبتها تغلب حبها
يعنى الطبيعى نتوقع كده من نور ومنتوقعش من بوسى اى شئ زى كده
هو مش هينساها اكيد بس قدر يستغنا عنها وهى مش هتنساه بس والالم هيفضل جواها محدش حاسس بيه ولا هيحس بيه غير اللى تمر بحالتها وممكن تسمحه رغم كده
ما انا بقولك بوسى فى الاخر ست
شكرا على زيارتك ومرى بقه على البلوج التانى عاوز رائيك فيه متخفيش مش هقولك تعلقى على اى موضوع يعجبك
سلام يا سكر
ماعندي شي اقوله غير أني مبسوطة لأني تعرفت على مدونتك
ردحذفوأنا متابعاها كل يوم
تحياتي لك
عزيزتى
ردحذفأنثى الخيال
شكرا يا قمر
وانا اللى بيسعدنى انك بتقرى موضوعات قديمة
وانا زى ما مهتمة وبتختارى الموضوعات وبتعلقى
هرد عليكى دايمن واتابع تعليقاتك
بس تقولى رائيك بقه
وتتكلمى فى الموضوع
علشان نتخانق
اقصد نتناقش
نورتينى يا جميل
سلام
و الله لو نور كان وصل للمرحلة اللى فى أخر صورة و لسه عاوز يتجوز , فبوسى توزعه و فوقيه بوسة بس تختاره العروسة ممرضة فى دار مسنين ههههه
ردحذفتحياتى
عزيزتى
ردحذفسارة نجاتى
لازم اعمل الكمين دخه واعلق باسم كلام من روح
شوفى الصورة اقصد بيها التحدى
واكيد الموضوع مش موضوع رجل عجوز متصابى وعاوز يتجوز
الموضوع اكبر من كده
طبيعة المراه والرجل
واحساس كل منهم عندما يحب
نورتى
سلام
أنا أول مرة آجي هنا
ردحذفبوست حلو قوي وواقعي جدا
مش معظم الرجاله نور
ومعظم الستات بوسى
9/10
تحياتي
عزيزتى
ردحذفRannon
معظم الرجاله نور بس مش قادرين
ومعظم الستات بوسى وصابرين ومستحملين
شكرا على وجودك
نورتى
سلاك
الاخ العزيز أحسا س لسه حى..
ردحذفالسلام عليكم ورحمة الله وبركاته
وبارك الله فيك وسوف تزول اسرائيل بايدينا مهما طال الاجل ، المهم ان لا ينخدع شبابنا بالدعاوى الكاذبة ويستقر فى روعه ان الاسرائيلى شر كله ولو لبس مسوح الرهبان
لك تحياتى والسلام عليكم ، ولا سلام مع اليهود
عزيزى
ردحذفBeram ElMasry
وعليكم السلام ورحمة الله وبركاته
أكيد هتزول ما اللى بنى على باطل وظلم عمره ما بيعيش
واذا كان هى معتمده على ضعف حكامنا
فبأذن الله هيجى اللى عنده عزه وكرامة وقوة
وهياخد حق اللى الدنيا ضيعت حقهم
تحياتى
سلام